علّم احساسك ڪيف يتجاوز ومايتألمش من كل موقف أو خيبة علّم نفسك ان الدنيا مش محصورة ؏ شخص ولا موقف زي ما مشوا وطلعوا من حياتك حط ف راسك ان حيجوا غيرهم واحسن منهم، طول ما انت ؏ طبيعتك حتكون أجمل نُسخة من نفسك علاش تحاول تغيّر من نفسك باش تعجب حد معيّن!، مش حنقول مافيش حد يستاهل بس لو كنت تعجبه راه عجبته من الاول قبولهم او رفضهم ليك ميعبرش ؏ قيمتك بس أكيد يعبر ؏ اللي ف داخلهم اللي الله اعلم شن فيه ، وفّر مشاعرك للناس اللي وجُودك فارق معاهم بسس..✨

-لُجين

الشخص اللي يسامح ويعطي فــي فرص مش حيقعد طول عمره ؏ نفس النمط الشخص هذا بذّات ؏ قد ما يتحمّل ؏ قد ما ردود فعله قويه يعني انتَ تمادا وهو يتحمل وزيد تمادا لين يدير رد فعل يصدمك ويكرهك فـي حياتك لذلك الفرصه اللي تجيك من الشخص اللي يسامح هلبا حاول ما اضيعهاش لانك ماتندريش اي وحدة فـي الفرص هادي حتكون الاخيره ✨.

ماعنديش أدنى إستعداد إني نغيرلك نظرتك عليا أو حتى نشكك فيها، بالعكس إنت صح في كل اللي حسيته مني، اللي شافني مش كويسة فأني فعلاً كنت هكي معاك لان أنت ميليقش بيك إلا هذا، وكل اللي أنت درته معاي رجعلك كردّة فعل طبيعية واللي شافني حلوة ف هذا لان طبعي مع كل الناس اللي حواليا، فأني كنت هكي معاك يا إما لان ماشفتش منك سلوك يخليني نعاملك بشكل سيء، أو إنك أنت أحلى حد في الدنيا ومايليقش بيك إلا كل جميل، زي ما خشيت دنيتي وحليتها ف طبيعي جداً إن هذا ينعكس عليا وتشوفه في تصرفاتي معاك كل اللي شافني بصورة أياً كانت… فهوا شاف إنعكاس لصورته معاي، أني مراية لأفعالك وكلامك ...

- الحلوة واللي مش حلوة، العصبية والحنينة والصبورة والباردة والطيبة والاستفزازية….
كلهم أني، انت بس اخترت اللي يناسبك ويليق بيك.

-لُجين

بين ساعه وساعه يجي طيفكم تحت الجفن يداعى.
@ALOola_we | القاء 🎙

_

حب الذات: كان عنوان حوار جلستنا فالانستغرام، نحطلكم رابط حسابي وخشو اسمعوه، ونتمنالكم الاستفاده 📌.
..
https://www.instagram.com/s/aGlnaGxpZ2h0OjE3OTc4MjA3MTY3OTE1MTA0?igshid=YmMyMTA2M2Y=

_

(إرضاء الناس غاية لا تدرك)

قداش درتي وأتقنتي شي معين وحبيتيه وجي حد وطلعلك فيه عيب، وقداش حاولتي تكوني مثالية وجي حد وقالك أنك العكس تماماً، قداش من مرة ومرة تعرضتي للنقد لأسباب تافهة لمجرد انك كنتي مختلفة .

مع كل خطوة تقدميها لمشروع أو حياة جديدة حينحكى عليك، حتنتقدي لأنك تحاولي تغيري وتيرة حياتك لجهة أفضل، حتسمعي كلام فكك راهو حتفشلي، برغم أن بداية كُل نجاح هوا الفشل أصلاً حتى تستشعري حلاوة الوصول، حتى توصلي لقناعة أنك سواء درتي هكي أو العكس حينحكى عليك لأن فعلاً ارضاء الناس غاية لا تدرك .

كم مره كان كلام الناس، وارضائهم حاجز كبير في حياتنا، حتتقدمي هلبا في حياتك بس حتواجهي هلبا نقد، منهم البناء، ومنهم الهدام، ح يحطولك الحجر في طريقك، بس من الممكن انك توقفي حياتك عشان ارضاء الناس، من الممكن انه هلبا اشخاص كان ارضاء الناس اهم بهلبا من تحقيق اهدافهم.!
.
في إطار هالموضوع احكولنا كيف شكل كلام الناس مسيرتكم وكيف واجهتوه، كيف تغلبتوا وكيف ما استسلمتوش، كيف قدرتوا تكسروا حاجز الخوف من أن يوصلكم الكلام وتكملوا فـ الطريق اللي مؤمنين برواحكم فيه .

شاركونا تجاربكم، هل انتم من الاشخاص يلي كانو ضحايه لارضاء الناس.؟

في الختام حنشاركوا آرائكم في بث الخميس بإذن الله 🧡.

⁣💌 وصلت لك رسالة جديدة
⏱ وقت الرسالة: 2023/01/10 - 03:46:53 AM
----
يعيـونيي انتِ تهبلـي وصدقتـي ڪلشي نصيب وهالناس الحشريـة ههـذ مدوريهمـش ومعش تـردي عع اي سوال ليهه علاقة بحياتك الخاصة مش مجبـورة اساسا ووعنـدك حق والله. وبالنسبة لاعاقتك فهذا شي من ربي ويڪون فعلمك شي مخليك مميزة عن غيرك ومش عيب فيك ابدا واللي يشوف ان عيب فهوا معاق عقليا ونقولك خليك كـدهه انسانا حلوة وايجابية ومريحةة ومرحة ومتخليش ڪلام الناس يأثر فيك ويغير لان انا كبنت حاليا مقتديـة بيك واخيرا نقولـك ربي يعطيك م تتمني ويرزقـك بولد الحلال اللي تستاهلي وتعيشي حياة حلوة كيفك وكـيف حلاوة كلامك ♥ .
----

_

يلي يجرحك في وسط البصاره، يلي يهزى عليك بي شيء صاير معاك ويجبدلك سيرته بغرض المزح، عمره م كانت مزحه، هو قاصد يجرحك بس بطريقه تانيه، ركزو فالدوه يلي تنجبد فالبصاره ح تعرفو نوايه قلوبهم.

_

_

𝟙 / 𝟛 / 𝟚𝟘𝟚𝟛

بداية شهر جديد اللهم أعطنا خير هذا الشهر واكفنا شره اللهم اجعله بداية خير وتوفيق وفرج واستجابة دعوات وابعد عنا خبر يحزن قلوبنا.

انك تكوني ناجحه امر ليس بصعب وبرضو مش ساهل، حيطلب منك الأمر وقت، وجهد، وبعد م توصلي للمكانه يلي تحلمي بيها وينضاف اسمك في خانة كل إمراءه ناجحه وقتها حتحسي بالفخر وحتنسي كل التعب والجهد والوقت يلي ضاع منك سبيل انك تكوني في هالخانه، وعشان توصلي اشتغلي على نفسك تطوري من ذاتك كملي في مسيرتك وم تخليش إي أمر يوقفك لا ضروف ولا اي شيء فالحياة، وحتوصلي اكيد وحينضاف اسمك في هالخانه بس شوية وقت.

_