“አምራች ኢንዱስትሪ ለኢትዮጵያ ብልጽግና አይተኬ ሚና አለው” - ጠቅላይ ሚኒስትር ዐቢይ አሕመድ (ዶ/ር)
*********************

ጠቅላይ ሚኒስትር ዐቢይ አሕመድ (ዶ/ር) አምራች ኢንዱስትሪ ለኢትዮጵያ ብልጽግና አይተኬ ሚና እንዳለው እና የኢኮኖሚው ልብ መሆኑን ገለጹ።

ጠቅላይ ሚኒስትሩ ከኢቢሲ ጋር ባደረጉት ቆይታ፣ በመደመር መንግሥት የሥራ አቅጣጫ ለኢንዱስትሪ ዘርፍ ትልቅ ቦታ የሰጡበትን ዝርዝር ምክንያቶች አብራርተዋል።

ጠቅላይ ሚኒስትሩ አምራች ኢንዱስትሪን ከሰው ልጅ ልብ ጋር በማመሳሰል፣ “አንድ ሰው ልቡ ካልሠራ ሁሉ አካላቱ ጤነኛ ቢሆኑም ውጤታማ እንደማይሆን ሁሉ፣ ኢኮኖሚን ኢኮኖሚ የሚያደርገው የአምራች ኢንዱስትሪው ዘርፍ ነው” ብለዋል።

ዘርፉ የዕድገት ሞተር ተብሎ የሚጠራውም በሌሎች ዘርፎች ውስጥ ከፍተኛ የምርታማነት ለውጥ ማምጣት ስለሚችል መሆኑን ጠቁመዋል።

ለአብነትም በግብርናው ዘርፍ የኢንዱስትሪ ውጤቶች የሆኑትን ትራክተር እና ማዳበሪያን መጠቀም ምርትን በጊዜ፣ በብዛት እና በጥራት እንደሚያሳድግ ገልጸው፣ ይህም ከባህላዊ አሠራር ወደ ዘመናዊ እና ከፍተኛ ገቢ ወደሚያስገኝ ሽግግር ለመሻገር ወሳኝ መሆኑን አስረድተዋል።

ለዘርፉ ቅድሚያ የተሰጠባቸውን አራት መሠረታዊ ምክንያቶች ሲዘረዝሩም፦https://web.facebook.com/EBCzena/posts/pfbid02Cbify83LASM4rBsZcK5DTbTk3nWatQnqXEp67CziUGqgRhbiSkNPt4QpYzfC7Sdpl

የባሕር በር ደኅንነት ጉዳይ ከምንጊዜውም በላይ አንገብጋቢ ሆኗል - ጠቅላይ ሚኒስትር ዐቢይ አሕመድ (ዶ/ር)
*******************

የዓለም የንግድ እና የኢንዱስትሪ ትሥሥር በአየር፣ በየብስ እና በባሕር ሎጂስቲክስ ስጋቶች ውስጥ መውደቁን ተከትሎ የባሕር በር ደኅንነት ጉዳይ ከምንጊዜውም በላይ አንገብጋቢ መሆኑን ጠቅላይ ሚኒስትር ዐቢይ አሕመድ (ዶ/ር) ገልጸዋል።

ጠቅላይ ሚኒስትሩ እንደገለጹት፣ መንግሥት ከዓመታት በፊት የባሕር ላይ እንቅስቃሴ አደጋ ሊገጥመው እንደሚችል በመተንበይ "ከባሕር ከራቅን 130 ሚሊዮን ሕዝብ አደጋ ውስጥ ይወድቃል" የሚል የጸና አቋም ሲያራምድ ቆይቷል።

ምንም እንኳን በወቅቱ ለዚህ ጉዳይ በቂ ትኩረት ባይሰጠውም፣ አሁን ላይ ግን ሀገራት የንግድ መስመሮችን ለጥቅማቸውም ሆነ ተቀናቃኞቻቸውን ለመጉዳት ሲሉ በከፍተኛ ደረጃ እየተቆጣጠሩት ይገኛሉ።

