«‏اما جلوس العز بين الاجاويد
‏ربعٍ على المذهب ونعم البطانه

‏ولا لحالك سج رجلك مع البيد
‏واحذر جلوس المهزله والمهانه»

‏"إذا مالت بك الدنيـا، وحطت بك على مركاك
تأمل بالفرج ضحكة رفيق، وزور محرَابي"

‏"فداك الشِعر والشاعر و قافٍ ما عليه خلاف
‏وفداك القلب يوم إنه لدربك — صار متبوعي"

"كبار ما حنّا من أهل التلّفات
‏ونفوسنا من بعض الأشياء عيوفه

‏نقدّر اللي يبيّن وقت المهمات
‏واللي ما كنّه يشوفنا ما نشوفه

‏والحاجة اللّي ننتظرها ولا جات
‏إن جات ولا ما عليها حسوفه"

«على قطار الصبا مرّت عجاف السنين
‏يذكرك بالخير يا زهرة سنين الصبا

‏عيني تبي شي ياعيني وش اللي تبين
‏وقلبي يبي شي ياقلبي وش اللي تبا؟

‏نشدت هدهد سبا عن عودة الراحلين
‏قال انتظر لين ياتيك الخبر من سبا

‏الأرض في عين غير المهتوي ما تزين
‏لو إنها جنةٍ خضرا؟ تصير شهبا»

‏"رميت وجهي على كتفك شوي وغفيت
‏والغفوة اللي ثواني فوق كتفك عُمر

‏لو إنك من أول الدنيا معي ماشكيت
‏مافاتنا نستحقّه بس ما الله أمر

‏لو مرّ عمري معك برد وسلام اكتفيت
‏هذا وجنبك ربيع العمر عيّا يمر

‏دامك معي لايهمّك لو ضحكت أو بكيت
‏كتفك لحاله يكفّي لين يقضي العمر" ❤️

"من جرّب وصالك ماعاد يطيب له غيرك بديل
يشوفك لحالك سحابة والبشر كلها ظمى"

«‏ياربي وأنت جلَّاي الظلام الراحم المنَّان
‏يارب المرسلات ورب قلبي وأنت تاوي له

‏أعوذ بنور وجهك لاتصيِّرني ضعيف إيمان
‏تلقَّاني بعطفك يا كريم إن قلَّت الحيل»

"شد صوتي يا أوَل أيامي.. وعلِقني فداوي
‏لين أعس الفارِق المنتوق وأشرب مِن ورِيده

‏ساعةٍ فيها القصِيد؛ يحز فالصَدر السناوي
‏وش عليه إن سيَر أحلامه لـ غيمتك البعِيدة

‏اِيتهادى لين ما يسرِي خلاف الجِفن غاوي
‏وِيتودَد كل ما شحت مسارِيك العنِيدة

‏خاطرك يوم اِستلذ الفِقد، قلي: ويش ناوي؟
‏تَعرِف إني ما قدرت أستعذب إحساسه، وقيده

‏يا قديمي والله إنه «قام يَطوَى الحال طاوي»
‏كم لي أدوِر على تبرِيرك... وساعي برِيده؟

‏اِذكر... إني ما تركتك يوم عاد الحزن ضاوي
‏ولا نسيتك في جديدات الشعور، ولا عَتِيده

‏زل طيرِك يوم عوَد [غصني] من الشح ذاوِي
‏كيف تأخذ رِقَة ظلاله... وتترك لي شَدِيده؟

‏عِل، واِستدرك دوَاي إن غرَب الروح المَداوي
‏واِترك شعورِي يداعب وجنَة الأرض الرغِيدة

‏قبلك يزِل القصِيد، وبعدك تضيع الحكاوِي
‏وأنت لو بيتك ركيك؟ أسيَل إحساسي وأزِيده

‏أتمنى [بيرِ ضحكاتك] وأعرف إنه رهاوِي
‏لو يذكِرني وعَده؟ شلون أبى أسلَا عن وعِيده

‏جوِد يديني أنا ما طحت فيك إلَا متساوِي
‏واِنسني بين الكلام، وبين سلسالك، وجِيده

‏لين أمد الأرض وأسرِي لك مع الأمر السماوِي
‏وأتشدَد فيك لابة.. وأهتدي عينك عَقيدة!

‏الظمأ خلفك ركابه، والهوى منك أنت راوي
‏رد لي صوتك وأبى أنسج لك من الغيمة قصيدة

‏جعلني لا اشتد عزمي في هواك وجيت غاوي
‏ما تذكَر -يا حبيبي- غير الأيَام السعيدة"

"‏يا أغلى متاع النفس من كل الحياة الزايله
‏يا الجانب المشرق، ويا ملح الحياة وضيّها" ❤️

‏"ما يخفّف ضغط الأيام وظروف الحياة
‏غير قرب اللي تحبّه .. وتستانس معه"

"بعد عثرات ودروس وسنِين وتجربه وإدراك
‏عرفت إنْ أكبر كنُوز الحياة الفانية مبدأ"

"وأنشهَد شهادة حق ما هي شهادة زُور
‏من ينال قُربك شعْشع النُّور في صدره"

"تمر وجيه واجد و أنت ثابت و السنين تدور
جعل تفدا دواعي ضيقتك ضحكي و ترحابي"

"ما لك من أيامك إلا صالح أعمالك
‏ولا أنت جثه .. و أعز الناس يدفنها"

«لو ثلاث أرباع عُمري الأوله راحت هزايم
مشهدك بالبشت جنبي صار لي أغلى غنيمة»
❤️

"‏لا تعرّضني الرمضاء ورمشك ظليل
‏في عيوني كلام ٍ ما قدرت أسرده

‏همت في عيونك النجلاء وجيتك دخيل
‏لي خفوق ٍ عيونك فيه مستفرده

‏أعتبرني حقل جفّت وروده وسيل
‏تضحك الأرض لا هلّ السحاب بْرده

‏لي عن الغيمة اللي تحبس الماء بديل
‏يُحرم الماء عليّ لو ما صفى مورد"
- سعود مهدي

"‏عرفتك كريم ومجلسك مدهل الخطّار
‏جعل دكّة خطاهم فدا صيتك الباقي" ❤️

"مرحبا وانت المبدّا والمولّا
‏عند من عينه لزلاتك ضريره

‏يوم جيت وحظي المعثور ولّا
‏الله اللي حط في يدينك مصيره

‏انت ربي خالقك من نور ولا؟
‏طحت من سابع سما فالمستديره"