#دجاج_بالفرن 🍗🍚

طريقتي الخاصه 😋

📌المقادير :

دجاجه
علبه زبادي
ليمونة
م.ص فلفل اسود
م.ص كمون
م.ص قرفه
م.ص زنجبيل
م.ص ابزار
م.ص صبغه الزعفران
م.ص كزبرة بودرة
م كبيره كاتشب او ملعقه سكر
م.ص كركم
م.ص تحميرة فلفل احمر بودرة
اربع ملاعق زيت
بصله كبيرة مفرومة
و راس ثوم كامل مطحون
و كزبرة خضراء مفرومة
نخلط كل المقادير مع بعض جيدا و ندهن الدجاجه من برا و داخل و ناخذ بصله صغيرة نحشي فيها الدجاجه مع فلفل رومي اخضر و نقفل الدجاجه و نلفها بقصدير و ناخذ صينية نعبيها مويه و نحط القصدير بالمويه و ندخلها الفرن و نطلعها بعد ساعه نتفقدها نفتح القصدير شوي شوي نشوف الدجاجه اذا استوت ممكن تحمريها او تخليها كذا على راحتك ،، وقدميها مع رز ابيض او خبز وسلطه خضراء 👌🏼
---
وبالعافيه حبايبي 😘🌹

#اصابع_البطاطس_بالجبن .

لزيزه وسريعه 👌🏼😋

سلقت ٤ حبات كبار بطاطس و قطعت جبن موزريلا شرايح طوال ، فرمت شوي شبت ، + وهرست البطاطس وحطيت عليها ملعقة كبيرة كريمة خفق او حليب
و البهارات فلفل اسود وبودرة ثوم
وبصل وشوي ملح ، و اخذت شوي من البطاطس وكورتها وفردتها على يدي وحشيتها بقطعة الجبن 👌🏻 وغلفتها ببلاستك ودخلتها الفريزر على بال ما اخفق البيض و اطلع البقسماط
و يسخن الزيت للقلي ويقلى

اغمسيها في البيض بعدين في البقسماط واقليها 😋
. . .
وقدميها وبالعافيه 😘🌹

#مثلثات_التوست_بالحشوه_الهندية..

مقرمشه ومررررررره لزيزه

فيها البطاطس مع الفلفل الحار بنكهة الكاري معطيها طعم مرررة يجنن.😋

وقرررررمشة تهبببل جربوها
ان شاء الله بتعجبكم،،

📌 نشوح بصل وثوم على النار مع زيت زيتون ثم نضيف رشة
كزبرة ناشفة وكمون وفلفل اسود وكاري .. وتقلب.
.
📌نضيف بطاطس مقطع مكعبات صغيرة ومسلوقة وبازاليا وفلفل اخضر حار شرايح.
.
📌نقلب الجميع دقايق ثم يبعد عن النار ونتركه يبرد ونضيف كزبرة مفروومة..
.
📌نحضر شرايح توست ونقصص حوافها ونفردها شوي بالفرادة..ونغمسها بالحليب السايل..ثم نضغط عليها شوي
عشان يطّلع الحليب الزايد...
.
📌نحشى مربع التوست بملعقة من الحشوة ونقفله على شكل مثلث ونضغط شوي.
.
📌اذا خلصنا الكمية اللي عندنا..نبدا نغمسها بالبيض المخفوق ثم البقسماط..استخدمت النوع الخشن اخذته من الدانوب...
.
📌نحمي الزيت ونقلي مثلثات التوست ..تتحمر بسرعة..صيفها واتركيها تدفأ شوي. .. وقدميها..

وبالعافيه 🌹😘

#صينية_كفتة_بالخضار

سهله و لذيذة👍
.
.

