#DIQQAT

IIV AKADEMIK LITSEYIGA TOPSHIRUVCHI NOMZODLAR UCHUN QAT’IY OGOHLANTIRISH

IIV akademik litseylariga kirish — faqat test ishlash emas, bu bir necha bosqichli qattiq saralash.

1️⃣➖BOSQICH (SARALASH BOSQICHI)

🧠 Psixologik test
📅20-apreldan 5-maygacha
⚠️ 2 marta imkoniyat beriladi, ammo psixologik testdan o‘ta olmagan nomzod keyingi bosqichlarga UMUMAN qo‘yilmaydi.

✍️ Diktant
📅 5-maydan 20-maygacha

🏃 Sport sinovlari
📅20-maydan 10-iyungacha

🗣 Yakka tartibdagi suhbat
📅10-iyundan 25-iyungacha

QAT’IY TALAB:
Diktant, sport va yakka tartibdagi suhbatdan
➖har biridan kamida 3 balldan,
➖jami kamida 9 ball to‘plash MAJBURIY.

❌ Belgilangan ball yig‘ilmasa — nomzod darhol tanlovdan chiqariladi.

2️⃣➖BOSQICH

📚 Bilim va malakalarni baholash agentligi tomonidan o‘tkaziladi
📅25-iyuldan 1-avgustgacha

✅ENG MUHIM OGOHLANTIRISH:
Siz topshiradigan 3 fandan bilimingiz qanchalik kuchli bo‘lmasin, agar saralash bosqichidan o‘tolmasangiz, TEST BOSQICHIGA KIRITILMAYSIZ.

Bilim — muhim, lekin intizom, ruhiy tayyorgarlik va jismoniy holat undan ham muhim.

👉 IIV akademik litseyi faqat HAR TOMONLAMA TAYYOR nomzodlarni tanlaydi.

𝘾𝙤𝙢𝘽𝙖𝙩.𝙪𝙯

📞Qurolli Kuchlar tarkibiga kiruvchi vazirlik va idoralarning Call-markazi qisqa raqamlari

🅰Ichki ishlar vazirligi - 1102

✅ Mudofaa vazirligi - 1530

🔰 Davlat xavfsizlik xizmati - 1520

🔰 Favqulodda vaziyatlar vazirligi - 1101

😂 Milliy Gvardiya - 1215

🔰 Bojxona qo‘mitasi - 1108

𝘾𝙤𝙢𝘽𝙖𝙩.𝙪𝙯

🔫 O'zbekistonda harbiy xizmat turlari

“Umumiy harbiy majburiyat va harbiy xizmat to‘g‘risida”gi Qonunga muvofiq O‘zbekiston Respublikasida quyidagi harbiy xizmat turlari joriy etilgan:

➡️muddatli harbiy xizmat;
➡️safarbarlik chaqiruvi rezervidagi harbiy xizmat;
➡️kontrakt bo‘yicha harbiy xizmat;
➡️Qurolli Kuchlar safida harbiy xizmatni o‘tagan rezervchilar xizmati.

➡️Muddatli harbiy xizmat — chaqiruv yoshidagi fuqarolarning oddiy askarlar lavozimlaridagi, shuningdek muqaddam harbiy xizmatni o‘tamagan ofitserlarning O‘zbekiston Respublikasi qonun hujjatlarida belgilangan muddat mobaynida Qurolli Kuchlar safidagi majburiy xizmatidir.

➡️Safarbarlik chaqiruvi rezervidagi harbiy xizmat — muddatli harbiy xizmatni o‘tashga yaroqli hamda chaqirilish muddatini kechiktirish va chaqirilishdan ozod etilish huquqiga ega bo‘lmagan, biroq Qurolli Kuchlar safiga navbatdagi muddatga chaqirilmagan shaxslar o‘taydigan harbiy xizmat turidir.

➡️Kontrakt bo‘yicha harbiy xizmat — Qurolli Kuchlar safidagi haqiqiy harbiy xizmatga ixtiyoriy ravishda, harbiy xizmat nazarda tutilgan vazirliklar orqali davlat bilan tuziladigan kontraktga binoan kirgan fuqarolar bajaradigan harbiy xizmat turidir.

