FVV ofitseri Qashqadaryo daryosida cho‘kayotgan 9 yoshli bolani qutqarib qoldi

Hodisa kecha, 23-may kuni taxminan soat 17:00 larda Kitob tumani “Bog‘bon” mahallasida sodir bo‘ldi.

9 yoshli bola velosiped minib ketayotib, muvozanatini yo‘qotishi oqibatida Qashqadaryo daryosiga tushib ketgan. Buni ko‘rgan bolaning akasi yon atrofdagilarni baland ovozda yordamga chaqira boshlagan. Bolalarning ovozini daryo yaqinida istiqomat qiluvchi FVV xodimi — mayor Husniddin Sharapov eshitib qolgan va zudlik bilan daryoga sakrab, bolani qutqarib qolgan. Hozirda bola uyida. Ahvoli yaxshi holatda.

Ma’lumot uchun, mayor Husniddin Sharapov Kitob tumanidagi qutqaruv qismlaridan birida guruh komandiri lavozimida xizmat qiladi.

𝘾𝙤𝙢𝘽𝙖𝙩.𝙪𝙯

Fidoyi xodimlar munosib taqdirlandi

Xizmat vazifalarini sidqidildan ado etib, respublika hududida kuzatilgan yomg‘irli ob-havo va sel xavfi sharoitida yuksak kasb mahorati hamda fidoyilik namunalarini ko‘rsatgan ichki ishlar organlari xodimlari munosib rag‘batlantirildi.

IIVning «A’lo xizmatlari uchun» ko‘krak nishoni bilan:

— katta serjant Rustamov Doniyorbek Ulug‘bek o‘g‘li (Toshkent viloyati IIBB);
— katta serjant Mustafoyev Sunnatillo Zoirovich (Navoiy viloyati IIB);
— katta serjant Namozov Feruz Xamzayevich (Navoiy viloyati IIB) taqdirlandi.

Shuningdek, xizmat vazifalarini namunali ado etgani uchun katta serjant Aslonov Bunyod Komiljon o‘g‘li (Navoiy viloyati IIB) IIVning «Esdalik qo‘l soati» bilan rag‘batlantirildi.

𝘾𝙤𝙢𝘽𝙖𝙩.𝙪𝙯