"من قال لك كون المقدّر و الوحيد
في ضحك محبوبك وفي مواجعه؟"

‏"يا ربِّ حلمي بقلبي أنت تعلمه
‏يسّر له يا كريم الفضل أسباب."

بارك الله فيك يا عذب الغدير
ما شربتك بس قالو لي هنّي

جيت مثل الشكر بعيون الفقير
و رحت مثل العفو بعيون الغني.

"تكاثرت خذلاني وقفلت باب اللوم
‏ملامي على روحي.. وصبري على حلّه"

‏أنا البارحه لاني بخاسر .. ولا كاسبك
‏تلعب بي الفرقا على روس أصابعها

"أضويت لك قمراء وشرّعت لك باب
وصبيت لك كأس الهوى من عروقي

لا تستريب وخاطر الجرح ما طاب
هذي سماء روحي وهذي بروقي

كم للسهر يغتاب ليلي ولا تاب
وكم للظلام يردني عن شروقي

ولا الكلام اللي ربى فيني وشاب
ما مر ليل إلا و راود خفوقي

عن كل ضحكة ما ملت عين الأحباب
وعن كل دمعة ما أزهرت في عذوقي."

‏تراك الصبح في عيني من أول ماتهجيتك*

‏عسى مالك بصفحات الليال المقبلة تأثير؟
‏مثل ما لك رماحٍ وقعهـا مرتـاح له ظهري.

‏"تساقيتك ظمى لو كنت غيم وطارفك شعّاق
‏ولقيتك في فرح قلبي وفي حزنه وفي خوفه."

"عادك اللي كل ماهبّ الهوى والليل ساري
‏أذكرك وإلى ذكرتك سال غيم و ورد ندّى"

‏فمان الدرب لا تردعك خطوه والسنين بحِل
‏لو إنك رحت وأسباب الصدود تراود ظنوني

‏على باب العيون توايق الدمعه ولا هو ذل
‏فتَق جفن الوصل تلويحك وخانتني عيوني

حطّ قلبي في عيونك لا بغيت تحطّ راسك
والله إن الصدر كلّه ضيق و عيونك وسيعه

ويش أبي بالدفا والمن والسلوى
وأنت جنبي تحت سقفي وجدراني.

‏مصير القلب لو طوّل ظلامه يلتقي صبحه
‏وشمسه ما تبقّي من ظلام البارحه طاري .

والحبيب اللي كلام عيونه أكثر من كلامه
‏ودي أمسك كل لحظه في وصاله وأتجوّد

‏قال وشلونك ؟ وقلت بخير يامال السلامه
‏قال أكيد ؟ وقلت أكيد إني من الصعب أتعود

‏في غيابك جالس أدور على نص أبتسامه
‏قال خايف ؟ قلت أخاف إنك تروح وما تعود

"‏لو إنك دمع في عيني يجوز أرتاح يوم أبكيك
‏لكنك جرح في قلبي .. بكت من سبّته عيني"

وتراني أقدر أجابه معظم الغلطات من شان الرفيق
أهمّ حاجه لا يكذّبني .. ولا يكذب عليّ

‏فكرك على الدنيا مهو مثل فكري
‏يا والله إنْ قلبك من الود محجوب

‏لا تحْسب إنه ضعْف ويحطّ قدري
‏يومي غديت وصرت بالحب مسلوب

‏بتقول ما تدري عن الحب؟ أدري
‏قلبٍ ليا والَف؛ ولَف كل عذروب

‏والنجمة اللي شعّت بوسْط صدري
‏أخاف لا تطفي ويرتاع محبوب.