✅МИНЗДРАВ РАСШИРЯЕТ СЕТЬ ЦЕНТРОВ РАЗВИТИЯ И РАННЕГО ВМЕШАТЕЛЬСТВА ДЛЯ ДЕТЕЙ


Одним из ключевых направлений остается развитие профилактической помощи и раннего выявления нарушений развития.

🍼В Казахстане реализуется проект «Первые 1001 день», направленный на сопровождение ребенка с рождения до раннего возраста. Проект включает развитие патронажной службы, расширение скрининговых программ, поддержку грудного вскармливания и формирование Национального регистра детей раннего возраста.

С 2025 года в стране внедряется руководство Всемирной организации здравоохранения GMCD по мониторингу развития ребенка, позволяющее выявлять риски задержки развития у детей на доклиническом этапе.

👶За последний год в Казахстане создано более 386 центров развития и раннего вмешательства, созданных на базе организаций ПМСП и ориентированных на раннюю диагностику и сопровождение детей с нарушениями развития.


В центрах с детьми работают мультидисциплинарные команды специалистов: врачи, логопеды, психологи, реабилитологи и другие специалисты.

Одновременно поддержку получают и родители – их обучают навыкам ухода, консультируют по вопросам развития ребенка и сопровождают на всех этапах оказания помощи.

🤰Раннее вмешательство помогает снизить риск детской инвалидности, улучшить качество жизни ребенка и создать условия для его успешного развития и социальной адаптации. Чем раньше начинается помощь, тем выше шансы ребенка раскрыть свой потенциал.

Пресс-служба Министерства здравоохранения Республики Казахстан

🖥 Официальный сайт
https://www.gov.kz/memleket/entities/dsm?lang=ru

📱 Facebook
facebook.com/healthcare.gov.kz

📱 Instagram
instagram.com/healthcare.gov.kz

🎒💊ДЕНСАУЛЫҚ САҚТАУ МИНИСТРЛІГІ МЕКТЕП МЕДИЦИНАСЫНЫҢ ЖАҢА СТАНДАРТЫН ЕНГІЗЕДІ: БАСТЫ НАЗАРДА – ПРОФИЛАКТИКАЛЫҚ ТЕКСЕРУЛЕРДІҢ САПАСЫ

Мектеп медицинасын жаңғырту шеңберінде биыл жаңа стандарттар енгізілуде. Олар оқушыларды профилактикалық тексеруден өткізуді цифрландыруды, алғашқы медициналық-санитариялық көмек ұйымдарын диагностикалық жабдықтар жиынтықтарымен қамтамасыз етуді және орта буын медицина қызметкерлерін оқытуды көздейді.

«Бүгінде профилактикалық тексерулерді жай ғана өткізу емес, олардың жоғары сапасын қамтамасыз ету маңызды. Ол үшін медицина қызметкерлерін жаңа тәсілдерге оқытып, оларды заманауи диагностикалық құралдармен қамтамасыз ету қажет», – деді бүгін ҚР Денсаулық сақтау министрлігінің Ана мен бала денсаулығын сақтау департаментінің директоры Мағрипа Ембергенова.

👩‍⚕️Жалпы, балаларға хирургия, офтальмология, оториноларингология және стоматология бағыттары бойынша профилактикалық тексерулер жүргізуге қатысатын 2054 мейіргерді оқыту жоспарланып отыр. Министрлік мамандарды даярлау барысына апта сайын мониторинг жүргізіп, өңірлерді бұл жұмысты жандандыруға шақырады.

Денсаулық сақтау министрлігінің есептеуі бойынша, мектеп оқушыларына сапалы профилактикалық тексерулер жүргізу үшін медициналық ұйымдарға 900-дан астам жабдық жиынтығы қажет болады.

💡Мектеп медицинасын цифрландыру да жеке бағыт ретінде жүзеге асырылады. Профилактикалық тексерулердің нәтижелерін автоматты түрде тіркеуге, баланың кейінгі тексерілуін қадағалауға, медициналық ұсынымдардың орындалуын бақылауға және ата-аналарды цифрлық сервистер арқылы хабардар етуге мүмкіндік беретін жүйе құру жоспарлануда.

