*Tipi, tapa...*
🏃 🏃🏼‍♀️🏃🏼‍♀️🏃🏼‍♀️🏃🏼‍♀️🏃🏼‍♀️
Hemen duzue Ur Handitan saioak KORRIKAren sorrerari eskainitako atala: https://www.aek.eus/eu/bloga/40-urte-korrika

📶📢💻📝 astelehen on, zer moduz? BERRIA egunkariak argitaratutako erreportajea ekarriko dizuegu.

https://www.berria.eus/paperekoa/2177/014/001/2020-11-28/euskarari-beldurrak-erauzten.htmeuskarari-beldurrak-erauzten.htm

Euskara ikasleak ere Euskaraldian murgildu dira.

2⃣0⃣2⃣0⃣ko abendua. 🔈🔈


Bihar arte, asteazkenetan, galde debalde atalaren zalantzarekin etortzen gara eta.

🔴Asteazkena.

AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: Kaixo! Zalantza daukat gozatu aditzaren erabilera dela-eta. Niri neuri “Zurekin gozatu egiten dut” erakoak zuzenak eta jatorrak iruditzen zaizkit, baina ez omen dago ondo zerekin/norekin gozatzea... Hala al da?


Bada, ez zara bakarra uste horretan!

Gozatu aditza erabiltzeko orduan, duda sortu ohi da nola deklinatu behar den objektua: hau da, “zinemaz gozatzen dut” ala “zinemarekin gozatzen dut” esan behar ote den, adibidez. Euskal tradizioan, hiru kasu nagusitu izan dira batez ere, ZER, ZEREZ eta ZERTAN; hortaz, honelaxe erabili beharko litzateke: “Aitaren ondareaz gozatu da”, “Zure amodioan gozatzen naiz” edo “Arlote guztiek gozatu dute haren larrua” (bai, euskal tradizioan ere bazekiten zer zen erotismoa). “Zerekin gozatu” hori, berriz, ez da batere ohikoa, eta arruntagoa da, kasu horretan, atsegin hartu edo atsegindu baliatzea: “Zure konpainiarekin atsegin handia hartzen dut”, esaterako. Zure adibideari dagokionez, honela esan liteke: “Zutaz gozatzen dut”, “Zu gozatzen zaitut”, “Zurekin egoten gozatzen dut” edo “Zurekin atsegin hartzen dut”. Espero dugu geure erantzunaz, erantzunean edo erantzuna gozatu izana.



Bada, laster arte! Bide batez, gogoan izan abenduko AIZU! aldizkaria eskura dagoela. Hor, besteak beste, Izaro abeslari ezaguna hobeki ezagutuko duzue. Harrapatu aukera!

https://www.aek.eus/eu/bloga/aek-eta-aizu-aurten-ere-durangoko-azokan

🔴 azken bi aleak salgai

🔴AIZU! Harpidetza murriztua, 4 ale, 10€

🔴AIZU! urte osoko harpidetzaren eskaintza berezia. 10 ale, 23 euro.

🔴 Primeran B1 ikasmaterialak

Abenduak 9⃣, asteazkena.


AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: Orduak pluralean eta minutuak singularrean deklinatzen badira, - Adib.: 12:00etan, 12:30ean, 12:10ean... nola idatzi beharko genuke zifretan hamabiak, hamabi eta erdiak, eta hamabiak eta hamar? -Zalantza, adib.: konturatu orduko, 12:00ak izango dira, 12:30a izango da, 12:10a izango da.


Lehenik eta behin, eskerrik asko zuen galdera bidali izanagatik. Erantzuteko, onena dateke ikustea zer dioen arauak berak (35.a, 1995eko ekainaren 30ekoa). Ordua zenbaki bidez adierazteko, honako gomendio hauek ematen ditu Euskaltzaindiak:

a) Tauletan zenbaki edo zifra hutsak jarri, kasu-markarik gabe. Altzürükütik Lanestosarako autobusen irteera-orduak, adibidez, honela adieraz daitezke: 09:00, 12:15, 15:30 eta 18:45. Edo denda baten ordutegia, honela: goizez/goizetan, 10:00-13:30; arratsaldez/arratsaldeetan, 16:00-19:30.

