“Men ofisni ataylab ag‘dar-to‘ntar qilib tashladim. Kompyuterlar, noutbuklar, kabellar — hammasini polga sochib yubordim. Keyin esa barcha xodimlarni ichkariga taklif qildim.

Ularga shunday dedim: “Agar men sizlarga kasbingizdan, hayotingizdan va barchamizni birlashtirib turgan ishtiyoqdan zavq olishga yordam berishimni istasangiz, bu yerdagi hamma narsani tartibga keltirish va birgalikda ishlashga tayyor bo‘lish uchun sizlarda ikki daqiqa vaqt bor”, — deya eslaydi Arteta The Athletic nashriga bergan intervyusida.

“Shundan so‘ng xonadan chiqib ketdim. Agar hammasi avvalgidek qolganida, bu mening murabbiylik faoliyatimning yakuni bo‘lishi mumkin edi. Ishsiz qolgan bo‘lardim!” 😂

“Oradan ikki daqiqa o‘tib, qaytib keldim. Hammasi mukammal darajada tartibga keltirilgan edi. Barcha jim turar, ko‘zlarini katta ochgancha menga qarar va gaplarimni tinglashga tayyor edi.

Men ularga shunday dedim: “Bu — faqat boshlanishi. Biz har kuni aynan shunday yondashuvda ishlashimiz kerak. Qanday maqsadga erishmoqchi bo‘lmaylik, bunga faqat birgalikda erisha olamiz. Men buni yolg‘iz o‘zim uddalay olmayman”.