"‏أنسى بردي في دفاك"

‏أنا صبري خشب.. صلابته! ما تمنع حروقه

‏حبيب العمر وين الناس؟
‏عسى ما باس
‏ترى في مسرح عيوني يغيب الكل
‏إلا عيونك الجلّاس♥️

‏"يا ربّ وإن هلّت مزونك على نجد
‏تسقي بعد سمر الفيافي ضلوعي"

‏"يارب سهّل لي دروب الخير في كلّ اتجاه
‏فوّضت لك يا خالقي دقّ الأمور .. وجلّها"

خابرٍ قدرك بصدري بس صدري
‏ما تعود يلحق المقفّي . .حسافه

"أعيش ضامي ولا اشرب من قراحٍ غزير
‏لا صار في جمّة الماء غير دلوي .. دلو"

حتى لو قلوب خلق الله بتاسعني..
‏يلْزمني المتّسع والضيق في صدرك!*

‏ما ناش قلبي له من البغض ذرة
‏و أكن له ودٍ على الناس مخفيه

"‏خابرك لك صدرٍ كما البيدا ولك صبرٍ وثيق
‏يوم الليالي تنقض الهيّن وتفتل عوقها"

‏عوايد الوقت ما يقفي بحيّ الله
‏ما ياخذ إلّا الثمين النادر الغالي

‏وبلٍ نشى ديمه ورى عاتق طويق
‏في غير نجدٍ راعد الغيم ما لاق♥️

‏سنين القسى ما تنجب إلا طويل الشبور
‏و سنين الرخـا ما تـاتي إلا بحيّ الله

‏ما لقيت لوجهك أشباه على مر الليالي
‏حطه الله نسخةٍ وحده .. ولا حط أربعينه

‏أنا ما أقول بسنينك تِهنَّـى
‏أنا أقول السَّنين إنتَ هَناهـا
‏تِباشر بَك لياليهـا وتسعـد
‏تحمد الله على خيرٍ عَطاهـا❤️.

"كلهم ظن وهقاوي ويمكن وإحتمال
وأنت عذرٍ ينزع الشك من وجه اليقين"

‏"ربَّ الندى والغيم
‏والدنيا جفاف
‏رب الفجر والشمس
‏والدنيا دجى
‏ياربَّ أنا واقف على السبع العجاف
‏ياربَّ .. وقفّني على مشرق رجا"

‏يارب ..و أنت أحنّ مني علي❤️

‏حبيبتي ...
‏و إن قلتها بعض الأوقات
‏من عزتي ما هي ترا من خضوعي

"‏هلّي على العارض و هلّي على الحره
‏يا مزنةً تبرق على سارية نجـد
‏اروي قلوب في هواها غريقه
‏متوارثين الحب جدٍ ورا جد "