b) Kasu-marka erantsi nahi bada, aukera bat baino gehiago egon daiteke: 1- kasu-marka soila erantsi. 2- beti pluralari dagokion forma erantsi. Edo 3- kasuan-kasuan dagokiona ezarri. Hurrenez hurren: 15:05n, 15:05etan, 15:05ean. Dena den, Euskaltzaindiaren iritziz, egokia da orduak esateko eman diren gomendioak zenbakietan ere betetzea. Hortaz, orduei pluraleko kasu-marka ezarriko zaie, eta minutuei singularrekoa (behar denean, lotura bokala erantsiz): 15:00etan, 15:00etara / 15:00ak arte 15:00etatik 15:01ean, 15:01era / 15:01 arte, 15:01etik 15:03an, 15:03ra, 15:03tik 15:04an, 15:04ra, 15:04tik 15:05ean, 15:05era, 15:05etik 15:30ean, 15:30era, 15:30etik

d) Azkenik, erdibideko erabilerak ere ikusten ditugu askotan, batez ere egitarau, kartel eta horrelakoetan: hots, orduak hamabika kontatuak goizeko, arratsaldeko, arratseko nahiz gaueko erantsiz. Hala egin nahi denean, honela idaztea gomendatzen da: - Goizeko 10etan - Arratsaldeko 5etan - Goizeko 11,30etan / goizeko 11 eta erdietan - Iluntzeko 8etatik 11k arte Hau da, zuen zalantza aintzat hartuta, honela eman beharko genituzke zenbakiok: Konturatu orduko 12:00ak izango dira, 12:30 izango dira, 12:10 izango dira (lehenengoa, pluralez, orduak direlako; beste biak, markarik gabe, ordua ematean minutuak ez direlako deklinatzen) Beraz, “hamabiak eta hamar (minutu) dira”.



Bada, laster arte! Bide batez, gogoan izanabenduko AIZU! aldizkaria eskura dagoela.Hor, besteak beste, Joseba Attard hobekiezagutuko duzue. 
Harrapatu aukera!

Ostiral on! Hona aterpean irakurtzeko proposamena.👍

Anna

Christoforos

Rakel

Iñigo

Davide

Anne

Laura

Marija ...





https://www.aek.eus/eu/bloga/zelan-euskaraz


AIZU! Aldizkariaren atal berria den arren, dagoeneko lagun asko pasa dira bertatik. Heldu aroan, euskaltegian, euskara ikasi duten pertsonak, alegia.


Haiek ezagutzeko aukera edukitzeaz gain, euskara ikasteko lagungarriak diren aholkuak, trikimailuak eta testigantzak aurkituko dituzue. Harrapatu aukera!

AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.


GALDERA: Kalean ikusitako kartel batek zalantza sortu digu. Euritakoak bustirik daudenean, plastikozko zorro batean biltzen dituen tramankulu horri "ATERKI BILTZAILEA" esaten zaio? Hori da formula zuzena?


Ez pentsa galdera sinplea egin duzuenik, ez! Euskara hazten ari da oraindik, eta bertara kontzeptu asko ekarri beharrean gaude. Hala, euskaldun orori egokitu zaigu, noiz edo noiz, itzultze lanak egitea; geure esperientziatik, esan dezakegu ez dela erraza izaten. Kasu honetan, gure ustea da “aterki biltzailea” proposatu duen itzultzaile horrek ez duela asmatu. Hona zergatiak: “Bildu” aditza egokia da ekintza hori adierazteko: zerbait material batez (paperez, ehunez, plastikoz, eta abarrez) inguratuz estali (Harluxet hiztegitik).

Halaber, “-(t)zaile” atzizki jatorra da. Arazoa da “biltzaile” hitzak beste zentzu bat izaten duela euskaraz: zerbait jasotzen duena (diru biltzaile, zerga biltzaile, baloi biltzaile, belar biltzaile...). Beraz, norbait ikusiko bazenute aterkiak hartzen eta batzen, edo aterkien bilduma egiten, horixe litzateke “aterki biltzailea”, ez aterkiak plastikoz inguratzen dituen tresna. “Esana da erraz eta egina garratz” dio esaerak. Besteren ahalegina kritikatu ostean, baten batek pentsa lezake: eta zuek nola emango zenukete, orduan, izen hori euskaraz? Bada, honelaxe: Aterkia biltzekoa (“tramankuluari” zein plastikoari esateko) Aterki bilgarria edo aterki bilgailua (plastikoari esateko) Aterkia biltzeko gailua edo makina (“tramankuluari” esateko)

Gustuko dituzue gure proposamenak?

Bada, laster arte! Bide batez, gogoan izan abenduko AIZU! aldizkaria eskura dagoela.
Hor, besteak beste, hainbat gomendio aurki dezakezue kultura atalean Harrapatu aukera!

"Igogailua", podcast bidezko fikziozko saila: oroitzen al zarete? Ezagutzen duzue?

2019ko udaberrian, proiektu hau aurkeztu genuen; gogoan izan, entzuteko eta gozatzeko ez ezik, Igogailuak euskara lantzeko ere balio du. Izan ere, Igogailuaren bost kapituluak ardatz, ariketa sorta prestatu eta sareratu genuen. Kapitulu bakoitzarekin lotuta, zenbait lanketa topatuko ditu erabiltzaileak: bai podcasta entzun aurretik bai entzun ostean egin beharrekoak. Guztiak edonork libreki egiteko moduan, hau da, erregistratu beharrik gabe. 

