🛎БАЛҚАШ АУРУХАНАСЫНДА ҚАЙТАРЫЛҒАН АКТИВТЕРДІҢ ЕСЕБІНЕН ЖҮРГІЗІЛГЕН АУҚЫМДЫ ЖАҢҒЫРТУ ЖҰМЫСТАРЫ АЯҚТАЛДЫ

Қарағанды облысында Балқаш көпбейінді ауруханасын ауқымды жаңғырту жұмыстары аяқталды. Жұмыстарды қаржыландыру Мемлекет басшысының тапсырмасы бойынша қайтарылған активтердің есебінен жүзеге асырылды.

Балқаш, Приозерск қалаларының, Саяқ кентінің, сондай-ақ Шет және Ақтоғай аудандарының тұрғындары жаңартылған корпустарда диагностика мен ем алудың жаңа мүмкіндіктеріне қол жеткізді.

🏥Аурухана 340 төсекке арналған және барлық дерлік бейінді бөлімшелерді қамтиды. Ауылдық денсаулық сақтауды жаңғырту жөніндегі ұлттық жоба шеңберінде негізгі ғимаратқа ауданы шамамен 1,4 мың шаршы метр болатын жаңа қосымша корпус салынды.

Мұнда қолданыстағы барлық стандарттарға сәйкес келетін заманауи қабылдау бөлімі орналастырылды. Пациенттердің ыңғайлылығы үшін жоспарлы және шұғыл емдеуге жатқызуға арналған бөлек кіреберістер қарастырылған. Бірінші қабатта екі операциялық бөлме – шұғыл операцияларға және жоғары технологиялық тері арқылы жасалатын араласуларға арналған операциялық бөлмелер ашылды. Онда жедел жүрек-қан тамырлары аурулары кезінде коронарография мен стенттеу жүргізіледі.

«Пациенттерді диагностикалау және емдеу үшін қосымша жабдықтармен жарақталған заманауи монопландық ангиограф, магниттік-резонанстық және компьютерлік томографтар, MEDRAD Mark 7 Arterion инъекциялық жүйесі, нейрохирургиялық микроскоп және барлық қажетті медициналық бұйымдар сатып алынды», – деді аурухана директоры Серікбол Түсүпбеков.

🤩Кадрлық қамтамасыз ету тұрғысынан бүгінде мұнда шамамен 900 қызметкер, оның ішінде 150-ге жуық дәрігер жұмыс істейді.

Биыл ұжымға травматолог, екі сәулелік диагностика маманы және екі интервенциялық кардиолог қосылды. Резидентураны аяқтағаннан кейін уролог, хирург және терапевттерді қоса алғанда, тағы бірнеше маманның келуі күтілуде.

⚡️Тораңғалық және Шұбартүбек курорттық кенттерінде медициналық пункттер жұмыс істейді. Оларға жергілікті тұрғындармен қатар туристер де жүгіне алады. Медициналық пункттер қажетті мамандармен және медициналық көмек көрсетуге арналған барлық қажетті құралдармен қамтамасыз етілген.

#Президенттапсырмасы #СправедливыйКазахстан #ҰлтсаулығыЕлБолашағы #НацПроект #МодернизацияБольниц #HealthcareKazakhstan

⚡️ҮШ КІШКЕНТАЙ НӘРЕСТЕНІҢ ӨМІРІ ҮШІН ДӘРІГЕРЛЕР ЖАН АЯМАЙ КҮРЕСТІ

Осыдан бір ай бұрын үш кішкентай қыздың өмірі үшін үлкен дәрігерлер тобы күрес жүргізсе, бүгін Раяна, Айлана және Аяна аналарымен бірге алғаш рет үйлеріне аттануда.

🎥Үшемдер 7 мамыр күні Алматы қаласындағы №2 Қалалық перинаталдық орталықта жүктіліктің 35 аптасында дүниеге келді. Отбасы үшін сәбилер үшінші, төртінші және бесінші бала атанды. Жаңа туған нәрестелердің салмағы 1690, 1390 және 1660 грамм болды.

Туғаннан кейін қыздардың жағдайы ауыр болды. Алғашқы аптада олар мамандардың тәулік бойы бақылауында жаңа туған нәрестелердің реанимация бөлімшесінде ем қабылдады.

📌Кейіннен сәбилер жоғары тәуелді күтім бөлімшесінде емін жалғастырды. Күн өткен сайын олардың жағдайы жақсарып, күш жинай бастады, ал неонатологтар, реаниматологтар мен мейіргерлер осы күннің жақындауы үшін бар күш-жігерін жұмсады.

Бүгін күні Раяна, Айлана және Аянаның жағдайы айтарлықтай жақсарды. Бір ай бойы жүргізілген ем, қамқорлық пен үздіксіз бақылаудан кейін қыздар аналарымен бірге үйлеріне шығарылуда.

«Шын жүректен дәрігерлерге, балалар бөлімшесінің қызметкерлеріне, хирургтерге, медбикелерге және №2 Перинаталдық орталықтың бүкіл ұжымына алғысымды білдіремін. Сіздердің кәсібиліктеріңіз, қамқорлықтарыңыз бен қолдауларыңыздың арқасында қыздарым бүгінде жанымда және біз үйімізге қайтып бара жатырмыз», – деп үшемдердің анасы өз ризашылығын білдірді.

🔗Бұл сәбилердің тарихы – бір отбасының үш есе бақыты ғана емес, сонымен қатар ең кішкентай пациенттердің салауатты өмірге алғашқы қадамдарын жасауына күн сайын көмектесіп жүрген медицина қызметкерлерінің ерен еңбегінің нәтижесі.