يا ابن الحلال إن طاب خاطرك منّا
‏قلي وانا ماني على الدرب عاقه
‏.
‏انتو على ماقد نويتو و حنا
‏اهل الشموخ اللي جويدٍ وثاقه
‏.
‏و إن شفتنا في بعض الاحوال لِنا
‏تراه من باب الادب و اللباقه
‏.
‏حنا خفاف نفوس لاتحسب إنّا
‏بيتٍ عموده ما يقوّم رواقه ..

متى ترّخي الغيمة هَدبها على أكتافي متى تكسر الخطوة مداها وأهّد الطوق ؟

‏أنا والصحاري والمطر والفرس والطير
‏ونبت الخزامى والظبي والشعر خلان

‏ ‏(وليته لا رحـل مثلك حفرنا فالسحاب قبور
‏وعشنا في رجـا وسمٍ نشوفك في مخاييله)

ليه أملّ من الطريق؟ وليه أخافه؟
‏والمدى قيض .. وسراب ومهمهية

‏قلت ذا برقٍ تكاشف ثم ناض .. وأثر هذا نور خدك والجبين .

‏"بس أنا مثل ما أعزك أحبّ الوقار
‏لو تجور الليالي .. ما توسّلتها"

"اللي دفعته من أيامي و عمري ثمن،

‏سراب قيظٍ خذاه الليل .. ما بَلْ ريق"

‏ماتزعزعنا الظروف وماتغيرنا الليالي
‏انتبسم لليالي كثر ماجابت وودت

ترجّاه النفود إليا مشى يمشي بدون نعال
‏تبي تحفظ بقايا خطوته .. وتعيش مغرورة

‏حبه سرا بي سرية الغيم بالليل
‏نسيم ليله قال للشوق هيّا .

"تجَهمْت الطريق ، وماوصلت اخر حدود مناي/
على صدر المسافه كِل خطوة تقصر أشباري"
– عادل الرشيدي

‏مع دورات الأيام والليالي اللي فِي كل مرّه تخلف هقاوِي من هقا فيها وتشتّد قساوتها وما نِلين لها .. لأننا على نهج : "نمُوت ما تاطى لِنا الدِنيا طرف"

‏"مطر هذا الوصل يوم الهجر يملى الضُّلوع يباس
‏وعسى الماطر على يابس ضلوعي يرخي نصوبَه"

‏"خابرٍ ليل المسافات .. ياحزن السحاب"

‏"ضحكتك نبض العروق ودمّها"

‏لك الله يا قلب ٍليا ذعذع النسّناس ‏ما يطري عليه إلا مداهيـل خلانـه .