Harrapatu aukera! Asteburuan, adibidez...


Hemen:https://www.aek.eus/eu/bloga/igogailua-podcast-bidezko-fikziozko-saila

Eskaintza bereziaren azken egunak, harrapatu! https://www.aek.eus/eu/bloga/gabonetan-oparitu-euskara

🔔🔔3⃣1⃣arte!

Euskara ikasi nahi? Galderaren bat? https://aek.eus/eu/euskaraikasinahidut

🔈👀🙋‍♀

Harrapatu asteburuan! Urte berri on!

🔈🔈🔈adi, bihar...https://amp.eitb.eus/eu/telebista/bideoak/osoa/7758439/bideoa-euskara-batua-zertan-den-dokumental-berezia-etb1en-eta-eitbeusen/?__twitter_impression=true

Urte berria, zalantza berria 🙋‍♀👌


AIZU! ALDIZKARIAREN GALDE DEBALDE? ATALAREN EDUKIAK ASTERO AEKren 
TELEGRAM KANALEAN.



GALDERA: Kaixo, adiskideok. Euskara irakaslea nauzue, eta zalantza batekin natorkizue. Ez aspaldi, ikasle batek hauxe galdetu zidan: "Zergatik esaten da 'non egiten duzu lan' eta ez 'non lan egiten duzu'? Ez al da aditz osoa 'lan egin'?” Nik ezetz erantzun nion; alegia, aditza 'egin' dela, eta 'lan', 'igeri', 'lo' eta horrelakoek osagarri zuzenaren funtzioa betetzen dutela. Horraino zalantzarik ez. Baina nire kasuan, adibidez, 'hitz egin' beti ordena horretan esan eta idazten dut. Zergatik bigarren kasu horretan ez da aplikatzen arau bera? Are gehiago, mendebaldean zergatik erabil liteke 'berba egin' bietara? Hots, Anerekin berba egin dut edo Anerekin egin dut berba. Zein da araua?


Gure uste apalean, esan beharra dago "arau" berba arinegi eta sarriegi erabiltzen dugula euskaldunok euskararen gainean ari garenean. Jakina da Euskaltzaindiak ebazten dituela gure hizkuntzaren gaineko auziak-edo, eta zinez emankorra dela erakundea, ez baitira bakanak, preseski, ezagutu beharrekoak (arauak, hain zuzen). Ugaritasun horrek, beharbada, nolabaiteko zurruntasunez aritzeko joera hedatu du gure artean; hau da, ziurtzat jotzen dugunaz haragoko guztia automatikoki baztertzekoa, "ez delako zuzena", "ez delako jatorra", "hemen ez delako horrela esaten"...

Ziurrenik, azkeneko arrazoibide horrek pentsarazi dizu ezin dugula 'hitz egin' eraldatu; bestela esanda, ez dagoela osagai bi horien ordena aldatzerik, agian zeure inguruan sekula ez baituzu horrela entzungo. Hala, ohituraren ohituraz, 'hitz egin' egongo da errotuta, suntsiezin. Zergatik, baina? Berez, ez du inolako alderik bizkaierako 'berba egin' horrekin, erabat baliokideak dira; zeharo sinonimoak, hala forma nola esangura aldetik. Dena den, egia da badirela lexikalizaturik geratu diren zenbait izen, aditzari joak: alde egin, negar egin, lan egin... eta, noski, hitz egin.


Beharbada, fosilizazio horren ondorioz idazten du horrenbeste jendek 'hitzegin', Euskaltzaindiaren arauen kontra. Berba egin, aldiz, dinamikoagoa da oraindik, esan nahi baita ele biak, berba eta egin, lekuz alda daitezkeela (eta aldatzen dira). Horregatik entzuten dugu "Ez du egin berbarik" zein "Ez du berbarik egin", "Egidazu berba!" zein "Berba egidazu!", "Orain ez egin berba(rik)" zein "Orain ez berba(rik) egin", etab. Horrez gain, tradizioan hauek topa ditzakegu: Nogaz egiten dugu berba?, Egizu berba ardura baga, Neuk egingo diet berba, Egizu nahi duzun beste berba... Hori guztia kontuan hartuta, beraz, eta zure adibideari helduta, berdin berba egin zenezake Anerekin edo egin zenezake hitz Anerekin, edo egin zenezake berba Anerekin edo hitz egin zenezake Anerekin. Jendeari gehiegi mintzatzea (ederra gure hizkuntzaren aberastasuna!), hots, astuna izatea zuzenegia ez dela alde batera utzita, jakizu Anerekin egin beharreko aurreko horiek guzti horiek erabat egokiak direla.



Bada, laster arte! Bide batez, gogoan izan urtarrileko (aurten, 40 urte) AIZU! aldizkaria eskura dagoela. Hor, besteak beste, Lander Garro hobeto ezagutuko duzue. Harrapatu aukera!