"ملامح وجهك الهادي لـ نظرة شوقي المفضوح
هو اللي ضيع من سنين عمري .. أجمل سنيني"

أجيك المحب اللي على شوف وجهك شفق
‏وأعوّد وأنا كبدي من الحزن في حلقي :(

"غديرٍ عليه الناس صادر و ورّادي
‏أعيفه لو إنه من زلال المطر يِسقى
‏
أنا غايتي ومناي ودواي ومرادي
‏مذاقٍ على غيري صعيبٍ ولا يلقى"

لكن ليه الحياة الجايرة ما تعرف الأنصاف
‏ياكيف أحلى الليالي معك.. تسقى بمالح دموعي؟

‏"لا يستبدّ الجفا .. ويعلّمك قدري
‏للحين ماغاب عن دنياي تأثيرك

‏بعيوني أشوف غيرك بس في صدري
‏كلام ما ودي أقوله لأحد غيرك"

نفيتك لأخر حدود الجفا وعنك الله يغنيني
عن أشباه الأحبّة اللي أجادوا لعبة الطيبين

يزيد العمر و أحلامي وعندي أستعداد
على سلك الدروب اللي تزّين باقي سنْيني

‏إلى هنا .. يكفي اللي راح من عمري
‏رجوى وصال و أمل مذبوح من ياسك

‏شعوري اللي تربّى في ذرى صدري
‏أكبر من إنه يلامس طارف احساسك

‏رح علم الليل كان الليل ما يدري
‏إن المفارق حصل لو طول نعاسك

‏صبور .. لكن وصلت لآخرة صبري
‏حيّ العطش لو تمد العمر في كاسك‏

‏"أسامر نجوم الليل .. وأسج في بحر الخيال
‏وأسمع صدى كلمة تعال و أرد هذا اللي أبيّه"

‏"يا وجودي ليت مالي قلب و أشواقٍ قديمه
‏ كان ما جابت طواريها الهبايب و أشتحنّا"

يوم شلتك عن هروج العاذلين بعيني
‏ليه تعميها و هي درعٍ يصونك ؟

ثلاث شهور و أنا أفضل العزله عن الجلاس
ماغير أمشي على طاريك و أسولف على ظلّي

‏أحب معك الوصل و أخترت درب الفراق
‏من عاطفة قلب مدري من رجاحة عقل

من ضلع أعوّج لكن الحظ معك أستقام
‏العمره مره .. و أنا عشته معك مرتين

عشت عمري مصدر إعجاب الكثيرين
وما هزني في رحلة العمر غيرك

قال أخاف تكون في حبي مخادع
قلت لا واللي صدف بينك و بيني

والدليل إن يجيني منك رادع
كل ماجيت أهتني بك مايجيني

عذبة الروح ما خانتني التجربة
مير ضاقت فجوج الارض وأسبابها

جيت أسابق خطاوي عمري المتعبه
فقرها حزنها غيّابها أحبابها

وكان بيني وبين أفرح معاك عْتبه
والحياة الوسيعه قفّلت بابها