"ኢራን የኑክሌር ጦር መሣሪያ ፍላጎቷን ከተወች፣ በኢኮኖሚ እንድትበለጽግ እናደርጋለን" - አሜሪካ
*****************

በአሜሪካ እና በኢራን መካከል ያለው ውጥረት ባለበት ሁኔታ፣ የምክትል ፕሬዚዳንት ጄዲ ቫንስ አዲስ መግለጫ የብዙዎችን ትኩረት ስቧል።

ፕሬዚዳንት ዶናልድ ትራምፕም የሰላም ንግግሩ በሚቀጥሉት ሁለት ቀናት ውስጥ ሊቀጥል እንደሚችል ፍንጭ ሰጥተዋል።

በፓኪስታን የተደረገው የመጀመሪያ ዙር ንግግር ያለምንም ስምምነት ቢጠናቀቅም፣ ቫንስ አሁን ስላለው ሂደት "ጥሩ ስሜት ይሰማኛል" ብለዋል።

በሀገራቱ መካከል ያለው ጥልቅ አለመተማመን በአንድ ጀንበር እንደማይፈታም አክለዋል።

ትራምፕ የሚፈልጉት ተራ ስምምነት ሳይሆን ለውጥ የሚያመጣ ትልቅ ስምምነት ስለመሆኑ ቫንስ ገልጸዋል።

ትራምፕ፣ "ኢራን የኑክሌር ጦር መሣሪያ የማምረት ሐሳቧን ከተወች፣ ኢራን እንድትበለጽግና የዓለም ኢኮኖሚ አካል እንድትሆን እናደርጋለን" ብለዋል።

ለአሜሪካ የ"ብልጽግና" ግብዣ ኢራን የምትሰጠው ምላሽ በጉጉት እየተጠበቀ ነው።

በሌላ በኩል ካናዳ፣ እንግሊዝ፣ አውስትራሊያ እና ሌሎች 7 ሀገራት በሊባኖስ ያለው ግጭት በአስቸኳይ እንዲቆም በጋራ መግለጫ ጠይቀዋል።

ከሦስቱ ሀገራት በተጨማሪ መግለጫውን ብራዚል፣ ኮሎምቢያ ኢንዶኔዥያ፣ ጃፓን፣ ዮርዳኖስ፣ ሴራሊዮን እና ስዊዘርላንድ ፈርመውታል።

ሀገራቱ በሊባኖስ እየተባባሰ ባለው የሰብዓዊ ቀውስ እና የተፈናቃዮች ቁጥር መጨመር ከፍተኛ ስጋት እንዳላቸው ገልጸዋል።

በተለይም ባለፈው መጋቢት ወር ሦስት የተባበሩት መንግሥታት ድርጅት የሰላም አስከባሪዎች መገደላቸውን አውግዘዋል።

#MiddleEast #Iran #USA #negotiation #Trump #Vance #Lebanon

ሰላምን ማጽናት ከእያንዳንዱ ዜጋ የሚጠበቅ ተግባር ነው፡- ሊቀ ትጉሃን ቀሲስ ታጋይ ታደለ
*****************
7ኛው ሀገር አቀፍ የሰላም ጉባዔ "ሰላምን ይበልጥ ለማስፋት እና ለማስረፅ የሃይማኖቶች ሚና" በሚል መሪ ሀሳብ በአሶሳ ከተማ እየተካሄደ ነው።

የኢትዮጵያ የሃይማኖት ተቋማት ጉባዔ ጠቅላይ ጸሐፊ ሊቀ ትጉሃን ቀሲስ ታጋይ ታደለ፣ ሰላምን ማጽናት ከሁሉም ዜጋ እንደሚጠበቅ ተናግረዋል።ሆኖም የእምነት አባቶች እና ምእመናን በዚህ ረገድ ያላቸው ኃላፊነት ከፍ ያለ መሆኑን አብራርተዋል።

ባለፉት የሰላም ኮንፈረንሶች ሰላምና አንድነትን በሚያጠናክሩ ጉዳዮች ላይ በመምከር በርካታ ውጤቶች መገኘታቸውን ቀሲስ ታጋይ አስታውሰዋል።

