Arratsalde on! Dudatan zabiltzate ea igandetik aurrera zer egin daitekeen eta zer ez.
🙈Gu, ordea, beste maila bateko zalantza batekin gatoz. ⬇️👍

AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: Kaixo! Badakit honezkero eta harrezkero onartuta daudela; nire zalantza da zuzena ote den, adibidez, “hori egin ezkero, zigortu egingo gaituzte” moduko esaldiak egitea: hau da, aukera dagoen aditzen ondoan "ezkero" idazteko.


Kantak zioen bezala: Ez da posibleeeee, ezin litekeeeee. Euskaltzaindiak zehatz-mehatz dauka araututa kontu hori 26. arauan. Horren arabera, zuk esan bezala, honezkero, horrezkero eta harrezkero aditzondoak zuzenak dira, horrela erabili baitira euskarazko literatura tradizionalean (horrezkero beste biak baino askoz gutxiago agertzen bada ere). Bestetik, aditza tarteko dagoenean, kasu guztietan baliatu behar da -(e)z gero: eginez gero, eskatuz gero, ibiliz gero... Azkenik, orduekin eta, oro har, denbora adierazteko, aukera biak dira zuzenak: gaueko hamarrez gero / hamarrak ezkero; jaiez gero / jaiak ezkero; azterketez gero/ azterketak ezkero...

-----------------------------------


Bada, laster arte! Bide batez, gogoan izan maiatzeko (aurten, 40 urte) AIZU! aldizkaria eskura dagoela. Harrapatu aukera!https://www.aek.eus/eu/bloga/hemen-da-maiatzeko-aizu

🔵Hurrengo ikasturtea prestatzen ari gara🔵

https://www.aek.eus/eu/bloga/zabalik-aurre-izen-ematea (eus)

https://www.aek.eus/es-es/blog-1/en-marcha-la-prematricula-del-proximo-curso-oferta-especial (es)

🧐Zer moduz zaudete?



AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: Bikotekideak eta biok beti izaten dugu eztabaida bera erosketa-zerrenda egiteko orduan, neuk beti esaten baitut “okelik gabe gaude”. Berak dioenez, “okelarik gabe” da zuzena. Hala al da? Lagundu, mesedez, zoratzen ari naiz-eta!



Bada, sentitzen dugu, baina borroka hori galduta daukazu! Izan ere, berba okela baita; alegia, -a itsatsia darama. Beraz, deklinatzeko orduan ezin zaionez azkeneko hizki hori kendu, “okelarik gabe” zaudetela esan beharko diozu aurrerantzean.

Bestetik, halako zalantzarik edukiz gero, beti daukazue hiztegira jotzea (Hiztegi Batura, esaterako), berbak -a itsatsia daraman egiaztatzeko. Horrela, azkarrago konponduko dituzue zeuen hizkuntz gatazkatxoak! Beste kontu bat da euskalki batzuek (gipuzkerak, bereziki) -a itsatsiak gal­tzeko duten joera bizia (gauz bat, hainbat pertsonen, industri handia...). Hori, baina, dialektologia da. . .

-----------------------------------


Bada, laster arte! Bide batez, gogoan izan maiatzeko (aurten, 40 urte) AIZU! aldizkaria eskura dagoela, eta, bertan, BIZIPOZA elkartea hobeki ezagutu ahal izango duzue.
Harrapatu aukera!

Ostiral on! Astea amaitzeko, gomendio bat, Telegram-etik mugitu gabe:

Lokuzioak, esaerak, hitzak



@ahozkotasuna kanala

Uztailak 3⃣, Bilbora!👌

📣Larunbatean...

🔴zer moduz dator asteburua? Azken boladan, zera hori ostiraletan ekarri dugu. Beraz, hemen duzue aste honetako zalantza. Segi ondo! Euskaraz bizi nahi dugu, sasi guztien gainetik. Irunen, Hendaian, Bilbon, Zizur Nagusian eta herri guztietan.


AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: Aupa! Aurreko batean, “zera bat” idatzi nuen idazlan batean, eta irakasleak esan zidan txarto dagoela. Azaldu zidan, noski, baina ez zitzaidan oso argi geratu. Horregatik jo dut zuengana...




