O'zbekiston Republikasi Qurolli Kuchlari SAF NIZOMIGA kiritilgan o'zgartirishlar

Yangi tartibga ko'ra, bosh kiyimsiz ham harbiycha salomlashish mumkin!

𝘾𝙤𝙢𝘽𝙖𝙩.𝙪𝙯

Ilk ofitserlik unvoni muborak!

Oʻzbekiston Respublikasi Harbiy xavfsizlik va mudofaa universitetida yosh ofitserlarning navbatdagi bitiruv marosimi tantanali tarzda oʻtkazildi.

𝘾𝙤𝙢𝘽𝙖𝙩.𝙪𝙯

O‘zbekiston Respublikasining "Davlat sirlari to‘g‘risida"gi qonuni (27.12.2024 y. qabul qilingan).

Davlat sirlari o‘zi nima? Bu – oshkor etilishi mamlakat xavfsizligiga zarar yetkazishi mumkin bo‘lgan, davlat tomonidan himoya qilinadigan ma’lumotlar.

Ular 2 turga bo‘linadi: davlat ahamiyatiga ega sir va xizmat siri.

Maxfiylikning uch darajasi:

– “Alohida ahamiyatli” (birinchi daraja)
– “Mutlaqo maxfiy” (ikkinchi daraja)
– “Maxfiy” (uchinchi daraja)

Qaysi sohalar davlat siri hisoblanadi:

– Harbiy soha (qo‘shinlar joylashuvi, qurol-yarog‘, mudofaa rejalari)
– Tashqi siyosat va tashqi iqtisodiy munosabatlar
– Razvedka, kontrrazvedka, tezkor-qidiruv faoliyati
– Iqtisodiyot, fan va texnikaning strategik yo‘nalishlari

Maxfiylashtirish muddatlari:

– Davlat ahamiyatiga ega sir – 30 yilgacha
– Xizmat siri – 10 yilgacha

Alohida hollarda bu muddatlar uzaytirilishi mumkin.

Qonunga ko‘ra quyidagi holatlar maxfiylashtirilmaydi:

– Favqulodda vaziyatlar va tabiiy ofatlar haqidagi ma’lumotlar
– Ekologiya, sog‘liqni saqlash, ta’lim, madaniyat holati
– Jinoyatchilik statistikasi
– Makroiqtisodiy ko‘rsatkichlar va Davlat budjeti parametrlari
– Inson huquqlari buzilishlari
– Davlat organlari tomonidan qonun buzilishlari

Bu ma’lumotlarni noqonuniy ravishda maxfiylashtirgan mansabdor shaxslar javobgarlikka tortiladi.

Maxfiy hujjatlar bilan ruxsatnoma olish masalasi

Davlat sirlaridan foydalanish uchun maxsus ruxsatnoma talab etiladi. Uni rasmiylashtirishda shaxs tekshiruvdan o‘tadi va o‘z huquqlari cheklanishiga rozilik beradi.

Huquqlar cheklovlari:
Davlat sirlaridan xabardor shaxslarning chet elga chiqish huquqi vaqtincha cheklanishi mumkin.
Ruxsatnomaning amal qilish muddati tugagandan keyin ham:
– “Alohida ahamiyatli” uchun – 3 yilgacha
– “Mutlaqo maxfiy” uchun – 2 yilgacha
– “Maxfiy” uchun – 1 yilgacha

Ruxsatnomasiz foydalanish mumkin bo‘lgan shaxslar:

Prezident, Bosh vazir, deputatlar, senatorlar, sudyalar va ayrim yuqori mansabdor shaxslarga ruxsatnoma tekshiruvsiz rasmiylashtiriladi.

Davlat xavfsizlik xizmati davlat sirlari sohasidagi maxsus vakolatli organ hisoblanadi.

𝘾𝙤𝙢𝘽𝙖𝙩.𝙪𝙯