.حديث.المساء

‏يا امي آين يذهب البيت عندما تغادرين ؟ .

#فاتنہ

لماذا لا نسمع آلقصه من ألذئب .؟
كلنا صدقنا ليلى‘

#فاتنہ

المساعدة حالة مؤقتة
تمنح فقط لمن يستحقها، أكثر من ذلك تدعى استغلالا وإتكالية.

#نظرية_الفستق
#فهد_عامر_الأحمدي

#فاتنہ

يحدث

#فاتنہ

‏_ اللهُم البرود والتبلد من حيثُ لا أحتسـب

#فاتنہ

أريد الرجوع إلى بطن أمي. أريد أن أرجع. أريد بطن أمي. كل ما في الأمر أني أريد أمي لأني أريد أمي. لا أريد حياة لا توجد فيها أمي. أنا لا أريد منها أن تموت.

#فاتنہ

‏نزار قباني بعد استسلامه واعترافه بحبه وهو يقول: "عمياءٌ أنتِ؟ ألم تري قلبي تجمع في عيوني؟.

#فاتنہ

في أولِ ‏مرّةٍ
دخلتُ فيها لمقبرةٍ
كان يحتويها عددٌ كبيرٌ من الجُثث
لمستُ واحدة
تلك المتدلّية من صدري.

#فاتنہ

بسنة 1932 بولاية بنسلفانيا الأمريكية أنولدت طفلة أسمها " Anna “ نتيجة علاقة غير شرعية ، أم آنا عافتها على جدها الفلاح الكاثوليكي المتعصب كلش وأنهزمت ، فالجدو رفض آنا وچان كلش يكرهها لأن چان يعتبرها " ثمرة الشيطان " بس ميگدر يقتلها لأن دينه يگله حرام ، فشنو سوة ؟ .. حبسها بالسرداب مال البيت وچان حارمها تشوف الدنيا وچان يشمرلها أكل وشرب من الفتحة مال الباب وينظف بقايا أكلها والـ shit مالتها من تكون نايمة ، وهذا لحد ما صار عمرها 6 سنين ، فد يوم بالصدفة فاتوا عالم وسمعوها تبچي فبلغوا الشرطة وجوي اعتقلوا الجدو واخذوا آنا للمستشفى وچانت حالتها يرثى لها وبينها وبين الموت شعراية ... آنا رغم عمرها ست سنين ما گدرت تتفاعل بكلمة أو صوت وية الدكاترة غير ( توووت .. توووت ) فهذولة حاروا گالوا هاي شبيها ؟

أجوي علماء النفس والإجتماع يدرسون حالة آنا .. أكتشفوا أنو هذا الصوت الي تسويه هي ماهو الا صوت القطار الي چان يفوت بصف بيتهم ، وهو يعتبر الصوت الوحيد الي سمعته آنا طول حياتها ، رغم انو آنا ماتت ورة 3 سنين الا أن علماء النفس والسلوك بقوا حايرين بيها ، بس بعدين أكتشفوا نظرية تگول : " أن الإنسان لا يولد إنساناً إنما مخلوقاً قابلاً للتأنيس " يعني شنو ؟

يعني أن الإنسان يتميز عن غيره بملكاته الجينية الي الي تخليه وتؤهله أنو يتبرمج لاحقاً من قبل المحيطين بيه ، بس من ما تتوفر هاي الملكات أو " محيط إنساني فعال " فأن الأنسان المولود راح يكون شبيه بأي حيوان آخر !
آنا بحالتها هاي چانت ادنى سلوكياً وعاطفياً وعقلياً من البشر الطبيعيين .

علماء النفس أعتمدوا على مقولة أرسطو الي يگول بيها : " أن الإنسان يتعلم الأخلاق عن طريق التقليد فهو يقلد ما يفعله غيره ، ومع الزمن يتحول السلوك عن طريق التكرار الى عادة متأصله " .. وطلعوا بنظرية بعلم النفس سموهة ( التشرب_العقلي ) أو الـ internalization ، هاي النظرية تگول أنو عقل الطفل خلال السنوات العشرة الأولى يكون هش وشبيه بالأسفنجة ، يمتص عادات وتقاليد ومحتويات الوسط والمجتمع العايش بيه بخيرها وشرها ..