Saiatuko gara argiago azaltzen, lasai. Oro har, “zer” galdetzailea da. Baina, batzuetan, “komodin” gisa erabiltzen dugu, zer/nola esan ez dakigunean, kontzeptu bat zuzenean aipatu nahi ez dugunean (lotsa edo beldurra ematen digulako, adibidez), edo, besterik gabe, berba bat ahaztu zaigulako. Horrelakoetan, “zer” esaten dugu, gaztelaniaz “este/esto” erabiltzen den bezala. Hori dela eta, “zer” horren zentzua ez da beti berdina; izan ere, esaldi bakoitzean zentzu bat izaten du, hizlariaren edo idazlearen asmoen araberakoa. Kontua da askotan entzun dugula “zera” (zer + a, nor kasuko deklinazio singularra) edo “zerak” (pluralean). Horiek zuzenak dira, bai, baina soilik hitza bakarrik badator. Adibidez:

- Ez, hau ez da pertsonari dagokion zera, urliarena edo sandiarena: hau izadiarena da. (Zera: kontua, arazoa, afera...)

- Orduantxe ezagutu zuen gaixoak bere barruan Anjeleganako eduki zuen zera ez zela maitasuna baino besterik. (Zera: sentimendua, grina, sentipena...)

- Eta etxean zituen bortz zizpa eta horiei dagozkien zerak banatu zizkien. (Zerak: zizpei, eskopetei dagozkien gauzak: munizioa, bolbora...)

- Inor ez daiteke gizon azkar (indartsu) baten etxera sartu eta haren zerak ebatsi (lapurtu), aurretik azkar hura lotzen ez badu. (Zerak: ondasunak, gauzak)


Honaino, denok ados.


Arazoa da azken urteotan hainbat idazlek eta hiztunek pentsatu dutela “zera” dela hitza, konturatu gabe “zer” dela. Hortik etorri da nahasmena eta, horren ondorioz, akatsak:

- Beste zera* hori

- Zera* bat berria, berritzailea, apurtzailea, uppercuta irakurlearen matrailezurrera

- Kulturari buruzkoa ere bada kezka, irudiaren aroan ez ote den infrasoinu moduko bat, bertan egon baina inork entzun gura ez duen zera* bat

Hortaz, argi izan behar dugu “zer” idatzi beharko dugula beste zerbait jartzen badugu atzean (izenondoa, zenbakia, erakuslea...). Honela:

- Zer garrantzitsu bat dut zuri esateko -

Zer bat darabilt buruan, aspalditik

- Ez eman horrenbeste buelta zer horri, ez din merezi!

Halaber, aditza ere badauka: zertu (Euskaltzaindiak “zeratu” ere onartzen du). Amaitzeko, gogoratu “zer” partikulak ia denetarik onartzen duela, ia dena ordezka dezake eta: zerago, zerdun, zeregi, zerena, zerkeria, zerez beterik, zeragana, zeragaz, zertasun, etab. Ikusi, bestela, adibide hau, erreal-erreala: - Zeraingo zera zertzen omen da zereko zerarekin Halaber, hortik dator gure esapide jator ezagun hori: “Bai, zera!”

Ezin argiagoa, ezta?

-----------------------------------


Bada, laster arte! Bide batez, gogoan izan maiatzeko (aurten, 40 urte) AIZU! aldizkaria eskura dagoela, eta, bertan, AR REDADEG ere aipatzen da, gaur hasiko den KORRIKAren ahizpa bertoia, alegia. Harrapatu maiatzeko alea!

📣 Larunbatean...

Iparraldetik datoz notiziak...

AEK-ko irakaslea izan nahi? 😍👍 https://www.aek.eus/eu/bloga/gau-eskolak-zabalik

🔔Arratsalde on! Zalantza batekin ekin diogu aste berriari; astelehena izanik, kirol-kontuak tartean.



AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: Kaixo, aizutar jakintsuak. Gure euskaltegiko taldean realzale finak gara, baina baita euskara ikasle saiatuak ere. Horregatik, Realaren aldeko "Goazen Erreala, goazen txapeldun!" entzuten dugun bakoitzean, gure bihotz txuri-urdin eta euskaldunak krak! egiten du. Zuzena al da lelo hori ala, guri iruditzen zaigun moduan, erdarakada? Zuen erantzunaren zain, eskerrik asko eta aupa Aizu!, aupa Reala!



Arrazoi duzue. Guri ere ez zaigu batere gustatzen “goazen” hori, bai baitirudi gaztelaniazko “¡Vamos!” animo oihutik datorkigula zuzen-zuzenean. Euskaraz, “goazen” lehen pertsona pluraleko subjuntiboaren aditz trinkoa erabiltzen dugunean, mugimendua (fisikoa edo metaforikoa) adierazten dugu, non gu zerbait egitera edo norabait joango garen. Horren adibideak ez dira falta:

- Goazen lagunok amets betean, dragoi bola bila batera...

- Goazen, goazen Belenera zahar eta gazte guztiok eramaten seintxoari gabonsari kapoiok...

- 'Goazen Kalera', adinekoak eta osasun arazoak dituztenak forman mantentzeko ekimena. - Goazen, guztiok batera, ikurrina askatzera...

- Goazen aztertzera mito horietako batzuk, ea ados gauden.


Ikus daitekeen moduan, “goazen” horiek guztiak “joan gaitezen” aditz perifrastikoarekin ordezka genitzake. Donostiako futbol taldearen aldeko leloan, aldiz, ez luke zentzurik “joan gaitezen Erreala” esateak, ez dago-eta inolako mugimendurik; eta esanez gero, berehala galdetu beharko genioke geure buruari ea nora joan behar ote dugun. Gure ustez, gaztelaniazko “¡Vamos!” animatzeko hitza besterik ez da, eta itzulpen txarra (literalegia) litzateke “Goazen!” ematea asmo horretarako; gainera, inork uste du euskarak ez duela aski baliabiderik animatzeko?


Hor ditugu “Aupa!”, “Eman (gogor)!”, “Ekin!”, ”Egurra!”, ”Segi bizkor!”, ”Onenak gara/zarete!”, ”Aurrera!”, ”Aitzina!”, “Kuraia on!” ”Gora zuek!”, ”Biba!” (Euskaltzaindiaren Hiztegian dago), ”Eutsi goiari!”, ”Eutsi gogor!”, “Eutsi horri!”, ”Zuekin gaude!”, “Garaipena gurea da!”, “Zu zara nagusia!” (txantxa da, lasai) eta beste hamaika.


Bada, laster arte! Bide batez, gogoan izan ekaineko (aurten, 40 urte) AIZU! aldizkaria eskura dagoela, eta, bertan, Amaia Zubiria abeslaria hobeki ezagutzeko aukera izango duzue. Harrapatu!

☀️⏺️ AEKn, uda batek bik beste balio du. Euskara ikasi eta gozatuko duzu. Hurbilen duzun euskaltegian ere euskara-ikastaroak aukeran⬇️


(Hegoaldean)

https://www.aek.eus/eu/bloga/udako-ikastaro-trinkoak

(Iparraldean)

https://www.aek.eus/eu/bloga/iparraldeko-udako-ikastaroak

🔴🔴🔴🔴🔴🔴 Hizkuntza-politiketan ziklo berri baten hasieran gara.
🔈⬇️
https://www.aek.eus/eu/bloga/hizkuntza-politiketan-eragiteko-adostasun-soziala-dokumentuaren-aurkezpena-hilaren-19an

Azken bi asteak❗️

☀️ ala 🌨, uda hasiera on! Bizirik gaude, bai...

AIZU! ALDIZKARIAREN GALDE DEBALDE? ATALAREN EDUKIAK ASTERO AEKren TELEGRAM KANALEAN.



GALDERA: nola deklinatu zerrenda luze bateko osagaiak esaldi-erakoak direnean; aditz nagusia bezala, ezinbestean? Esaterako: Udalak langileak kontratatuko ditu eginkizun hauetarako: - Udal eraikinak garbitzeko. - Udalerriko lorategiak zaintzeko. - Kiroldegiko mantentze lanak egiteko.



