‏وش رجّع الذكرى و أنا أكره طريق الأنهزام
‏و أكره أكون اللي يناظر لـ الورى و الراحلين

‏"تعال باقي لي هنا جرّح ما طاب
‏جرحٍ على خبرك من العام ملّهوب"

وبقت في خاطري ذكراك .. تكررّ مثل موجز عرض
مع أنك ناسي وداله وقلبك في مداره ساج

‏"ليه أذِم الزمان؟ وهالزمان أجودي
معك عشته وأنا بين السما والسَّحاب."

أبي تتذكر سنيني وتاخذني الى ماضيك
‏أنا المستقبل أتعبني ولا أدري ايش تاليها

‏تاخرت وذوى قلبٍ هلك من حر مايطريك
‏مسافات اللقى طالت عليه وهو يخطّيها

‏دخيلك لو نويت تردّ.. أحلام عمري فيك؟
‏ترجّع روحي لروحي قبل تصعد لباريها

والله أني ضايقٍ من خّلاي وفي خلاي
خاطري ماهو بـ وده .. ونفسي ودها

"أحبّك.. ذا ترا أول كلامي وآخره كلّه
‏ولكن وش يضرّ اليوم لو تدري عن أحوالي."

‏"راضي أعيش بعتمتك طول عمري
‏ولا أشوف النور من شمس غيرك."

‏"لو أتوب من الذنوب اللي جنَت الأيام ضدي
‏ما قدرت أتوب عن ذنبٍ يعن القلب صوبّه."

"والله إن أقسى من البعد و أوقات الوداع
‏لحظه يمشي بها الشخص وعيونه وراه"

‏"لو أجنّب عن غرامك وش يجنبني طيوفك
‏و أنت شيٍء وين ما لديت وجهي له بقايا."

‏"أشوفك مثل من يشوف أشياءه الحلوة
‏مع ناسٍ ما تعرف أبد وش حلاوتها."

‏"يارب عيده عندك أجمل، وألاقيه
‏و عيديّته يا مالك الملك جنّة"

‏رحلت ورحلتك كانت بلا توديع
‏يدينٍ ضمّتك.. صعبه تلوح لك

‏"أحفظ اللي والله إن أموت وأنا أحبه
‏و أغفر ذنوبي و خلّه لي.. ولا تشقيني"

‏أنا على حطّت يدك والله ما عندي جديد
‏أعاند أيامي بعد ما جاتني بـ عنادها

‏ما هو بـ يمكن فاقدك، أنا فقدتك والأكيد
‏عاد العيون تغار وروحي في غرامك عادّها

‏"تبقى الرسايل الأوّله أغلى وأعزّ من الوريد
‏رسايلٍ من قبل روحك، يختلف ميعادها"

"حرام إني أنا الباذر وأنا الزارع وأنا الساقي
‏ولا أخذ من البستان لأتعّابي ولا ورده".