"ዛሬ ማለዳ ከአሊኮ ዳንጎቴ ጋር በመሆን በጎዴ ተገኝቼ ሥራው የደረሰበትን ደረጃ ለመገምገም የፕሮጀክት ስፍራውን ጎብኝቻለሁ"፦ ጠቅላይ ሚኒስትር ዐቢይ አሕመድ (ዶ/ር)
******************

ጠቅላይ ሚኒስትር ዐቢይ አሕመድ (ዶ/ር) ባለፈው ዓመት ነሐሴ ከዳንጎቴ ግሩፕ ጋር በመሆን በአመት 3 ሚሊዮን ሜትሪክ ቶን ዩሪያ ማዳበሪያ የማምረት አቅም ያለው ፋብሪካ ለማቋቋም ትልቅ የባለድርሻ ስምምነት አድርገን ነበር ሲሉ አስታውሰዋል።

በያዝነው ዓመት ጥቅምት ወር ደግሞ የፕሮጀክቱን ግንባታ በይፋ ጀምረናል። ይኽ ሥራ ከመሠረተ ልማት ግንባታም በላይ ነው።

በኢትዮጵያ የግብርና ትራንስፎርሜሽን፣ የምግብ ሉዓላዊነት፣ የኢንደስትሪ እድገት እና በኢኮኖሚ ራስ የመቻል ጥረት ውስጥ ስትራቴጂካዊ ጠቀሜታ ያለው ኢንቬስትመንት ነው።

የማዳበሪያ ፋብሪካው በሚጠናቀቅበት ወቅት የሀገር ውስጥ የማምረት አቅምን ያጎለብታል፣ ከውጭ በሚገባ ማዳበሪያ ላይ ያለውን ጥገኝነት ይቀንሳል፣ በሚሊዮኖች የሚቆጠሩ አርሶአደሮቻችንን ይደግፋል።

ለኢንቨስትመንት እና የሥራ ዕድል ፈጠራም አዳዲስ እድሎችን ይከፍታል።

ዛሬ ማለዳ ከአሊኮ ዳንጎቴ ጋር በመሆን በጎዴ ተገኝቼ ሥራው የደረሰበትን ደረጃ ለመገምገም የፕሮጀክት ስፍራውን ጎብኝቻለሁ።

በመላው የፕሮጀክቱ ስፍራ የሚታየው የሥራ ሂደቱ ፍጥነት አበረታች ነው። ይኽን ግዙፍ እና እጅግ ጠቃሚ ሀገራዊ ፕሮጀክት ለመፈፀም ያለውን ቁርጠኝነት እና ትብብር በሚያንፀባርቅ ሁኔታ በተለያዩ የፕሮጀክቱ ክፍሎች ያሉት ግንባታዎች በእቅዳችን መሠረት እየተጓዙ ይገኛሉ።

“የሐረርጌ ሕዝብ በመደመር የልማት እሳቤ እየተመራ በአዲስ የለውጥ ጎዳና ግስጋሴ ላይ ነው” - ምክትል ጠቅላይ ሚኒስትር ተመስገን ጥሩነህ
**********************

የሐረርጌ ሕዝብ በመደመር የልማት እሳቤ እየተመራ በአዲስ የለውጥ ጎዳና ግስጋሴ ላይ ነው ሲሉ ምክትል ጠቅላይ ሚኒስትር ተመስገን ጥሩነህ ተናገሩ።

ሕዝቡ ልማት እና የአካባቢ ጥበቃን በንቃት ከመተግበር ባሻገር፤ ከሰላም እና ከለውጥ ጋር ለመተባበር ልቡ የቀና መሆኑንም አብራርተዋል።

አካባቢው ከተወሰኑ ዓመታት በፊት ከአንድ ሚሊዮን በላይ ዜጎች የዕርዳታ ጠባቂ የነበሩበት ቢሆንም፤ አሁን ላይ መንግሥት ለግብርና በሰጠው ልዩ ትኩረት በስንዴ፣ በቆሎ እና በተለያዩ ፍራፍሬዎች የልማት ሥራዎች ተጠናክረው በመሠራታቸው የተረጂዎችን ቁጥር ወደ መቶ ሺሕ ዝቅ ማድረግ መቻሉን አድንቀዋል።

የሐረርጌ አርሶ አደሮች በላባቸው ሀገርን በመቀየር እና ራስን በመቻል ለሌሎች አርአያ መሆናቸውንም ገልጸዋል።

በሐረርጌ የተሠሩ የልማት ሥራዎች ከሐረርጌ አልፈው፣ የውኃ አቅርቦት ድጋፍ እስከ አዲስ አበባ ድረስ ዘልቆ በመግባት የሐረርጌ አባቶች እና ወጣቶች አሻራ በመላው ኢትዮጵያ ማስተጋባቱን ጠቅሰዋል።

