SEI TXANGO KIROLA ETA NATURA EGITASMOAREN BARRUAN
Kirola eta Natura egitasmoa abiatu du AEKren Praktikatu zerbitzuak. Zikloa osatuko duten sei txangoak mintzapraktikaren ohiko eskaintza osatzera datoz.

Lehenengo irteera Mairuelegorretako kobazulora izango da, otsailaren 24an, ibilaldiaren ostean bertan Igor Arzuagaren kontzertu akustikoa entzuteko. Ondoren etorriko dira Itxinako zeharkaldia bertsolariekin, martxoaren 24an; orientazio ikastaroa Zugaztietan eta bisitaldia Peñas Negras interpretazio zentrora, apirilaren 21ean; arroila jaitsiera Aguake ur jauzian, maiatzaren 19an; orientazio ikastaroa Pagoetan eta bisitaldia Agorregi burdinolara, ekainaren 2an; eta Urdaibaiko kayak zeharkaldia eta Bird Center-era bisitaldia, ekainaren 16an.

Irteera guztiak doan izango dira, baina beharrezkoa da izena ematea. Partaide guztiek jasoko dute opari, txangoa abiatzean, motxila txiki bat eta eguneko jatordua. Halaber, aditu taldeak izango dira beti bidean laguntzeko.

Informazioa eta izen ematea: www.praktikatu.eus

AIZU! ALDIZKARIAREN GALDE DEBALDE? ATALAREN EDUKIAK, ASTEAZKENETAN, AEKREN TELEGRAM
KANALEAN



Galde debalde? Zalantzak argitzeko, AEK-k txoko hori eskaintzen du hilero AIZU! aldizkariaren 'Ez da hain fazila' erdiko gehigarriaren barruan.


GALDERA: “Desde BB King hasta Ottis Redding...” nola esan euskaraz?


Itzulpenetan, kalkoa egitea izaten da lehenengo bulkada. Hortaz, hauxe emango luke astirik, gogorik edo eskrupulu askorik gabeko sasi-itzultzaileak: *BB Kingengandik Ottis Reddingenganaino... Apur bat gehiago pentsatuz gero, ordea, laster konturatuko gara gaztelaniazko “de... hasta...” hori ez dela beti izaten “norengandik norenganaino”. Hortaz, erdal testuaren benetako zentzuaz galdetu beharko genioke geure buruari: zer arraio esan nahi du? Tranpatxoa eginda, Googlen bilatu dugu testu hori. Hona zerekin egin dugun topo: Tras haber tocado con muchos de los grandes, la experiencia de Slam Allen viene marcada por su paso como cantante en James Cotton Band, y sus influencias desde BB King hasta Ottis Redding, pasando por el maestro Muddy Waters. Benetako testua da, eta badu zentzurik. Nola itzuli?

Hona egin beharreko 3 pausoak:

1.- Ahaztu erdal egitura (desde... hasta ...).

2.- Saiatu harrapatzen benetako esanahia: Slam Allen horrek jende askoren eragina jaso zuen; tartean egon ziren BB King eta Ottis Redding.

3.- Eman euskaraz ideia hori informaziorik galdu/gehitu gabe: Musikari handi askorekin jo ostean, hainbat esperientziak baldintzatu zuten Sam Allenen ibilbidea: batetik, James Cotton Band taldean kantari aritu izanak; bestetik, zenbait artistaren eraginek: besteak beste, BB Kingenak, Ottis Reddingenak eta are Muddy Waters maisuarenak ere.

Beraz, kasu honetan behintzat, gaztelaniazko “desde... hasta...” hori apaingarri hutsa da (auzo hizkuntza horretan maiz gertatzen den moduan), eta ez dugu zertan itzuli dagoen dagoenean.



Adierazi bezala, AIZU! aldizkarian horren moduko zalantzak argitzen lagunduko dizugu. Beraz, nahi izanez gero, bidali zuen zalantzak: euskaratu@aek.eushelbidera


Bada, datorren asteazkenera arte! Bide batez, gogoan izan otsaileko AIZU! aldizkaria kalean dela, eta, besteak beste, Irulegiko gaztelua hobeki ezagutuko duzue.

Larunbatean, Mairuelegorretan izan ginen. Hurrengo txangoa > martxoaren 24an, Itxinan. #PRAKTIKATUetaBIZI

eta 24an? #PRAKTIKATUetaBIZI

AIZU! ALDIZKARIAREN GALDE DEBALDE? ATALAREN EDUKIAK ASTEAZKENETAN AEKREN TELEGRAMKANALEAN



Galde debalde? Zalantzak argitzeko, AEK-k txoko hori eskaintzen du hilero AIZU! aldizkariaren 'Ez da hain fazila' erdiko gehigarriaren barruan.


GALDERA: “Jakin nahi dugu nola esaten den: deustuar ala deustutar, ondarruar ala ondarrutar. Sopelakoak sopeloztarrak badira, eta Galdakaokoak galdakoztarrak, Lekeitiokoak lekeitioztarrak dira? Zein arau aplikatu behar dugu jentilizioak egoki erabiltzeko? Ea behingoz geure burua argitzen dugun! Santutxuar / santutxutar (?) ikasle-talde bat.


Hauexek dira herri horien jentilizioak: Deustu → deustuar Ondarroa → ondarroar Sopela → sopelar edo sopeloztar Galdakao → galdakar edo galdakoztar Lekeitio → lekeitiar Santutxu → santutxuar Egia da Bizkaiko mendebaldean "-(o)ztar" erabiltzen dela (erandioztar, bediaztar, zaratamoztar...), baina ez Bizkai osoan. Hortaz, “lekeitioztar” ez da zuzena, horren tradiziorik ez dagoelako (gainera, ez dugu uste izen berria atseginez hartuko luketenik kostaldeko herri eder horretako biztanleek). Jentilizioak ondo erabiltzeko, aski duzue Euskaltzaindiaren onomastika atalera jotzea; edo, Bizkaiko herrien kasuan, 145. araura.


Adierazi bezala, AIZU! aldizkarian horren moduko zalantzak argitzen lagunduko dizugu. Beraz, nahi izanez gero, bidali zuen zalantzak: euskaratu@aek.eus helbidera


Bada, datorren asteazkenera arte! Bide batez, gogoan izan martxoko AIZU! aldizkaria kalean dela, eta, besteak beste, Eneko Sagardoy hobeki ezagutuko duzue.

Asteburuan, zer?

Guk apirilaren 28rako luzatuko dizuegu gonbitea: 25 urte beteko dituen txapelketara.

https://www.aek.eus/eu/1298-esaera-zaharrak-sopela

21. KORRIKAren berri edukitzeko denbora falta den arren, #korrika giroan guztiz murgilduta gaude. Azken berriak Irlandatik etorri dira, baina maiatzean hitzordu gehiago ditugu. Duela egun batzuk, BERRIAK  erreportaje zabala eskaini zion gaiari:

https://www.berria.eus/paperekoa/1736/038/001/2018-03-13/korrikaren_kume_geldiezinak.htm

https://www.berria.eus/paperekoa/2041/039/002/2018-03-13/passem_lehen_aldiz_egingo_dute_eta_euskal_herritik.htm

https://www.berria.eus/paperekoa/1941/039/001/2018-03-13/lanean_munstro_bihur_ez_dadin.htm

Tipi tapa, KORRIKA

Txangoak eta bidaiak egiteko sasoian sartu garenez, gisa horretako proposamen batekin gatoz (oraindik aste batzuk falta diren arren)
#KORRIKA