«Баланың денсаулығы – денсаулық сақтау жүйесінің, білім беру саласының және ата-аналардың ортақ жауапкершілігі. Сондықтан біз ведомствоаралық өзара іс-қимылды күшейтіп, мектеп оқушыларын сүйемелдеудің бірыңғай жүйесін қалыптастырып жатырмыз», – деп атап өтті Магрипа Ембергенова.

👉Жаңа тәсілдерді іске асыру мектеп медицинасын заманауи, технологиялық тұрғыдан дамыған әрі ауруларды ерте анықтауға және балалардың денсаулығын сақтауға бағытталған жүйеге айналдыруға мүмкіндік береді.

🩺ҚАЗАҚСТАНДА МЕДИЦИНАЛЫҚ ТУРИСТЕР ҮШІН «БІР ТЕРЕЗЕ» ҚАҒИДАТЫ БОЙЫНША ЖҮЙЕ ҚҰРЫЛАДЫ

Қазақстан Республикасы Денсаулық сақтау министрлігі 2030 жылға дейін шетелдік пациенттерге «бір терезе» қағидаты бойынша қызмет көрсетудің заманауи жүйесін құруды көздейтін медициналық туризмді дамытуға арналған тұжырымдамалық тәсілдерді әзірледі.

⚡️Жаңа жүйе шетелдік пациенттерге алғашқы өтініш берген сәттен бастап емдеу аяқталып, кейінгі медициналық бақылауға дейінгі толық сүйемелдеуді қамтамасыз етеді.

Бірыңғай сервис арқылы пациенттер Қазақстан медицинасының мүмкіндіктері туралы ақпарат алып, медициналық ұйымды таңдай алады, қажетті құжаттарды рәсімдейді, консультация алады, келуін, орналастырылуын ұйымдастырып, емдеудің барлық кезеңінде сүйемелдеуге қол жеткізеді.

💊Медициналық туризмнің жаңа моделін іске асыру шеңберінде жеті негізгі міндетті жүзеге асыру жоспарлануда. Атап айтқанда, ұлттық және өңірлік деңгейлерде медициналық туризмді үйлестірудің бірыңғай жүйесін қалыптастыру, бірыңғай нормативтік талаптарды әзірлеу, медициналық көмектің жоғары сапасы мен қауіпсіздігін қамтамасыз ету, бәсекеге қабілетті медициналық қызметтер топтамасын айқындау, Қазақстанның халықаралық деңгейдегі танымалдығын арттыру және медициналық ұйымдарды ынталандыру тетіктерін қалыптастыру көзделген.

Министрліктің мәліметінше жаңа модель шетелдік азаматтардың Қазақстанда медициналық көмек алу үдерісін барынша ыңғайлы әрі түсінікті етеді, отандық денсаулық сақтау жүйесінің бәсекеге қабілеттілігін арттырады, медициналық қызметтер экспортын ұлғайтады, қосымша инвестициялар тартуға мүмкіндік береді және Қазақстанның Орталық Азиядағы өңірлік медициналық хаб ретіндегі позициясын нығайтады.

✅Нысаналы көрсеткіш ретінде 2030 жылға қарай Қазақстанға медициналық көмек алу мақсатында келетін шетелдік азаматтардың жыл сайынғы ағынын 800 мың адамға дейін жеткізу белгіленген.

⚡️МЕДИЦИНАЛЫҚ ИНФРАҚҰРЫЛЫМДЫ ЖАҢҒЫРТУ: ЕЛДЕ БІР УАҚЫТТА 50-ДЕН АСТАМ ДЕНСАУЛЫҚ САҚТАУ НЫСАНЫ САЛЫНУДА

Қазақстан Республикасы Денсаулық сақтау министрлігі Мемлекет басшысының халыққа медициналық көмектің қолжетімділігі мен сапасын арттыру жөніндегі тапсырмаларын іске асыру шеңберінде медициналық инфрақұрылымды дамытуға бағытталған ауқымды жобаларды жүзеге асыруды жалғастыруда.

📆Бүгінде Қазақстанда жалпы құны 108 млрд теңгені құрайтын 51 денсаулық сақтау нысанының құрылысы қатар жүргізілуде.