ሕዝቡ የጀመረውን የልማት ጉዞ አጠናክሮ እንዲቀጥል እና የተተከሉትን ችግኞች እንዲንከባከብ ያሳሰቡት ምክትል ጠቅላይ ሚኒስትሩ፣ በቀጣዩ ጠቅላላ ምርጫም ሰላማዊ እና ዴሞክራሲያዊ በሆነ መንገድ በመሳተፍ ለሥራ እና ለልማት የሚያነሣሣውን እና ‘ሁሌ እንሥራ’ የሚለውን ብልጽግና ፓርቲ እንዲመርጥ ጥሪያቸውን አቅርበዋል።

ኢትዮጵያ በድህነት፣ በግጭት እና በኋላቀርነት የምትታወቅበትን የታሪክ ምዕራፍ ዘግታ፣ አሁን በሥራ እና በለውጧ ዓለም አቀፍ ዕውቅናን እያገኘች መምጣቷንም አስገንዝበዋል።

በቢታንያ ሲሳይ

ማንችስተር ዩናይትድ ኖቲንግሃም ፎረስትን 3 ለ 2 አሸነፈ
**************

በ37ኛ ሳምንት የእንግሊዝ ፕሪሚየር ሊግ ማንችስተር ዩናይትድ ኖቲንግሃም ፎረስትን 3 ለ 2 በሆነ ውጤት ማሸነፍ ችሏል ።

በኦልድ ትራፎርድ በተደረገው ጨዋታ ሉክ ሾው፣ ማቲያስ ኩኛ እና ምቤሞ ለማንችስተር ዩናይትድ ግቦቹን ሲያስቆጥሩ፣ ለኖቲንግሃም ፎረስት ሞራቶ እና ሞርጋን ጊብስ ዋይት አስቆጥረዋል።

ማንችስተር ዩናይትድ ማሸነፉን ተከትሎ ነጥቡን 68 በማድረስ በ ሊጉ 3ተኛ ደረጃን ይዞ ማጠናቀቁን አረጋግጧል።

ፖርቹጋላዊው አማካይ ብሩኖ ፈርናንዴዝ በውድድር አመቱ 20 ለግብ የሆኑ ኳሶችን አመቻችቶ በማቀበል በቴሪ ሄንሪ እና ኬቨን ዴብሮይን ተይዞ የነበረውን በአንድ ዓመት ብዙ ጎል አመቻችቶ የማቀበል ሪከርድ መጋራት ችሏል።

በዘረንቶስ ሰለሞን
Ethiopian Broadcasting Corporation EBC SPORT ኢቢሲ ስፖርት #ማንችስተርዩናይትድ #ፈርናንዴዝ

ከአቧራ ወደ ዐሻራ፤ ከቅርስ ወደ ቁርስ
*************

በቅርብ ዓመታት ኢትዮጵያ የቱሪዝም ዘርፍን ከተራ የኢኮኖሚ ምንጭነት ባለፈ ለሀገር ግንባታ፣ ለሰላም፣ ለብዝኃነትና ለኅብረ ብሔራዊ አንድነት መገንቢያ ስትራቴጂካዊ መሣሪያ አድርጋ በመውሰድ ላይ ትገኛለች።

ሀገራችን በታሪክ፣ በባሕልና በተፈጥሮ ያላትን እምቅ ባለጠግነት ለመጠቀም ቱሪዝምን ዋነኛ የኢኮኖሚ ምሰሶ ያደረገች ሲሆን፣ ይህም መዋቅራዊ ለውጥ ለማምጣት፣ ገቢን ለማሳደግና ሰፊ የሥራ ዕድል ለመፍጠር መሠረት ሆኗል።

መንግሥት የመንግሥትና የግል ዘርፍ ቅንጅትን ሚዛናዊ በሆነ መንገድ በመምራት፣ ቱሪዝም የጋራ ታሪክን የሚያሳይና ብሔራዊ ማንነትን የሚያጠናክር የጋራ መድረክ እንዲሆን እያደረገ ነው።

ይህን ዘርፍ ለማሳደግ ለ16 ዓመታት ሳይሻሻል የቆየው የቱሪዝም ፖሊሲ በአዲስ መልክ ተሻሽሎ በሚኒስቴር ደረጃ እንዲደራጅ መደረጉ ዓለም አቀፍ ተወዳዳሪነቷን አሳድጎታል።

በተጨማሪም የስብሰባ፣ የጉዞ፣ የኮንፍረንስና የኤግዚቢሽን (MICE) ስትራቴጂዎች ተቀርጸው…https://web.facebook.com/EBCzena/posts/pfbid02pnRquhRdd9JwfFdS5G9GwG7vRZ2CseeUgGxQ7yXBigNTbMsTUSuMUNFgNkVi9TGpl