IIV qoruvul qo'shinlariga oddiy askar va serjant lavozimlari uchun ishga tanlov e'lon qilindi.

Nomzodlar (erkaklar) Joriy yilning 20-may kuni (faqat bir kun) soat 8:00 dan 12:00ga qadar ro‘yxatga olinadi.

20-may kunidan oldin yoki undan keyin bormanglar, masalan bugun, ertaga yoki 19-may kuni ham qabul qilinmaysiz! (Ogohlantirdik).

Nomzodlar bilan:
➖dastlabki oʻrganish
➖jismoniy tayyorgarlikni baholash
➖psixologik oʻrganish
➖yakuniy suhbat
➖tibbiy koʻrik va maxsus tekshiruv bosqichlari oʻtkaziladi.

Harbiy-kasbiy saralashda ishtirok etadigan fuqarolar oʻzlari bilan shaxsini tasdiqlovchi hujjat, tamomlagan taʼlim muassasasi diplomi (shahodatnomasi), harbiy guvohnomasi hamda sport kiyimini olib kelishi lozim.

@nomzodlar_vacancy

Harbiy prokuror tayinlandi

O‘zbekiston Respublikasi Prezidentining farmoni bilan Qahramon Anvarovich Isroilov O‘zbekiston Respublikasi Bosh prokurorining o‘rinbosari – O‘zbekiston Respublikasi Harbiy prokurori lavozimiga tayinlandi.

Ushbu lavozimga tayinlanishidan oldin, u harbiy prokuror o'rinbosari hamda Navoiy viloyati harbiy prokurori lavozimlarida faoliyat olib borgan.

𝘾𝙤𝙢𝘽𝙖𝙩.𝙪𝙯

Milliy gvardiya bo'linmalari yuqori jangovar shaylik o‘quv mashqlarida toblanmoqda

Milliy gvardiya qo‘mondoni, general-polkovnik B. Tashmatov Chirchiq dala o‘quv maydonida maxsus bo‘linmalarning hamkorlikdagi amaliy mashg‘ulotlarini ko‘zdan kechirdi.

𝘾𝙤𝙢𝘽𝙖𝙩.𝙪𝙯

Hurmatli Mudofaa vaziri, General-leytenant
Shuxrat G‘ayradtjonovich!

Sizga qalbimdagi chuqur minnatdorlikni bildirishni istadim.

Bundan taxminan 3 oy oldin mehribonlik uyida voyaga yetgan yoshlarni Mudofaa vazirligi otaliqqa olgani haqida eshitgan edim. Bu oddiy tashabbus emas, balki hayot sinovida erta ulg‘ayishga majbur bo‘lgan yoshlar qalbiga mehr, ishonch va tayanch beruvchi katta insoniy siyosat ekanini bugun o‘z hayotimda his qildim.

Har bir yetim yoshga malakali harbiy xizmatchilar biriktirilgani, ularning muammolari bilan yaqindan shug‘ullanilayotgani — bu davlatning bizni unutmaganini anglatadi. Ayniqsa, Farg‘ona viloyatida bu ishlar yuqori mas’uliyat va qat’iy nazorat ostida olib borilayotganiga shaxsan guvohman.

Men ham bolalar uyida tarbiyalanib voyaga yetgan inson sifatida Mudofaa vazirligi qaramog‘iga olinibman. Farg‘ona Mudofaa boshqarmasidagi komandirlar men bilan tezkor aloqaga chiqib, muammolarimni tingladi va darhol amaliy yordam ko‘rsatishga kirishdi.

Oyog‘imdagi varikoz kasalligi og‘ir bosqichga yetib kelgan edi. Lazer operatsiyasi uchun katta mablag‘ talab qilinayotgandi. Ammo harbiy shifokorlar meni o‘z gospitalida davolab, klassik usulda operatsiya qilishdi. Eng muhimi — ular meni oddiy bemor sifatida emas, o‘z ukasidek, o‘z farzandidek ko‘rib muomala qilishdi.

Bugun sog‘ayib, shifoxonadan chiqayotganimda bir haqiqatni chuqur his qildim:
Harbiylik faqat qurol ushlash emas ekan. Harbiylik — odamning dardini yelkasiga olish, uning hayotiga umid qaytarish, Vatan farzandini yolg‘izlatib qo‘ymaslik ekan.

Meni davolagan Toshkentdan kelgan xirurg Bobur Usmanovga, Bahodir akaga 01041 harbiy qism komandir yordamchisi Axmedov Bexruz akaga hamda gospitaldagi barcha harbiy shifokor va xizmatchilarga alohida minnatdorlik bildiraman. Ularning fidoyiligi, intizomi va insoniyligi qalbimga juda qattiq ta’sir qildi.

Shuningdek, 01041 harbiy qism komandiri Samandar Rustamovich Saxatovga ham alohida rahmat aytaman. Men topgan yordamga muhtoj yetim yoshlar bilan ham tezkor ishlanib, ularning muammolari amaliy hal etib kelinmoqda. Bu — quruq hisobot emas, bu — inson taqdiriga befarq bo‘lmagan haqiqiy xizmatdir.

Hurmatli General-leytenant!

Sizning otaliqqa olingan yoshlar bo‘yicha olib borayotgan siyosatingiz Farg‘onada qat’iy va vijdonan ijro etilmoqda. Siz boshlab bergan bu insonparvar tizim ko‘plab yoshlarning qalbida davlatga, armiyaga va ertangi kunga bo‘lgan ishonchni uyg‘otmoqda.

Biz, mehribonlik uyida voyaga yetgan yoshlar, ko‘rsatilayotgan bu mehr va e’tiborni hech qachon unutmaymiz. Sizlarning ishonchingizni oqlash uchun Prezidentimizga, Vatanimizga va xalqimizga sadoqat bilan xizmat qilib, munosib kadr bo‘lishga harakat qilamiz.

Chunki insonni oyoqqa turg‘azgan yaxshilik — uning qalbida umrboqiy qarz va sadoqat uyg‘otadi.

Hurmat va minnatdorlik bilan
Shermuhammad Dehqonov.

𝘾𝙤𝙢𝘽𝙖𝙩.𝙪𝙯