በመሆኑም ከባሕር መራቅም ሆነ በአንድ መስመር ላይ ብቻ ጥገኛ መሆን አዋጭ ባለመሆኑ፣ ኢትዮጵያ ለዚህ የሎጂስቲክስ አለመረጋጋት አስቀድሞ መተንበይን ‘ፕሮአክቲቭ የሆነ መፍትሔ’ መከተሏን ጠቅላይ ሚኒስትሩ አብራርተዋል።

#EBC #Ethiopia #PMAbiyAhmed #SeaAccess

ሩስያ በብሪክስ ሀገራት መካከል የጋራ የመጠባበቂያ ምግብ ክምችት ዘዴ እንዲመሠረት ሐሳብ አቀረበች
***********************

በዓለም አቀፍ ደረጃ እየታየ የመጣውን የምግብ ዋስትና ስጋት ለመቀነስ እና የገበያ መረጋጋትን ለመፍጠር ሩስያ በብሪክስ ሀገራት እና በቀጣናዊ አጋሮች በጋራ የሚመራ የመጠባበቂያ ምግብ ክምችት ዘዴ እንዲመሰረት የሚያስችል ሐሳብ አቀረበች።

የሩስያ የደህንነት ምክር ቤት ከፍተኛ ባለስልጣን እንደገለጹት፤ በአሁኑ ወቅት በዓለም አቀፍ ደረጃ እየተስተዋለ ያለው የነዳጅ እና የማዳበሪያ ምርት አቅርቦት መስተጓጎል በግብርናው ዘርፍ ላይ እያሳደረው ያለውን ጫና ለመቋቋም በአጋር ሀገራት መካከል ጠንካራ ቅንጅት መፍጠርን አስፈላጊ አድርጎታል።

በተለይም በመካከለኛው ምስራቅ ያገረሸው ግጭት የማዳበሪያ ንግድ ዋነኛ መስመር የሆነው የሆርሙዝ የባሕር ወሽመጥ እንዲዘጋ በማድረጉ፣ ለሰብል ምርታማነት ወሳኝ በሆነው የማዳበሪያ አቅርቦት ላይ ከፍተኛ ተጽእኖ ማሳረፉ ተመልክቷል።

ሩስያ ይህን ስጋት በዘላቂነት ለመቀነስ የጋራ የመጠባበቂያ ምግብ ክምችት ዘዴ እንዲኖር ሐሳብ ያቀረበች ሲሆን፣ በተጨማሪም እ.አ.አ እስከ 2030 ድረስ የግብርና ምርት ወጪ ንግዷን በ50 በመቶ በማሳደግ በዓለም አቀፍ የምግብ አቅርቦት ሰንሰለት ውስጥ ተምትጫወተውን ቁልፍ ሚና ይበልጥ ለማጠናከር በቁርጠኝነት እየሠራች መሆኑን አስታውቃለች።

በሰለሞን ገዳ

#Russia #BRICS #FoodReserve #FoodSecurity #EBC

"ኢራን የኑክሌር ጦር መሣሪያ ፍላጎቷን ከተወች፣ በኢኮኖሚ እንድትበለጽግ እናደርጋለን" - አሜሪካ
*****************

በአሜሪካ እና በኢራን መካከል ያለው ውጥረት ባለበት ሁኔታ፣ የምክትል ፕሬዚዳንት ጄዲ ቫንስ አዲስ መግለጫ የብዙዎችን ትኩረት ስቧል።

ፕሬዚዳንት ዶናልድ ትራምፕም የሰላም ንግግሩ በሚቀጥሉት ሁለት ቀናት ውስጥ ሊቀጥል እንደሚችል ፍንጭ ሰጥተዋል።

በፓኪስታን የተደረገው የመጀመሪያ ዙር ንግግር ያለምንም ስምምነት ቢጠናቀቅም፣ ቫንስ አሁን ስላለው ሂደት "ጥሩ ስሜት ይሰማኛል" ብለዋል።