በአሶሳ እየተካሄደ ያለው 7ኛው ሀገር አቀፍ ጉባዔም ሀገራዊ አንድነትን ለማምጣት ትልቅ አቅም እንደሚፈጥር ጠቁመዋል።

በጉባዔው ላይ የቤኒሻንጉል ጉሙዝ ክልል እስልምና ጉዳዮች ከፍተኛ ምክር ቤት ፕሬዚዳንት…https://web.facebook.com/EBCzena/posts/pfbid02aBvW5P7QXcNfZQtiQ8LZL66treWVx1p6SZpGTyUA3C25rEDgJyPRgVmTCoxSeeyul

የመካከለኛው ምስራቅ ውጥረት፣ የትራምፕ ቀነ-ገደብ እና የዓለም አቀፉ ማኅበረሰብ ስጋት
***********

በአሜሪካ እና በኢራን መካከል ያለው ወታደራዊ እና ዲፕሎማሲያዊ ፍጥጫ እያየለ በመጣበት በዚህ ወቅት፣ የኢራኑ ፕሬዚዳንት መስዑድ ፔዜሽኪያን ሀገራቸው ለማንኛውም ኃይል እጅ እንደማትሰጥ አረጋግጠዋል።

ፕሬዚዳንቱ፣ ኢራንን በማስገደድ ለማንበርከክ የሚደረግ ማንኛውም ሙከራ ውጤቱ ውድቀት ብቻ ይሆናል ሲሉ አስጠንቅቀዋል።

በሌላ በኩል የአሜሪካው ፕሬዚዳንት ዶናልድ ትራምፕ ለኢራን የሰጡትን የተኩስ አቁም ቀነ-ገደብ የማራዘም ፍላጎት እንደሌላቸው አስታውቀዋል።

ትራምፕ፣ የሰሜን አትላንቲክ ጦር ቃል ኪዳን ድርጅት (NATO) በሆርሙዝ ወሽመጥ ጉዳይ አሜሪካን ባለመደገፉ ዳግም ወቅሰዋል።

የቻይና የውጭ ጉዳይ ሚኒስቴር ቃል አቀባይ፣ የአሜሪካና የኢራንን ግጭት ለማስቆም የሚደረጉ ማናቸውንም ጥረቶች ሀገራቸው እንደምትደግፍ አስታውቀዋል።

ማሌዥያ በበኩሏ፣ አሜሪካ በሆርሙዝ ወሽመጥ ላይ የጣለችውን የባሕር ትራንስፖርት እገዳ በድጋሚ እንድታጤነው እና እንድታነሳው ጥሪ አቅርባለች።

#MiddleEast #Iran #USA #Trump #Pezeshkian #China #Malaysia #Hormuz #BreakingNews

“ጦርነቱ ሊያበቃ ተቃርቧል” - ፕሬዚዳንት ዶናልድ ትራምፕ
*****************

የአሜሪካው ፕሬዚዳንት ዶናልድ ትራምፕ ከኢራን ጋር ያለው ጦርነት ወደ ማብቂያው እየተቃረበ መሆኑን ገለጹ።

ፕሬዚዳንቱ ከፎክስ ኒውስ ጋር ባደረጉት ቆይታ፣ አሜሪካ ገና ሥራዋን ባታጠናቅቅም ስድስት ሳምንታትን ያስቆጠረው ይህ ጦርነት ወደ ማጠናቀቂያው መስመር እየደረሰ መሆኑን ተናግረዋል።

ይሁን እንጂ የፖለቲካ ተንታኞች እንደሚሉት የፕሬዚዳንት ትራምፕ ንግግር በሀገር ውስጥ ያለውን ፖለቲካዊ ጫና ለመቀነስ የታለመ እና የጦርነቱን መቆም የሚፈልግ ስሜት የተንጸባረቀበት ነው።

አሁን ባለው ሁኔታ ለሁለት ሳምንታት የተቆረጠው የተኩስ አቁም ጊዜ ግማሽ ላይ የደረሰ ሲሆን በሆርሙዝ ወሽመጥ ላይ ያለው ውጥረት ግን እንደቀጠለ ይገኛል።

እንደ ባለሙያዎቹ ገለጻ፣ ፕሬዚዳንቱ ግጭቱን ለመፍታት ያላቸው ጊዜ እያለቀ ቢመስልም በሁለቱ ሀገራት መካከል ስምምነት ላይ ለመድረስ የሚያስችሉ ዕድሎች እንዳሉ ጠቁመዋል።

#Trump #IranWar #MiddleEastCrisis #BreakingNews #USA #Iran