الخوف 🤍

#الوقت
ماكو شيء اسمه ماكو وقت ووقتي ضيق وما الحك
مهما كان الشخص حياتها كلها ضغوطات ويومه كله اشغال
ف صدكني بالنهاية راح يكله وقت

مثلاً :-  واقع حال الشخص

يلكه وقت يلزم بي الفون يشوف اشعارات
يلكه وقت يروح يفتح Tv
يكله وقت يأكل بي
يكله وقت يحجي بي ويه شخص ما
يكله وقت يسولف ويه اهله
وغيرها وغيرها

اكو وقت دائماً مدام بينا روح مدام بينا نفس ف اكو وقت
اليوم 24 ساعة عند الكل .✨

يمك ويمي ويم كل شخص غير شيء بهل الدنيا وقدم انجاز للبشرية
زين شنو فرقك عن الي انكتب اسمه بالتاريخ وغير شيء بهل الحياة
او شنو فرقك عن الي طلع اول ع العراق ؟!

الفرق بينك وبينهم

همه وقتهم نظموا ونطوا لدراستهم حقها ولنفسهم حقها
همه تفرغوا لنفسهم حتى يكشتفون قدراتهم
همه درسوا بالوقت الي انت التهيت بي
همه مارسوا حياتهم طبيعي حالهم حالنا بس خصصوا لكل شيء وقت

ماكو شخص افضل من شخص ولا اكو شخص ينجز اكثر من شخص
اكو شخص متفوق واكو شخص عادي
اذا سالت يعني شلون اني اكلك شنو الفرق بين الشخص المتفوق والشخص العادي ؟! المتفوق مستغل وقته صح اناني بوقته ..دراسته وشغله وعمله ومشاريعه فوك كل شيء حتى لو هل الامر خلاه يضطر أنه يبعد عن كل شيء في سبيل يتفوق لأنه هو بالنهاية بعد مينجز ويحقق شيء مهم راح يكله وقت لكل شيء والعادي ممستغل وقته صح وقته مفتوح .. يدرس ويتعب اي .. بس مضيع جزء من وقته الي ممكن اذا استغله يكدر يتفوق ويوصل لأعلى مستوى من الي هو بي ويمكن يكتشف بنفسه قدراته ممتخيلها مثلاً يحفظ بسرعة ، يفهم بطريقة غريبة عن العادة ، يبسط المسائل بطريقة سهلة وغيرها صدكني ترا هواية بينا قدرات ممنتبهين عليها وحتى يمكن اذا نكتشفها بنفسنا ننصدم احنا هيج وهذا كله بسبب انه احنا ممتفرغين لنفسنا يعني ممكن انت عندك إمكانية إبداع اقوى من اي شخص بعمرك بس ممنتبه عليها ولا تدري بيها ..
والسبب ؟
- ممتفرغ لنفسك.
والسبب ؟
- إنه وقتك ضايع.
والسبب؟
- ممنظمه.
والسبب ؟
- انت.
نظم وقتك .. تلحك تدرس وتعيش حياتك وتسوي كل شيء تريده
لكن خليك اناني بوقتك
وتذكر المقولة الي كلنا نعرفها
" الوقت كالسيف ان لم تقطعه قطعك "

"كلكم روح روحي🤍"

فكَم من كُربةٍ أبكت عُيوناً
فهوَّنها الكريمُ لنَا، فهَانت!

- اكثر شي يخوفني هو الحك اكمل؟
#الحلول:
: اي طبعا..خليك واثق من نفسك بكل خطوة تخطيها وكل قرار تتخذه وخلي إيمانك برب العالمين أقوى من كل شيء
#كون_قوي لأجل نفسك قبل أي أحد ومهما وصلت لمرحلة اليأس والتعب تذكر إنه عدنا #رب_كريم راح يعوضنا خير بعد كل هذا التعب
خليك متفائل وكلّك طاقة إيجابية
وانسى كل شخص خيّب آمالك وخذلك
- فكر ب أحلامك ، بطموحاتك
لتهتم اذا كنت لوحدك بهل الطريق والكل تخلى عنك ولتهتم اذا تعرضت لانتقاد من الكل وملكيت احد واكف بجانبك يكفي رب العالمين وياك يكفي حاسس بأمان وانت واكف ع سجادة الصلاه هالمشاعر تسوى الدنيا والي بيها

