"بين خوف أغيب ولا بين أحضر ولا أتجلّى
‏نفسي أدنى ما يجفلها وأدنى ما توالف."

معي قلبٍ لو تْشوفه بعينك مالقيت الّاك
‏تزاحم كل عرقٍ به على دمِّي ونبضاتي

‏ترفَّق به.. ليَا كسَّر عشانك كبْرياه وْجاك
‏دخيلك لا تبادله بْبرودك كل ما ياتي

‏حرام اليّا تعنّالك تجامله بْقليل حْكاك
‏وهو ياكثر حاجته لْكلامك ولْـ مواساتي

جزيت.. وفز قلبي أثر قلبي ما نساك وتاب
حكيت وضاع صوتي في رجاك و ضاعت الهيبه

كل ماسقت القدم يمّ السعة ضاق الطريق
‏وكل ماحطيت رجليني على درب إلتوى

‏والله إني كنت أدف طويق وأطيح طويق
‏لين صرت أطيح لو يلفح طرف ثوبي هوا

بخل فيك الزمان وجادت جداد الطواري فيك
‏تساهرني وأنا ماني على كثر السهر ضاري

‏ياليت أيامك اللي تاخذك تاخذ معك طاريك
‏ إذا ماجابتك الأيام ليش يجيبك الطاري ؟

"ليه أنا دونك أحس أني فقدت الإتجاه
‏الأوادم حولي وكنِّي في وسط المقطعَة

وليه كل دربٍ يودِّي لك يشد الإنتباه
‏وليه أشوفك في عيوني الجهات الأربعة؟"

‏أي والله إن قلبي من الوقت والرفقه عيوف
‏ونفسي اللي صوب .. الأبعاد قد هي صامله

الجرح ماهو خاطر شوي و يروق
‏الجرح حتى لو تشافى يعلّك ..

أشوفك في منامي حلم جابك للحزين أنصاف
و أشوفك بالسما بين الغيوم ولمعة النجمه.

‏" إنما حياة الإنسان على الأرض جهاد مستمرّ رغم كونها محض عبور "

‏تجيني على غفلة من الليل و الترحال
‏وأحب النسيم اللي يجيبك وأهلّي به

‏زرعك الله فقلبي مثل ما زرع فـالبال
‏سوالفك صورّك و صوتك و ترحيبه

‏تنحّرت لي بعض المساعي و دربي طال
‏وعرفت إنك المسعى بحلوه و تعذيبه.

"أنا اللي حيلته صمته على شرفة هوى ما طاب
‏و أنا اللي شوفني واقف .. رغم همي على حيلي"

"ما يموت الود لا مات الكلام
‏لك مكان وذكريات ولك شعور

‏ما أنت عابر في حياتي والسلام
‏أنت حتى في غيابك لك حضور"

دخيلك لا تصلّح غلطتك هذا الخطا غالي
‏رفضت إنك تجيبه من عرفتك لين هو جابك

‏و مدام إن الزّعل مثل الرضا يبقيك في بالي
‏أنا ما أزعل و لا أرضى منْك أنا أزعل عنْك و أرضى بك

‏بقت ذكرى لك بـ قلبي تراودني بخيالاتي
‏انا كذاب ! لو قلت أنها عادي ولا تمّوت

‏مع إن الحزن ناصب خيامه بقلبي لوّ
‏تجي له بضحكاتك بدا يلفظ أنفاسه

‏معاك الليالي ممتعة والعمر محلوّ
‏والأيام مملوحة والأوقات حسّاسة