Bada, normalean, halaxe idatzi ohi dira zerrendak, kohesioari eustearren. Dena den, gerta liteke horrelako zerrenda batzuk, luzeak badira, nekagarriak izatea irakurtzeko, deklinabide kasua behin eta berriz errepikatzearen ondorioz (zure adibidean, laburra denez, ez dago halako arazorik, baina 3 “-t(z)eko” daude bertan). Alabaina, iruditzen bazaizu testua irakurtzeko nekeza dela, beste bide bat topa dezakezu samurragoa izan dadin, betiere zuzentasunari eutsita.


Horretan laguntzeko, HAEEk hainbat iradokizun jaso zituen Argi idazteko bideak lanean (1996):

1.- Esaldi nagusia zertxobait moldatuz gero, zerrendako elementuak NOR kasuan eman ditzakegu; hala, erosoago irakurriko ditugu. Esaterako: HAEEk era honetako ikastaroak antolatu nahi ditu datorren urtean: 1.- Laneko komunikazioa eta pertsonarteko harremanak lantzekoak. 2.- Herri administrazioko bulegoetan teknologia berriak sartzekoak. 3.- Giza gaitasunetan trebatzekoak. 4.- Jendeari harrera egitekoak.

Norentzat: 1.- Aurreko maila burutu dutenentzat. 2.- EAEko administrazio orokorreko A eta B taldeetako teknikarientzat. 3.- Kontabilitateko zereginetan dihardutenentzat.


Bestela emanda: Hona HAEEk datorren urtean antolatuko dituen ikastaroak: 1.- Laneko komunikazioa eta pertsonarteko harremanak. 2.- Herri administrazioko bulegoetako teknologia berriak. 3.- Giza gaitasunak. 4.- Jendearekiko harrera.

Ikastarora joan daitezkeenak: 1.- Aurreko maila burutu dutenak. 2.- EAEko administrazio orokorreko A eta B taldeetako teknikariak. 3.- Kontabilitateko zereginetan dihardutenak.


2.- Zenbait kasutan, esaldi nagusian deklinabide atzizki bat jarri eta zerrendako elementuetan NOR kasura jo dezakegu. Halakoetan, baina, gaizki-ulerturik ez dela egongo ziurtatu behar dugu. Esaterako: Hitzaldiak hainbat tokitan izango dira: - Miramar Jauregia (Donostia). - HAEEko egoitza (Bilbo). - Europa Biltzar Aretoa (Gasteiz).


Hortaz, zure adibidera etorrita, beste moduren bat bila genezake testua errazteko: Udalak langileak kontratatuko ditu; hauexek izango dira haien eginkizunak: - Udal eraikinak garbitu. - Udalerriko lorategiak zaindu. - Kiroldegiko mantentze lanak egin.



Bada, laster arte! Bide batez, gogoan izan ekaineko (aurten, 40 urte) AIZU! aldizkaria eskura dagoela, eta, bertan, Villabuenan, Arabako Errioxan, sortu den hilerri ateoa hobeki ezagutzeko aukera izango duzue. Harrapatu!

🔴🔴🔴🔴🔴🔈

Asteak bi berri garrantzitsu utzi dizkigu:


1⃣
Batuz aldatu: heldu da hizkuntza-politiketan jauzia egiteko ordua. 99 eragile anitzen adostasunetik abiatuta, larunbatean hizkuntza-politiketan eragiteko ziklo berri bati eman zitzaion hasiera Kursaalean.
https://kontseilua.eus/hizkuntza-politika/batuz-aldatu-heldu-da-hizkuntza-politiketan-jauzia-egiteko-ordua/



2⃣
Aurrera jauzia egiteko prest, baina, zoritxarrez, atzera egiteko arriskua egon badago. Hori dela eta:

Euskaraz bizitzearen alde, batuz. Eskubide murrizketarik ez! lelopean, 18:30ean abiatuko da manifestazioa Baluarte plazatik.

https://kontseilua.eus/uncategorized/eskubide-murrizketak-salatzeko-manifestazioa-uztailaren-2an-irunean/