مُتعبة 🤍

البقاء للاقوئ: اذا بقيتم تقاومون وتجيكم افكار سلببة وبرغم ذلك ترجعون تستمرون بحلمكم
والثبات للاعظم: اذا عدكم روح رياضية؟
_اشون يعني
يعني ياعيني تستقبلون كل الكلام السلبي بـ إيجابية وابتسامة وتبتعدون عن المٌلهيات وماتهتمون للكلام الفاشل وماتهتمون للضعفاء بدنيتكم يعني كملو طريقكم مثل ما بلشتم واختمو هالمرحلة بمعدل يا ابطال وبدون يأس وبئس

صاحبتي القديمة 🤍

يلا سمعوني كلش مهم هالمسج🤍
انتم إبطال قد هالشي مفهوم؟
اوكِ انتم غاح اطلعون المعدلللل كلتكم اطيقون بسسس حاولوو وادرسو واتعبوو بهاي كم يوم وبعدها ارتاحووو ويصب ماتغيدون تطلعون اش تعملون اعملو محد يمانعكم بقت تصيغون "احرار" دفعًة 2023 خلونا نفرح بنتائجكم
واتذكرو حتى لو حلم انتم ما ترغبون بينو وكلش عادي عدكم اطلعون معدل قليلل وما تهتمون لهالشي وتقولون هو معدل وادخل أهلية ومعغف أيش من هالكلام المسيئ
اتذكرو شغلة وحدي
اهلكم؟ اشقد تعبو معاكم بدينكم ما ع يتعبون اتجاهكم اشتراكات ومعاهد ومدارس أهلية وكلشي يوفرون ألكم بس حتى من تطلع نتائج دموعم تنزل فرحة بسبب معدل جبتونو بتعبكم !...
ولا الاساتذة الدرستكم لو كائن من يكون؟
اشنو دتكون ردًة فعلكم من تغوحون ويسألوكم ها اش طلعتم وتقلولم ماخوش معدل وندخل أهلية!!

شوية خلو اهلكم واساتذتكم وتعبكم وجسدكم قدام عينكم كافي تسخت وكافي اوهام عايشين بيها
صحو ضميركم وطلعو معدل نفس البشر خاطر هالتعب اذا ما على مودكم
على مود غيركم ديفرحون
وعلى عناد كل شخص قال مااطلعون اكسرو عينم بتعبكم

"وكلكم روح روحي 🤍"

يُدَبِّرُ الْأَمْرَ مِنَ السَّمَاءِ إِلَى الْأَرْضِ.

#اقـــرا
السادس صح مرحـله مصيرية وأكيـد هلشي وما نخـتلف عـنه …
بس هلـشي ما يـخليك تدمر نفسك ..
ولا هو مرحله تدمير الاهل ولا مرحله تدمير ذاتك وحـياتك ..ولا غيـرها من السلبيـات السادس والضـغوطات هـاي ماا نهايه ١٢ سنه او ١٣ سـنه دراسيه تعبـت واجتهدت بيهـاا مـن حر و برد و شتاء و صيف …
هـاي كلهاا عشتـهاا و كلهاا تريد نتيجه كلهاا تريد تحـصد ثمار التعب هـذا
نفـسك و اهلك كلهاا تطالبك بثمارك الي زرعـتهاا وتـذككر وقتك الحالي اهم وقت وافضل وقت للحصاد وأثبات نـفسك للناس الي چانوا شاگين بيـك انهو ما تطـلع معدل زيـن اسـتغل وقتك وادرس واترك الاعذار بغـير صفـحه متـدري بعد يومـين شنو يصـير وياك وشنو ممكن تكون وشـنو ممكن يتـغير بـ الوضـع فكر بكــتبك وبنفسك وباليوم الي راح تستلم بـي النتيجه ولازم بهل يـوم تكون راضي بيـهاا ومفتـخر مـو متخاذل تعيس مكسور خـليك مستـعيد لهل يـوم وثق قرار التعاسه والفرح بيوم النـتائج بيدك وهسه تگدر تبني اساسه من اليـوم صدگنـي هـذا الـوقت عصيب لكن حـلوه هي الفتره الي راح تثبـت لنفسك وتثبت للكل منو انت … لتضيـع وقـتك ولتـفكر بواهس ولتفكر بغـير شـي ولتكول مـا أكدر ولتـكول هذا فـلان احسن مني …
وقت موجـود وبـعدنه بـ بدايةة وفرصه موجـوده وبعدك بأول الرحـله
وبعد عندك وقت تكـدر تبـني أساسك بـي و تصحح مسارك وتدرس صح وتحقق نجاحـك وما تنـدم تـالي …
انت انـسان والانسان من يقرر بجد
ماكو شي يكون واقف بوجهه