📌المقادير و الطريقة:
.
.
كيلو لحم مفروم تحطين عليه بصلة صغيرة مفرومة و فصين ثوم و ملح و بهار و فلفل اسود و نص كوب بقدونس و اعجني عدل ثم شكليه دوائر او اصابع و حطيه بصينيه مدهونة و دخليه الفرن يتحمر و اول ما يصير اشقر و يستوي طفيه.
.
بصحن ثاني احمس بصلة عالنار و لمن تشقر ضيفي عليها خمس حبات طماط و ثلاث ملاعق معجون طماط و حركي دقيقتين ثم ضيفي الخضار المقطعة بشكل دائري (بطاط و جزر و كوسا) و زيدي ثلاث ارباع كوب مويه و شوي ملح و فلفل اسود و بابريكا و خليه يستوي.
.
وقت التقديم حطي الخضار و صفي فوقها الكفته و حمريها من فوق بس بالفرن لمدة عشر دقايق الى ربع ساعة و بالعافيه😘
.

#رز_كابلي 🍴 جدا لذيذ

📌المقادير
رز مغسول و منقوع بمويه حاره ثم يسلق نص سلقه مع ملح وزيت ومنقوع الزعفران على الوجه .. منقوع الزعفران : شوي زعفران تنقعينه بمويه حاره وغطا موية كادي .. لحم او دجاج
بصلتين مقطعه جوانح
طماطم مقطعه صغير
فصين ثوم مهروسه
٢ م طعام صلصه طماطم
١ بطاطس مقشره ومقطعه كبير تقلى بالزيت حتى يصبح لونها ذهبي ( ممكن زياده حسب الرغبه)
بهارات الكابلي :( ملح ، ١ م طعام قرفه ، ٤/١ م ص هيل مطحون ، ٤/١ م ص خولنجان مطحون ، ٢/١ م ص كمون مطحون ، ٢/١ م ص كزبره ناشفه ، ٤/١ م ص فلفل اسود ، ٤/١ م ص كركم ، رشه خفيفه ملح ليمون )
قشر برتقال مجفف او طازج
البهارات العدله عباره عن ( ١عود قوفه / ١خولنجان / ٤ حبات قرنفل / ٤ حبات هيل / ١ ورق غار / شيبه قليل )

📌الطريقه :
* انا استخدمت قدر الضغط توفير للوقت اخذ مني نص ساعه ممكن القدر العادي يستوي اللحم ب ساعه ونص.
* بالقدر ١ م ط زيت او سمن ونقلب البصل والثوم حتى يذبل شوي ثم اضيف اليه بهارات الكابلي * ثم اضيف اللحم واقلب ثم اضيف الطماطم ومعجون الطماطم وقشر البرتقال والبهارات العدله ثم اصب المويه الحاره الحد الي يغطي اللحم ويترك حتى الاستواء * عند الاستواء نضع الرز المسلوق والبطاطس على المرق يوساوى بالملعقه يجب ان يكون المرق اقل من الرز ،، نغطي القدر بقصدير ونتركه ٢٠ د على نار هادئه * عند التقديم يزين بالبصل المحمر ان وجد او المكسرات المقليه .. * يقدم مع سلطه الخيار ( خيارتين مبشوره + علبه زبادي + شوي نعناع + نص عصير ليمونه + ملح و فلفل اسود ) .. وبالعافيه ❤️

حلانا اليوم #سهل
ومقاديره متوفره غالبا عند الجميع

#حلى_السميد

📌الطبقه الاولئ
يقلب في مقلئ ع النار حتئ نحصل ع اللون الذهبي كوب سميد نصف كوب نارجين ربع كوب سكر ثم يرفع عن النار ويعجن بعلبه قشطه ويفرد في صينيه صغيره
📌الطبقه الثانيه
نصف علبه حليب مركز ومحلئ يخلط مع سته حبات كيري ويصب ع الصينيه بالتساوي وتدخل الئ الفرن لتتماسك الطبقه العلويه فقط وتترك لتدفآ ثم تقدم وممكن نزينها بالمكسرات او بالكرامل

بألف عافيه 😘🌹

#خبز_بالثوم
.
نقطع الخبز لشرايح
نخفق بيض مع الزبده وجبن البارميزان وبشر ليمون ، والثوم المفروم ، ورشة ملح وفلفل اسود
ندهن الخبز بهالخليط
نصف الخبز في صينية مغطاه بورق الزبدة
وندخله الفرن بس يتحمر
بس يذوب الجبن ويتحمر الوجه
نزين برشة بقدونس ..

