"كشح برق السحاب وغنّت الغرّا وهب النود
‏وبدا ليلي يرتّب حفلة المشتاق كالعاده

‏حضورك يربّك اللحظه وأنا يامترفه موعود
‏على صبحٍ شعاعه من تحت غرّتك ميلاده

‏نهبتي من عناقيد العذيّه درّة العسجود
‏ونثرتيها على لبّة نحرك .. نجود وقلاده"

"‏غافل وجتني من كوة خاطري كي
‏كية عطب لولا طبيبٍ مكنها

‏كل النساء ظلماء وهي بينهم ضيّ
‏تشبه شعاع الشمس أشعة بدنها

‏من الذهب تلبس خلاخيل وحليّ
‏سودٍ محاجرها وحمرٍ وجنّها"
- بن زويبن

"ياغيّاث العطاشى جفّ ريقي والضلوع هياف
متى تصدق مراويحك على من يرجي خيَالك؟"

"رميت وجهي على كتفك شوي، وغفيت
والغفوة اللي ثواني فوق كتفك: عُمر

لو إنك من أول الدنيا معي، ماشكيت
-مافاتنا نستحقّه بس ما الله أمر-

لو مرّ عمري معك برد وسلام اكتفيت
هذا وجنبك ربيع العمر عيّا يمر

دامك معي، لايهمّك لو ضحكت أو بكيت
كتفك لحاله يكفّي… لين يقضي العمر"

‏"إذا فعيونك المنفى وإذا لعيونك التحنان؟
‏غريرٍ جاك وش ذنبه؟ تْشبّ النار في جوفه

‏ذكرتك كنّ ما لي غير وجهك وجهة وْعنوان
‏وغديت بْـ خِف ما كنّي ثقيل وداخلي شوفه"

"ألف بسم الله عليك من أتفه أوجاعك
يا جعل التّعب لا من نواك انحنى لي"

"عسى ظلما مشاوير المواصل والشعور الجاف
فدى وجهٍ ماغطّى نوره .. إلا شعرك المبتل"

"‏أنا خايف من غلاك اللي بدا يوسِّع نطاقه
‏وأنا صدري لو تمادَى بالمخاوف زاد ْويله"

"منتي من الأرض يمكن من بقايا القمر
‏نصفك مكابر قسى ونصفك ليانة حنين

‏منتي من اللي يمر النّاس وعادي يمر
‏من بين خطوه وخطوه بينهم وردتين

‏وصرتي كبيره عمر، يا حظّ هذا العمر
‏كل ما كبرتي سنة غارت عليك السنين"

"أمان الله على عمري وعلي من الّليال السود
عسى الله يملي سنيني رضى وأيام ورديّه

عسى هالعام ثمر أخف من شيلة المولود
ولا تنعاد لي ساعه من الماضي ولياليّه

وعسى عامٍ راح مرّت لياليه جفا وصدود
تصير من العوض بـالذّاكره والعُمر منسيّه

وعساني مانحرم من شوف وجه أمّي ووجه العود
ولا من ضحكة أخوانِي ولا أقرب الأصْدقا ليّه

وعسى ميلاد عُمري يعود لا فاقدْ ولا مفقود
وعسى من العام لين العام تتحقّق أمانیه

وعسى ما راح من عُمري غفره الوالي المعبُود
وعسى الّلي جاي ما تكتب بصفحاته ولا سيّه"

"‌‏ياويل حيٍ تولَّع فيه.. ياويله
‏كم من شهرٍ مر لا صامه ولا قامه

‏حيٍ يشوفه وشاف الرِّمش يومي له
‏أدخل على الله كيف تشلَّه عظامه؟

‏من ناعس الطَّرف ذبّاح العرب غِيله
‏كم واحدٍ صافح الموت أول أيامه"

"سولفي لين المزون تسيل والأغصان تثمر
‏للجديل اللي تفلّينه.. والأيدي ما تلمّه"

"ما خسرت من السنين الفايته من عمري
‏كون بعض سنيني اللي ما عرفتك فيها"

"‏ذخرتك عوني اللي دايمٍ تصبح يدينه ظل
‏يحاوطني دفاه واستريح بصدقه وطهره"

"أنا أثق إني بعيش ريعانٍ
مايطوله أي عجفٍ وجفاف
‏لأن لي ربّ يهون كل الأيام
الثقال ويجعلها خفاف.."

"بعد ما عرفتك شفت فجر السعد بخطاي
جعل ما يحول أي شي من دونك و دوني"

‏"لعيونك معرضٍ عمري لـ درب الضياع
‏واللي بقى منه و اللي راح جعله فدى!

‏وأحنّك من الوداع و من جروح الوداع
‏مثل ما أحن الرفيق الطيب من الردى"

"إليّا زعلتوا فأزعلوا لين ترضون
وإن ما رضيتوا جعل فالأمر خيره

ما يلحق الواثق مشاريه وظنون
ولا به كبيرٍ.. يلتفت للصغيرة"

ليلة عن ألف ليلة♥️