إلى يومك وأنا هادي مغمّض ما فتحت شفاه
‏على نفسي ومن نفسي عليها أنطفي وأشتب

"كل ماتطري علي أضحك وأغني
‏لجل أسلّي مابقى من ذكرياتي

‏كنت أشوفك شفّي وهجسي وفنّي
‏لين صرت أكبر حسافه في حياتي."

‏"ولا تهملني وحيد وصدرك أنت أولى بي
‏ولا تخليني بلا درب و طريقٍ أسلكه.."

‏"هلا وأنتِ اللي لا ظلمني الزمن وجار
‏ضحكتي وأحس إن ضحكتك تنتصر ليّه"

دريت إن المحبه وقفت من يوم جرّ خطاه
‏ودريت إن كبدي بتبطي من الفرقا ولا أرتاحت
‏
يا كم مره نويت أنساه لكن مستحيل أنساه
‏هو اللي وسّم ضلوعي هو الرسام والناحت
‏
صحيح إن الجفا طوّل ولكن حشمه لـ ذكراه
‏بقلطها ليّا مرت .. و أودعها ليّا راحت

"في ظلام الليل أسامر ذكرياتك
‏ويوم أسامر ذكرياتك كنّي اشوى."

‏تضحكين وعاشقك يرسم من الضحكة صباحه
‏ضحكتك تشبه شروق الشمس من بين المباني.

‏"أرب قلبك مانسى الود أربّه .. ولا باع منهو باع روحه و شاريك"

كيف أتوب من الهوى وادله وأقفي
‏وأنت طيفك كل ماسجّيت جاني ؟

تشردني مخايل ضحكتك لي عن عيون الناس
‏وأنا أكثر شخص فـ الدنيا شرودي .. رحلة آلامي
‏
فدت وجهك .. لياليٍ نسمها يقطع الأنفاس
‏و صباحاتٍ خلت من رزقها وتطير بـ أحلامي
‏
وعفى الله عن ضياع العام وأيام التعب واليأس
‏وعن دربٍ .. مشيته ما حشم به جرة أقدامي

‏يوم غيرك يبي منّي .. ولو ربع كلمة
‏كنت أسنّد عليك السالفة والقصيدة.

أحبك ومن كثر الجروح أرفع الأعلام
‏وش أعظم من إحساسي وأنا أحب.. وأعاني ؟

‏"يا رُفات الطيش في تابوت الأحلام البري
‏من خذلني بالبدايه كيف أصونه بالأخير؟

‏ما بقى لك غير بعضي وأستميحك بـ أكثري
‏ضاع مثل النور لما ضاع عن عين الضرير"

والله إنك سراب وعارفٍ إنك سراب
لكن من يرد القلب عن ممشى يحبه ؟

“ما الله خلق من يساومني على الفرقا
‏من يامن رضاي .. لا يستامن غيابي"