➡️Rezervchilar xizmati — Qurolli Kuchlarning qo‘shilma, harbiy qism va bo‘linmalarini urush davri shtatlariga qadar butlash, shuningdek urush davri tuzilmalarini kengaytirish maqsadida haqiqiy harbiy xizmatni hamda safarbarlik chaqiruvi rezervidagi xizmatni o‘tagan oddiy askarlar, serjantlar va ofitserlardan bo‘lgan harbiy xizmatga majburlar uchun umumiy harbiy majburiyat asosida joriy etiladigan harbiy xizmat turidir.

𝘾𝙤𝙢𝘽𝙖𝙩.𝙪𝙯

#diqqat_tanlov

🅰Farg'ona viloyati IIB Qoʻriqlash xizmatining harbiylashtirilgan qoʻriqlash boʻlinmalarida boʻsh boʻlgan safdorlik lavozimlari uchun tanlov eʼlon qilindi.

Umumiy talablar:

✅O‘zbekiston Respublikasi Qurolli Kuchlaridagi muddatli harbiy xizmat yoki safarbarlik chaqiruvi rezervidagi harbiy xizmatdan o‘tgan fuqarolar;
✅O‘zbekiston Respublikasi Oliy o‘quv yurtlaridagi harbiy tayyorgarlikdan o‘tgan fuqarolar;
✅Farg‘ona viloyatida doimiy yashash joyi bo‘yicha ro‘yxatga olingan fuqarolar;
✅Yoshi: 18-30 yosh orasi;
✅Bo'yi: 175 smdan yuqori;
✅Jinsi: Erkak;
✅Ma'lumoti: Oliy (bakalavr).

Imtiyoz bo'yicha talablar:

✅Harbiylashtirilgan qo‘riqlash bo‘linmalarida kamida bir yil amaliy ish stajiga ega bo‘lgan ishchilar.

👥Lavozimlar soni - 50 nafar

⌛️E’lon tugash sanasi: 23.03.2026

✍️Arizalar kb.iiv.uz orqali onlayn yuboriladi.

𝘾𝙤𝙢𝘽𝙖𝙩.𝙪𝙯

🔰 Davlat xavfsizlik xizmati akademiyasiga o‘qishga kirish jarayoni haqida batafsil

👮‍♂️O'zingizni qiziqtiradigan savollarga javob topishingiz mumkin.

📑O‘zbekiston Respublikasi Vazirlar Mahkamasining 27.04.2021 yildagi 241-son qarori asosida tayyorlandi

@COM_BAT_uz siz izlagan kanal obuna bo'ling

Muddatli harbiy xizmatga chaqirish tartibi

➖Muddatli harbiy xizmatga 18 yoshdan 27 yoshgacha boʻlgan fuqarolar, shuningdek muqaddam haqiqiy harbiy xizmatni oʻtamagan ofitserlar chaqiriladi.

➖ Muddatli harbiy xizmatga chaqirilish muddatini kechiktirish yoki undan ozod etilish huquqiga ega boʻlmagan chaqiriluvchilar Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizomga muvofiq tibbiy koʻrikdan oʻtadilar.

➖ Muddatli harbiy xizmatni, safarbarlik chaqiruv rezervidagi xizmatni yoki kontrakt boʻyicha harbiy xizmatni oʻtamagan hamda “Umumiy harbiy majburiyat va harbiy xizmat toʻgʻrisida”gi Qonunga muvofiq ularga chaqirish muddatini kechiktirish taqdim qilinishi uchun asoslarga ega boʻlmagan qirq yoshgacha boʻlgan zaxiradagi ofitserlar tinchlik davrida Oʻzbekiston Respublikasi mudofaa vazirining buyrugʻiga binoan ofitserlar tarkibi lavozimlarida muddatli harbiy xizmatni oʻtash uchun chaqirilishi mumkin.

