في لحظات بتحس إنك تعبت من كل حاجة، من التفكير، من التظاهر إنك بخير، من إنك دايمًا لازم تكون قوي بس برضه بتكمل، لأن مفيش اختيار تاني.

أوقات بتحس إنك محتاج حد يسأل عليك بجد، مش مجرد سؤال عابر، حد يحس بالتعب اللي جواك من غير ما تضطر تشرحه.

في ناس مش بتتكلم عن اللي جواها، مش عشان مش حاسين، لكن عشان تعِبوا من الشرح، ومن محاولات يفهمهم حد ومفيش حد بيسمع بجد.

في حاجات جواك مبتقدرش تحكيها، مش عشان مش لاقي الكلام، لكن عشان عارف إن مفيش حد هيحس بيها زي ما انت حاسس.

في ناس بقت شاطرة في التمثيل، بتضحك وهي موجوعة، وبتتكلم عادي وهي من جواها مكسورة مش عشان قوية، لكن عشان مفيش اختيار تاني.

أوقات بتحس إنك عايز تفضفض، بس أول ما تلاقي حد يسمعك تلاقي نفسك ساكت مش عشان مفيش كلام، لكن عشان التعب خلاص بقى أكبر من الحكي.

أصعب حاجة إنك تكون محتاج حد جنبك، بس في نفس الوقت مش قادر تشرحله إنت تعبان من إيه.

في ناس بتشيل جواها وجع كبير، بس بتفضل ساكتة عشان عارفة إن مفيش حد هيحس بيها بجد.

لما تحس إن الدنيا ضاقت عليك ومفيش مخرج، افتكر دايمًا قوله تعالى: فإن مع العسر يسراً مفيش ضيقة إلا ومعاها فرج من عند ربنا.

لما تحس إنك لوحدك، افتكر إن ربنا دايمًا معاك قول بثقة: حسبي الله لا إله إلا هو عليه توكلت وهو رب العرش العظيم، وهتشوف ازاي ربنا هيبدل حزنك لراحة.

لما الدنيا تديق عليك، افتكر دايمًا قول ربنا: وإذا سألك عبادي عني فإني قريب أجيب دعوة الداع إذا دعانِ كلم ربنا بكل اللي جواك، هو أحن حد عليك وأقرب ليك من نفسك.

أوقات بتحس إنك تعبت من كل حاجة، من الكلام، من الصمت، من الضحك اللي بيخبي الوجع، ومن الدموع اللي مش بتريح. بتحس إنك عايش بس مش حاسس بالحياة، كأنك بتتفرج على نفسك من بعيد من غير ما تقدر تعمل حاجة.

أوقات بتحس إنك محتاج تختفي شوية، مش تهرب من الدنيا، لكن تاخد هدنة من كل حاجة بتضغط عليك، وتبدأ من جديد بروح مرتاحة ونفس صافية.

في ناس بتتعلم تعيش وهي موجوعة، تضحك وهي مكسورة، وتكمل الطريق وهي تعبانة مش عشان قوية، لكن عشان مفيش اختيار غير إنها تكمل.

أصعب حاجة مش إنك تبقى وحيد، لكن إنك تكون وسط ناس كتير وتحس إن محدش حاسس بيك تضحك معاهم وأنت جواك حرب، وتتكلم وكأن كل حاجة عادية، بس الحقيقة إنك تعبت من التمثيل.

أصعب معركة ممكن تخوضها هي المعركة اللي محدش شايفها، اللي بتحصل جواك كل يوم وأنت ساكت بتضحك في وش الناس، بتكمل حياتك عادي، بس جواك حرب مش بتخلص، ووجع ملوش صوت.

في ناس عايشة حياة كاملة جوّا دماغها، بتحارب أفكارها، بتكتم وجعها، وبتحاول تبان طبيعية وسط كل الفوضى اللي جواها ناس بتمثل القوة، بس الحقيقة إنهم تعِبوا من كل حاجة، حتى من التظاهر إنهم بخير.

في ناس بتمشي في الدنيا وهي شايلة جبال على قلبها، محدش شايف، محدش سامع، محدش حاسس. بيضحكوا في وش الكل، بس جواهم حرب مبتخلصش، ووجع ملوش نهاية واللي مؤلم أكتر إنهم عارفين إن مفيش حد هيفهم، حتى لو حاولوا يحكوا.

في ناس بتمثل القوة، مش عشان هما أقوياء، لكن عشان تعبوا من الشرح، من التبرير، ومن انتظار حد يفهمهم بجد فاختاروا يسكتوا، يبتسموا، ويكملوا كأن مفيش حاجة، رغم إن كل حاجة جواهم بتنهار.

في ناس مش بتهرب من الحياة، لكن من نفسهم من أفكار بتطاردهم، وذكريات مبتسيبهمش، وأوجاع محفورة جواهم. بيضحكوا، بيعيشوا، وبيبان عليهم القوة، بس الحقيقة إنهم بيحاربوا كل يوم عشان ما ينهاروش، وعشان ما حدش ياخد باله إنهم أصلاً تعِبوا من كل حاجة.