اقولكم تجربتي مع الخضوع للوالد
ابي حاررر وعصبي ولا يبي احد يشاكله بالكلام
اذا جاء معصب ومنرفز الزم الصمت ولا اناقشه واقول ان شاء الله نسوي اللي تبي بعدها يطفي ويهدأ واحياناً يتحسف على اللي قاله لنا
اختي عكسي تماما تقابل لجته بلجه ورفع صوت واذكر مره برمضان ضربها على وجهها لأنه تردده بالكلام
والله اننا رحنا للعمرة وحنا نطوف اسمع نحيبها بالبكاء ثم لما هدت قلت لها وش استفدت الان وعقيت ابوي بهالشهر الفضيل
انا اشوف الخطوات اللي علمتنا الأستاذة البندري صراحة مكسب للمرأءة اذا ضبطت انفعالها وحكمت عقلها
الله يوفقك يا أستاذة ويفتح لك باب للرحمة لا ممسك لها .

وصارر موقف ف سياره🥺 نسيت النقاب والغشوه بيت اختي وطلعنا مسافه دقيقتين وخبرته عشان يرجع🤦🏻‍♀عصب شووي

طبقت نظرات الحزن والصمت
الا شوي جلس يمسك ايدي ويضغط عليها عن اخواته يشوفن 😂
خلاني ابتسم 🥺

بنااااات صار شي جمييييييل اليوم كنا جالسين نتفرج ع مسلسل يحبه زوجي
فضيت نفسي له وتركت الجوال وجلست معه اتابع
فجأه التفت اشوفه ليقته يناظرني نظره تجنن ابتسم وابتسمت قلت له شفيك
قال اتأملك
يالله حسيته حب نظراتي له وصار يقلدني

اولا الحمدلله رب العالمين على كل شيء .. بعد ما طبقت الصمت والهمس احسو صار يخفض صوتو متلي صاير اهدى شوي مش كتير يعني 😅 بس في فرق ملموس ولله الحمد .. وانا عم اجاهد حالي كتير على المساااافة لأني متعودة اضل ملزقة فيه واتصل فيه ٣ - ٤ مرات باليوم .. بس الي فترة ما عم اتصل والمفاجأة انو اليوم هو الي اتصل ويقولي ليش ما تسألي عني 🙈🤤

┉━━━•✿🎀✿•━━━┉
1⃣ تجارب العاشقات ♥
مع المدربة رجاء اليافعي🕊

┉━━━•✿🎀✿•━━━┉

التأمل شيء جميييل يبعث في النفس الراحه والامل❤.....من تجربتي إذا كثرت عليه ضغوط الحياة أنظر للسماء وأُطييييل النظر والتأمل والتدبر وأرتااح كثيييراً 😌

┉━━━•✿🎀✿•━━━┉

من تجربتي السابقه في الهمس واللمس مرره حلوه وتجيب نتيجه اما بالنظرات طبقتها وكمان جابت نتيجه حلوه ومع انه هالايام زوجي قرب خطوبة زوجي والله يساعدني اقربه مني ،هالايام صح اقرب لي من اول لكن ابغاها تدوم باذن الله .
واللي اشوف انه المرأه هي اللي تدور حلول لحياتها عشان تستقر ،واهم شي الرجل يتقبل اذا تقبل تعتبر المرأه هنا انجزت إنجاز عظيم لنفسها واستقرار بيتها.

┉━━━•✿🎀✿•━━━┉

تجربتي مع تطبيق النظرات👀 😍 الي كل يوم اتفاجأ واعرف شي جديد عن زوجي كنت اطبق النظرات 🤨واستغرب ماينتبه فاكتشفت انه ينتبه لكل صغيره وكبيره بس انا ماعندي صبر كنت ازعل واقول ولا حتى معبرني واطنش وابطل اهتم فيه😖 ابدا هالمره لا اطبق النظره وادقق فيه مايعطيني وجه بعدها ارجع ببال اوسع وبنفس طيبه بعدها اركز في كل جزء فيه واقول بقلبي احبك والله كل شي فيك حلو😜 امسح من قلبي وعقلي كل سلبيه💔 كل المواقف الي راحت واتفاجأ انه زي السحر ينتبه لي ويناظرني بنظره احلى ردة فعل ماتجي من اول مره وطبعا متزينه ومتكحله ومفرفشه بس مبتمسه والعب مع عيالي وارمي بنظره واروح وارجع وقت ثاني واطالع وهو لطالعني ينتظر لاول مره نطالع بعض ونحس بشعور الحب ماشاء الله تبارك الله لاتنتظرو النتايج ركزي واصلحي قلبك❤ ونيتك وخليك واثقه بنفسك👸 انك تقدري تغيري زوجك أنتِ اولى بالحب من أي وحده ثانيه💞 زوجي كان كل يوم بس يشرب كاسه🍷 شاهي وحده معايه ويجر🏃‍♂ي عالمكتب امس شرب اربع كاسات انجاز وجلس ماطلع المكتب الا بعد المغرب اللهم اني استودعتك قلبي وقلب زوجي اللهم الف بين قلوبنا واصلح ذات بيننا واهدنا سبل السلام😍😍❤الحمدلله