آنا خلال سنواتها الستة ما گدرت تمتص من محيطها الي عاشت بيه غير صوت القطار ، لهذا صارت تقلد صوته ، وبقى العلماء ينبشون بهاي السالفة وگالوا : أنو الإنسان صحيح يقلد كل من حوله لكنه يختار شخص يكون قدوة اله أو مثل أعلى الـ role model ، ويمتص من شخصيته ويتبناها ويحاول يقلده بالوعي واللاوعي أكثر من البقية ، وهاي العملية يسموها " التقمص " أو مرحلة بناء الهوية identification .... وعادة يكون القدوة هو أما الأب أو الأم أو أي شخص كان قريب جداً للطفل بسنواته العشرة الأولى

يعني شنو ؟
يعني دينك .. مذهبك .. عاداتك .. تقاليدك .. قوميتك .. تفكيرك .. شخصيتك .. لهجتك .. لغتك .. وطنك

هاي كلها أنت ماأختاريتها بنفسك أنت أنولدت وأمتصيتها من المحيط الي أنت چنت متواجد بيه ، أنت أنولدت عبارة عن ورقة بيضة وهمة كتبوا بيها أنت شنو راح تكون .. أنت صرت مسلم لأن أبوك مسلم .. أنت صرت شيعي لأن أبوك شيعي .. شخصيتك وطريقة تفكيرك أنت تقمصتها وأخذته من الشخص الي رباك بسنوات عمرك العشرة الأولى ، بتعبير لاخ " أنت مو أنت .. أنت همه " عبارة عن مراية تعكس صورة أهلك والناس الي ربوك

كافي تتعصب لشي أنت ما أختاريته ، وتدافع بغباء عن فكره أو عقيدة أنت أنولدت عليها وما چان ألك خيار ثاني أنو تتبنى أو " تتشرب " غيرها ، أنت كبرت وعقلك نضج وصار واعي أكثر ومو هش مثل ما چنت طفل يعني تگدر تفكر بمنطقية أكثر ، أقرة أكثر ، أبحث أكثر ، أطلع على افكار غيرك ، حاول تتقبل النقد أو حتى الرفض لمعتقداتك لأن من الممكن تناسبك بس ما تناسب غيرك وممكن بعد كم سنة تگوم ما تناسبك انت هم ، ولا تصير زعطوط وتفشر على الملحد واللاديني أو الشخص المتحرر الي قرر يعيد يصقل شخصيته وأفكاره ويختارهن بنفسه من جديد ويتخلى عن أفكار چان مجبور عليها بحجة أنو هو يخالف العادات والتقاليد أو يمس مقدساتك الي أنت بنفسك ما تدري ليش هاي الأفكار صارت مقدسة بالنسبة ألك أصلاً ! ...

فكر ولو للحظة أنو أنت الشيعي لو أنولدت بوسط عائلة سنية راح تكبر وتكون سني وراح تتعصب لمذهبك والعكس ، وأنت العربي لو أنولدت بأربيل وبوسط عائلة كردية راح تكبر وتصير كردي وتتعصب لقوميتك والعكس ... ولو انولدت بأوربا حتكون مثلهم ولو أنولدت بالصين حتكون مثلهم ولو أنولدت بين قبائل أفريقيا البدائية فهم راح تكون مثلهم

حتى منطول ..
العقل البشري مصمم حتى يفكر ويطور تفكيره حتى يتكيف ويتناسب وية الضروف المحيطة بيه ، لهذا حاولوا تطورون تفكيركم حتى يناسب القرن الواحد والعشرين ويعايش كل هاي الحداثة والتكنولوجيا والتطور وعيشوا مثل العالم الأوادم بلا تعصب وطائفية وقومية وقزر القرط ... أفكار جدك وجد جدك وعادات شيخ عشيرتك وشريعة القرن السادس ميلادي هاي صارت قديمة وأكسباير ولعبان نفس ، صير شجاع وحاول تبني شخصيتك بنفسك وتتقمص أفكار جديدة .