وبالعافيه😘

#فطاير_الصاج

👌🏼#سهله وطريه ولذيذه ..

نجهز العجين
اربع كاسات دقيق وملعقه طعام خميره و ملعقه طعام سكر و ملعقتين طعام مليانه حليب بودره و ربع كاس زيت وكاس وربع ماء دافي تعجن جيدا تغطى وتترك تخمر نص ساعه
ثم نقطعها كور متساويه بحجم البيضه ونفردها لازم تكون رقيقه حتى يسهل لفها ونحطها على الصاجه الساخنه دقيقه ثم نقلبها على الجهه الاخرى

ونحط الحشوات اللي تعجبك

بيتزا / زعتر / جبن وحلاوه / بيض مسلوق / فلافل / جبن مالح مع فلفل رومي وبقدونس ورشة زعتر / ونقفلها نبرمها زي الساندويش وتحمر من الجهتين
لذيييذه حلاتها تاكلوها حاره ...

👈 #طريقة_التفريز_الصحيحة سواء #سمبوسة، كبه وغيره ، واهمية التذويب قبل القلي او التحمير بالفرن ،
،
📌#خطوة_التفريز ؛
اول ماتلفين السمبوسات تحطينهم جنب بعض على صينية مع ترك فراغات بينهم ، اتركيهم ليلة كامله ، ثاني يوم بيطلعون معك بسهوله من الصينية على طول احفظيهم وهم متجمدات حتى لو فوق بعض بعلب احسن من الكيس عشان مايتكسرون من ضغط الاشياء عليهم وماتلصق فيهم اي ريحة من الفريزر بالطريقة ذي تحتفظ السمبوسة بشكلها وماتتغير ولا تلصق ببعض و لايصير فيها ثلج ،
،
💦#خطوة_التذويب :
طلعيها قبل القلي او التحمير بساعات كثيره ست ساعات مثلا او اكثر عشان تذوب من داخل ،عشان وقت الطبخ ماتحترق من برا و تبقى ثلج من داخل ، لكن لاتحطينها برا تذوب ، نزليها تحت بالثلاجة ، ليه؟
عشان تذوب على راحتها و بنفس الوقت تبقى باردة ومتماسكة، مع وضع مناديل مطبخ تحتها لامتصاص الرطوبة و نشفيها بالمناديل ايضا قبل طبخها
،
،
على فكره اذا كنتِ خبيرة جدا بالقلي و بدرجة حرارة الزيت وصارت الحرارة متوسطة لا اقل ولا اكثر تقدرين تقلين السمبوسة على طول من الفريزر للزيت بدون تذويب💦 ،
،
🔴ملاحظة مهمه : اثناء ماتلفين السمبوسة حطي كيس عندك وكل مالفيتي حبه دخليها الكيس عشان ماتنشف العجينة بعدين اقليهم او حمّريهم او صفيهم بسرعه بالصينية و دخليهم الفريزر❄️ ،
،

#صينيه_توست_بالتونه
يم يمممممي 😋 👌

بطريقتي مراا حلوووه جربوها
بسيطه ولزيزه

نشوح بصله صغيره بزيت
ونضيف زيت التونه
وحبه طماطم وملعقه ص صلصة طماطم وملح فلفل اسود بهار رشة كركم يقلب
ونضيف حبه فلفل رومي مقطقعه ونضيف التونه ونقلب ونطفي

نرص توست بصينيه تدهن بجبن سايل
نضع التونه
نغطيها بتوست

التغطيه
نخلط بملعقه جبن سايل وقشطه وشوي جبن ورشة فلفل اسود زعتر ونرشه جبن موزريلا
وتحمر من اعلى .وبالعافيه😘