‏"لكّ يلتفت قلب ويماري عليك الضمير
‏لو صاحب القلب ماله فالدروب التفات."

‏"وأنا متى ما قلت أحبك يرتجف جفن الظلام
‏و الصبح يتنفّس مكاني والصعيب أستسهله."

"لا تخَاف من العتبْ مافي جفني إلا الوله
مرّني.. متى تحبْ أصعب الحِب أجمله."

"في شعوري أغاني من حمام وهديل
‏في ضلوعي صحاري وأرتباكة قطا

‏من يعلّم عيوني ما تفتّش بـ ليل
‏عن طواري زمان وعن أمانٍ بطى؟

‏كنت أحبّك سحابٍ ما يمرّه مقيل
‏ما طلبتك سحاب وما حسبت الخُطا

‏قلبي اللي زرع لك في مداه النخيل
‏لا تمرّه جفاف ولا تحبّه خطا."

ورا صمتك أشوف الحب خوف ودمعتين رقاق/ لو إنها سالت أعشوشب تحتها القاع مِن جوعه."

‏"لا تخليك السنين تصير عادي
في عيون اللي يقاسمك أمنياته.."

‏لو ما وسع صدر السماء نور مشرْقك
‏"توسَعْك عينٍ .. ما تبي غير نورك."

يوجع إني في سبيل رضاك سويت الهوايل
‏وأنت مستكثر علي أسف ومستكبر عليها .

لا يروح العمر من غيرك تناهيد.. وحسافة
‏وكان ودك بالمفارق ما أنخلقت ألحق مقفّي .

‏تركت من الجفا ذكرى وصال و خاطرٍ مكسور
و خذيت من الوفاء قلبٍ عجز غيرك يقفّي به .

مصير الوقت يشرح لك دروسه لو غفلت و نمت
‏يصحّيك الزمان .. اللي يصحّي كل من نامي

"أكرر عادك الأول و المبّدا يا وجه النور
بدونك من يجملها صباحاتي و أيامي

و لا يهمني لو الدنيا بما فيها عليّ تجور
أشوف بضحكتك عالم كما وديّ فأحلامي."

تبت من حبه وقلبي معيي لا يتوب
‏مفلسٍ لا تاب منه ولا أدرك غايته *

"أنتِ ذبحة القلب ووجع الروح وغصّة العمر ."

"يوم أفكر فالحياة، وتفاصيل النِّزاع
أثرها حفنة ليالي ونطويها طوي.."

"سيّد أصابيح الهوى .. والأمسيات
‏لأجلك مغاليق الضلوع مشرّعه
‏أسترجع فـ بالي شريط الذكريات
‏وأن جات لحظات الفراق أسرّعه."