Оның ішінде 55 млрд теңге «Ауылдық денсаулық сақтауды жаңғырту» ұлттық жобасы шеңберінде аудандық ауруханаларды жаңғыртуға бағытталса, тағы 53 млрд теңге бюджеттік инвестициялық жобаларды іске асыруға қарастырылған.

🏥Атап айтқанда, Қызылорда және Өскемен қалаларында 300 төсектік көпбейінді ауруханалардың, Атырау облысының Өркен және Нұрсая шағын аудандарында емханалардың, Солтүстік Қазақстан облысы Қызылжар ауданының Бескөл ауылында бір ауысымда 250 адам қабылдауға арналған және Талдықорған қаласында бір ауысымда 500 адам қабылдауға арналған емханалардың құрылысы жалғасуда.

2026 жылы сондай-ақ 2025 жылы Арнаулы мемлекеттік қор қаражатының есебінен қаржыландырылған бірқатар нысандарды пайдалануға беру жоспарланып отыр. Олардың қатарында Қарағанды қаласындағы онкологиялық диспансер, Талдықорған қаласындағы облыстық балалар ауруханасын реконструкциялау, Жетісу облысындағы Кербұлақ аудандық ауруханасы ғимараттарының сейсмикалық беріктігін күшейту, сондай-ақ Өскемен қаласындағы Гематология орталығының құрылысы бар.

✔️Аталған жобаларды іске асыру денсаулық сақтау жүйесінің инфрақұрылымын едәуір нығайтуға, медициналық көмек көрсету үшін заманауи жағдай жасауға және еліміздің барлық өңірі тұрғындары үшін медициналық қызметтердің қолжетімділігін арттыруға мүмкіндік береді.

Ауылдық денсаулық сақтауды дамытуға ерекше көңіл бөлінуде. 2026 жылдың соңына дейін 32 аудандық аурухананы жаңғыртып, оларды заманауи көпбейінді аудандық орталық ауруханалар деңгейіне жеткізу жоспарланған.

➡️Жаңғырту жұмыстары нысандарды күрделі реконструкциялаумен ғана шектелмей, компьютерлік томографтар мен ангиографиялық кешендерді қоса алғанда, заманауи жоғары технологиялық медициналық жабдықтармен жарақтандыруды да қамтиды.

Бұл, әсіресе инсульт пен инфаркт кезінде адам өмірі мен денсаулығын сақтап қалуда шешуші маңызға ие болатын «алтын сағат» қағидаты шеңберінде көрсетілетін уақтылы медициналық көмектің тиімділігін арттырып, жедел жағдайдағы пациенттерді диагностикалау мен емдеудің жеделдігін едәуір жақсартуға мүмкіндік береді.

🔆Мамандардың бағалауынша, жобаны іске асыру нәтижесінде жүрек-қан тамырлары аурулары мен инсульттен болатын өлімнің деңгейі шамамен 20 пайызға төмендейді.

Медициналық инфрақұрылымды дамытудың маңызды бағыттарының бірі – мемлекеттік-жекешелік әріптестік. Қазіргі таңда елде Көкшетау қаласында 630 төсектік, Қосшы қаласында 350 төсектік заманауи көпбейінді ауруханалар, сондай-ақ Алматы қаласында жаңа медициналық кешен салу бойынша ірі инвестициялық жобалар жүзеге асырылуда.

🔆Мемлекеттік саясаттың басым бағыттарының бірі – ана мен бала денсаулығын сақтау қызметін дамыту. Мемлекет басшысының тапсырмасы бойынша заманауи перинаталдық орталықтар желісін салу бағдарламасы іске асырылуда.

2029 жылға дейін Астана қаласында (екі орталық), Алматы, Шымкент, Қарағанды, Алматы облысының Қаскелең, Қызылорда, Орал қалаларында және Түркістан облысының Темірлан ауылында барлығы тоғыз перинаталдық орталықтың құрылысы жоспарланған.

💘Заманауи жабдықтармен жарақтандырылған медициналық ұйымдарды құру азаматтардың тұрғылықты жеріне қарамастан медициналық көмектің сапасы мен қолжетімділігін арттыруға, жоғары технологиялық медицинаны дамытуға және денсаулық сақтау саласының кадрлық әлеуетін нығайтуға ықпал етеді.