┉━━━•✿🎀✿•━━━┉

*أي سحر هذا تحتويه النظرات كنا عنه غافلون*💞
كنت استهين بقدرة النظرات وتطبيق الهمس في التأثير على الزوج ولكن بعد التطبيق ليومين جاءت النتائج بسرعة بفضل الله عز وجل..
اصبح ينتظر مني النظرات وألاحظ التعبير في عينيه؛ صباح اليوم فاجأني بعدم ذهابه للعمل وقال بكل بساطة *قررت أن اجلس معك يومين!!*

كل ضغوطات العمل وعدم قدرته على الخروج لأجازة ذهبت بماذا؟!! *بسحر النظرات*

اليوم شعرت وكأن شهر العسل يعيد نفسه بكل سعادة؛ وصرت أطبق النظرات مع أبنائي أمامه.. وما لفت انتباهي ذهبنا لبيت أهله وكان قليل النظر والحديث ألي أمامهم ولكن اليوم الوضع اختلف كثيرا بالنسبة لي؛ فكل ما رفعت رأسي لاحظت بأنه يتابع حديثي الخافت وضحكاتي مع أخواته وأمه💞💞 *شعور لا يصفه سوى عاشق*

متفائلة جدا بأن السعادة آتية وبأننا نحن من نصنعها ولأنني وأخواتي اخترنا الانضمام لهذه الدورة الرائعة ونحن نحتسب الأجر من رب العالمين؛فبإذن الله سنصل لأهدافنا المرجوة💞
كل شكري وأمتناني لمدربتنا الرائعة ومساعداتها الجميلات
*كلنا قادرون على صنع التغيير بإذن الله في حياتنا؛ولأننا لم نستسلم لواقعنا وسعينا للتطوير فيه سنجد ما نسعى له*

┉━━━•✿🎀✿•━━━┉

صراحه لغة العيون مهمه جدا
اتذكر بدايات زواجنا كانت النظرات هيا اللي تاسرقلبه وتخليه يشتاق لي اكثر وان شاء الله برجع اتدرب عليها💪🏻
وبقول قصه صغيره اذاممكن للفائده حصلت لي شخصيا وسببت لي مشكله رحت عند الدكتوره حق الاطفال انا وزوجي وهي مطلقه يعني عندها خبره بالحياه الزوجيه ومالي شهرين اوثلاث ولدت والدكتوره مدري ايش صايرفيها مفعله نظرات الحب مع زوجي شوي تحدق وشوي تطالع وتنزل راسها وابتسامه خفيفه وزوجي طااار حس بطاقه غريبه وصاركل مامرضوااطفالي يبغى بس عندها بعدين تزاعلنا وحليت المشكله وجلست افكربيني وبين نفسي ايش فيهاموفيا انااهملت نظرات الحب فعلوها يابنات علشان لاحد يفعلها غيركم لازواجكم وراح اتدرب عليها
┉━━━•✿🎀✿•━━━┉

يا أخواتي الحبيبات 😘
تخيلوا صرت أسوي الصمت والزينه من زمان
وصار الرجال يطفش من العلاقه🤨
تخيلوا يقولي بس أجاملك ومره يقلي الوقت غلط
ومره يقول كبرنا خلاص👵🏻😣
طبعا أنا لسى ما دخلت الاربعين بس هوه في الأربعين
ودخلت دوره برق ورعد والحمد لله كنت أمارس بعض الدروس أقرأ في النت وكذا وتعلمت بس لقيت فيها دروس جميله جدا ومعلومات عن الاربعيني
وانه مزاجي حتى في علاقته
وشجعوني أدخل حياة العاشقين ودخلتها
وأقسم بالله يا أخوات من يوم أسمع صوت أستاذه رجاء الله يسعدها بديت ازداد رقه مثلها في كلامي
وبالنظرات مره حب ومره اعجاب كنت أقول ما أعرف الين شفت زوجي يسلم علي ويروح ومره يقولي انتِ ليش لازقه فيه وانا ماني لازقه من بعيد بس اناظر وابتسم. وشوي يقول تعالي سوي كدا كدا عنده شغل على الموبايل المهم البارح مع الهمس والكلام الناعم عند النوم صار يخافت زيي😂😂😂
وأنا أطالع فيه وحنا في الظلمه نظره حب وحسيت كأنها تسري في عروقي كأني أول م

