"أنت ممرضني وأشوف المرض فيكم وفي
والهبوب البارده منّك هبّت في حشاي

والله انّ كبدي عليكم عراويها أضميِ
والمشارب غير هرجتك ماتقطع ضماي

كيف تستغرب بطاي ومجييّ يوم أجي
منك أجيك بدون رايٍ وأروح بدون راي

أنت سبة كل شي ولا داويت شي !
كيف ياقادر على داي ماتقدر دواي."

‏يؤسفني إنك عطيتني ظهرك،وأنا مديت لك كفي..بكل رهبّة وإرتجاف*

"جيت في عز الحنين وصرت كنك
رشفة الماء الباردة في كَبد ظامي."

‏"أنا لي قلب لو إنه جرحني كان قد ينساه
‏ياليته كان جارحني، قبل ما لوّح يْدينه."

"لك من سنين العمر لا غبت عمر انتظار/ للموعد إن جيت وإن ماجيتني للصدف"

‏"وش عاد أبي بنجوم نَجد العذية ؟
وأنا عذابي نجمةٍ في مداري.."

إلا يارهيف القلب قلبك علامه جلّف ؟

‏حشى منت بْقليل اللي يمر وينّسى في يوم
‏يا كثْرك في خفوقٍ ما توقّع تصدِق أوهامه.

‏"على النسيان ما مرّ الطريق ولا كساك إنصاف
‏مثل ما أواجه أقدار العمر ذكراك أواجهّها."

‏فدا .. وشرهاته على مغليه من باب العتاب
‏وش قيمة الغالي إذا ما أخطا وقلنا له فدا ؟

‏جيت تحت أهداب عينك يا حبيبي اتفيّا
‏عن شموس وعن ليالٍ بردها يوجع مهبّه

‏ما يهم.. إن جارت ظروفي ولو عرّت يديّا
‏أنت من ترعاه عينك؟ أشهد إن الله حبّه.

‏خذاه الزمان الشّين واقفى وأنا قفيت
‏وكل السبل لمواصل الزين مقطُوعة..

وش يصبرني على ليل الشتاء المتمادي
يوم هوّد وأنت في ديره وأنا في ديره.

"دخيلك لا تساومني على الفرقا وأنا مرتاب
أعيش العمر فاقد ضحكةٍ ماني بناسيها."

‏وما أستسلمتُ من يأسٍ ولكن
‏ يحنّ لراحةٍ من خاضَ حربا.

‏تِمر الناس مثل اللي يمرون النظر .. بس أنت
‏تمر و تاخذ دموع أوّل العمر و خواتيمه*

‏"أجاهد هوى نفسي وكل الحياة أجْهاد
‏كثر ماتبي نفسي كثر ماني أمنعها."

لا تسألين في غيبتك ويش لوني؟
‏ أسمـر حنيني في هجير المشاريه
‏يكفي ظلام الحلم يملى عيوني
‏ أحلى الكلام اللي حبست وقريتيه *

‏"أذكريني لا أنتهت للشمس رحلة مع نهار
‏وأذكريني لا صحى للصبح ورد الياسمين."