➖Muddatli harbiy xizmatga chaqirilish muddatini kechiktirish yoki chaqirilishdan ozod etilish huquqiga ega boʻlmagan zaxiradagi ofitserlar tibbiy koʻrik toʻgʻrisidagi Nizomga muvofiq tibbiy koʻrikdan oʻtkaziladi. Tibbiy koʻrik natijalariga koʻra harbiy xizmatga yaroqli deb topilgan nomzodlarga shaxsiy yigʻmajildlar va boshqa zarur hujjatlar mudofaa ishlari organlari tomonidan rasmiylashtiriladi.

➖Muddatli harbiy xizmatga chaqirilgan zaxiradagi ofitserga mudofaa ishlari organi tomonidan harbiy xizmatni oʻtash joyi va yetib borish muddati koʻrsatilgan yozma koʻrsatma va zaruratga koʻra harbiy tashish hujjatlari taqdim etiladi.

➖ Mudofaa ishlari organi boshligʻining yozma koʻrsatmasiga muvofiq harbiy xizmatni oʻtash joyiga yetib kelgan zaxiradagi ofitser shu kunning oʻzida harbiy qism komandirining buyrugʻiga muvofiq shaxsiy tarkib roʻyxatiga kiritiladi va barcha taʼminot turlariga qoʻyiladi.

➖Muddatli harbiy xizmatga chaqirilgan zaxiradagi ofitserlar uni oʻtayotganlarida ushbu Nizomda nazarda tutilgan oʻziga xos jihatlarni hisobga olgan holda kontrakt boʻyicha harbiy xizmatchilar bilan teng ravishda majburiyatlarni bajaradilar va barcha huquq, imtiyoz va taʼminot turlaridan foydalanadilar.

📘ASOS ✈️ PQ-4447

𝘾𝙤𝙢𝘽𝙖𝙩.𝙪𝙯

🔫O‘g‘lingiz ofitser bo'lib qaytadi

Kursantlarni yig‘latvoradigan qo‘shiq ekan

𝘾𝙤𝙢𝘽𝙖𝙩.𝙪𝙯

🛑 JXU MAGISTRATURA FAKULTETI

Universitet magistraturasiga 5 yil va undan ko’p xizmat stajiga ega bo’lgan, kamida “mayor” ofitser lavozimida xizmat qilayotgan o’qishga qabul yilining 31 dekabr kuniga qadar 45 yoshdan oshmagan Harbiy xizmatchilar(xodimlar) qabul qilinadi.

Magistraturaga oʻqishga kirish istagini bildirgan nomzodlar oʻzining bevosita komandirlari (boshliqlari) nomiga bildirgi bilan murojaat qiladilar.

Nomzodlardan hujjatlar yig‘ma jildi Universitet qabul komissiyasi tomonidan joriy yilning 10-aprelidan 1-iyunga qadar qabul qilinadi.

Istisno tariqasida, Universitet bakalavriatini imtiyozli tamomlagan, lavozimga tayinlangan, ilmiy-tadqiqot yo‘nalishida salmoqli yutuqlarga erishgan (ilmiy maqolalari nashr etilgan, o‘quv adabiyotlarni ishlab chiqishda ishtirok etgan, ixtiro patentlari va guvohnomalarni olgan) hamda tegishli kafedralarning qo‘shma yig‘ilishining qaroriga ko‘ra tavsiya etilgan harbiy xizmatchilar Universitet boshlig‘ining qaroriga asosan, kelgusida Universitetda 5 yil ishlab berish sharti bilan, magistraturaga o‘qishga kirish uchun o‘tkaziladigan tanlovlarda ishtirok etishi mumkin.

Magistraturaga o‘qishga qabul qilingan shaxslarning oxirgi egallab turgan lavozimi uchun belgilangan pul ta’minoti o‘qish davri mobaynida saqlab qolinadi.

Universitet magistraturasiga qabul jaroyonlari yuzasidan qо‘shimcha ma’lumotlarni quyidagi havola orqali olishingiz mumkin: https://lex.uz/docs/5556888#5568075

@COM_BAT_uz siz izlagan kanal obuna bo'ling