በሀገራቱ መካከል ያለው ጥልቅ አለመተማመን በአንድ ጀንበር እንደማይፈታም አክለዋል።

ትራምፕ የሚፈልጉት ተራ ስምምነት ሳይሆን ለውጥ የሚያመጣ ትልቅ ስምምነት ስለመሆኑ ቫንስ ገልጸዋል።

ትራምፕ፣ "ኢራን የኑክሌር ጦር መሣሪያ የማምረት ሐሳቧን ከተወች፣ ኢራን እንድትበለጽግና የዓለም ኢኮኖሚ አካል እንድትሆን እናደርጋለን" ብለዋል።

ለአሜሪካ የ"ብልጽግና" ግብዣ ኢራን የምትሰጠው ምላሽ በጉጉት እየተጠበቀ ነው።

በሌላ በኩል ካናዳ፣ እንግሊዝ፣ አውስትራሊያ እና ሌሎች 7 ሀገራት በሊባኖስ ያለው ግጭት በአስቸኳይ እንዲቆም በጋራ መግለጫ ጠይቀዋል።

ከሦስቱ ሀገራት በተጨማሪ መግለጫውን ብራዚል፣ ኮሎምቢያ ኢንዶኔዥያ፣ ጃፓን፣ ዮርዳኖስ፣ ሴራሊዮን እና ስዊዘርላንድ ፈርመውታል።

ሀገራቱ በሊባኖስ እየተባባሰ ባለው የሰብዓዊ ቀውስ እና የተፈናቃዮች ቁጥር መጨመር ከፍተኛ ስጋት እንዳላቸው ገልጸዋል።

በተለይም ባለፈው መጋቢት ወር ሦስት የተባበሩት መንግሥታት ድርጅት የሰላም አስከባሪዎች መገደላቸውን አውግዘዋል።

#MiddleEast #Iran #USA #negotiation #Trump #Vance #Lebanon

ሰላምን ማጽናት ከእያንዳንዱ ዜጋ የሚጠበቅ ተግባር ነው፡- ሊቀ ትጉሃን ቀሲስ ታጋይ ታደለ
*****************
7ኛው ሀገር አቀፍ የሰላም ጉባዔ "ሰላምን ይበልጥ ለማስፋት እና ለማስረፅ የሃይማኖቶች ሚና" በሚል መሪ ሀሳብ በአሶሳ ከተማ እየተካሄደ ነው።

የኢትዮጵያ የሃይማኖት ተቋማት ጉባዔ ጠቅላይ ጸሐፊ ሊቀ ትጉሃን ቀሲስ ታጋይ ታደለ፣ ሰላምን ማጽናት ከሁሉም ዜጋ እንደሚጠበቅ ተናግረዋል።ሆኖም የእምነት አባቶች እና ምእመናን በዚህ ረገድ ያላቸው ኃላፊነት ከፍ ያለ መሆኑን አብራርተዋል።

ባለፉት የሰላም ኮንፈረንሶች ሰላምና አንድነትን በሚያጠናክሩ ጉዳዮች ላይ በመምከር በርካታ ውጤቶች መገኘታቸውን ቀሲስ ታጋይ አስታውሰዋል።

በአሶሳ እየተካሄደ ያለው 7ኛው ሀገር አቀፍ ጉባዔም ሀገራዊ አንድነትን ለማምጣት ትልቅ አቅም እንደሚፈጥር ጠቁመዋል።

በጉባዔው ላይ የቤኒሻንጉል ጉሙዝ ክልል እስልምና ጉዳዮች ከፍተኛ ምክር ቤት ፕሬዚዳንት…https://web.facebook.com/EBCzena/posts/pfbid02aBvW5P7QXcNfZQtiQ8LZL66treWVx1p6SZpGTyUA3C25rEDgJyPRgVmTCoxSeeyul