و هو جالس على الجوال .. و ما أبغى عيني تجي على الجوال ..
صار هو يوريني أشياء و أنا أتفاعل بهدوء و همس و ضحك دلع.

قبل الدورة كنت إذا بطلب شيء أطلب مباشرة و غالبا ألاقي رفض..
بعد الدورة و طريقة الساندويش صار غالبا يوافق.. و أنا صرت أراعي إني ما أطلب إلا ضروريات و أكون مقتنعة بالشيء اللي بطلبه و ما أنتظر رد فوري إذا وافق شكرته و مدحته .. و إذا رفض اتقبل الرفض بحزن و أقول خيرها في غيرها.
مثلا.. زوجة خالي اتصلت بي تعزمني بنتهم جاتهم و هي نفاس  جابت توأم ..رفض يوديني لأنه يبغى يسهر برا و روحتي لخالي راح تخرب عليه
تقبلت الرفض بصمت و قلت خيرة بإذن الله..
قال لي إذا جلست بنتهم عندهم للاسبوع الجاي أوديك.
كنت أتجنب أظهر غيرتي... مع درس الغيرة حاولت أظهرها بتوازن
بعد درس الصدقة
كانت نيتي في فعل الأشياء مختلفة مبتسمة في وجه زوجي و الأولاد و محتسباها صدقة..
لما زارني أبو زوجي و قدمت له مويه و شربت العيال مويه أحتسبتها صدقة 
 لما تطبخي و تطعمي الطعام و تضعي اللقة في فم زوجك و أطفالك و تحتسبيها صدقة
 لما تقولي كلمة طيبة لزوجك و عيالك أو ضيوفك و تحتسبيها صدقة
لما تذكري الله..سبحان الله و الحمد لله و لا إله إلا الله و الله أكبر و أستغفر الله و تحتسبيها صدقة
لما تأمري بالمعروف مثل الصلاة
 وتنهي عن منكر تحتسبيها صدقة
لما أعين زوجي و أولادي
 لما أنظف البيت و احتسبه من إماطة الأذى عن الطريق و أنه صدقة
لما تنوي شر و ما تسويه تحتسب لك صدقة
غالبا هذي الأفعال نسويها كل يوم بدون نية و بتذمر...
الأفضل تكون نيتنا خير و نحتسب الأجر و إنها من الصدقة

بالنسبة للمدح.. ما كنت أنتظر منه مدح..
ما أعرف وضعي طبيعي و لا لا.
الآن صرت ألبس و أقول أيش رأيك ؟
أسوي أكشن في حياتي..
فلما سمعت كلمة حلوة انبسطت..
راح أعتمد الأسلوب هذا أكثر..

بعد الدورة .. علمت إن ضعف الأنثى و خضوعها أمام زوجها هو مصدر قوتها ..
و قوتها تكمن في مدى أجتهادها لإنجاح زواجها و حفاظها على نفسها و اولادها و بيتها.
و أن الأعمال الرجولية تقلل من أنوثتها.

الطلاق يجب أن يكون حل أخير .. إذا أغلقت كل الأبواب .. و ينبغى أن يكون آخر ما تفكر به المرأة.

الحمد لله تغيرت حياتي للأفضل رضا و سعادة و و سكينة و سلام🌹🌹🌹

البارحة صرح لي إنه راح يسوي حاجة .. من شهور أبغى أصارحه فيها و ما جتني الجرأة .. الآن حتى هو صار يتغير من غير ما أتكلم .. لأني توقفت عن محاولة تغييره و تقبله كما هو .. و السعي لتغيير ذاتي.

الشكر للمدربة أ. رجاء اليافعي و المساعدات على كل ما قدموه لنا.. الله يجازيكم الجنة.♥

┉━━━•✿🎀✿•━━━┉