( تخيلوا 4 وجهـ.ات من مـ.طار حلب تحت 200$ ضل أرخـ.ص من هيك بهل الغلاء ؟!)

اليوم فقت الصبح بكير عم أعمل حوصة صغيرة لحتى بحبش ودور على شوية أسعار تكون بنور الله حاكم الحجة أم سامي متابعتنا من حلب قربت ولادة بنتها وعم تدور على كرت طيارة يكون سعره بنور الله والحمدلله رب العالمين جبر بخاطرنا وخاطر الناس يلي متابعتنا ونحنا عم ندور نكشنا 10 اسعار لشهر 10 من بيناتهم 4 وجهات تحت 200$ يعني ماضل أرخص من هيك بهل الغلاء !

✅ حلب ـ اسطنبول 179$
✅ حلب ـ الكويت 176$
✅ حلب ـ دبي 155$
✅ حلب ـ جده 155$
✅ حلب ـ امستردام 367$

🌹 حلب ـ هامبورغ 475$
🌹حلب ـ البحرين 331$
🌹 حلب الدمام 282$
🌹حلب ـ باريس 556$
🌹 حلب ـ دالاس 959$

هلأ فيك تثبت حجز من جميع أنحاء العالم وتدفع من عندك عبر التواصل على الواتساب 00962788200771

وكمان فيك تثبت حجز عن طريق فروعنا بسورية على الارقام:

0956777350/0956777351

( صباح الخير الناس عم تلومنا ليش ما عم نحكي على رحلة السورية من كوبنهاغن والناس يلي علقانة بالمطار)

✅ عنا علم بالموضوع واكتر من مسافر من يلي علقانين بالمطار تواصل معنا بهدف نوصل صوته

✅ طبعاً نحنا مانشرنا عن القصة مو تجاهل للموضوع أو مجاملة للهيئة العامة للطيران المدني أو إدارة طيران السورية

✅ كونه الرحلة الأولى لطيران السورية بعد انقطاع 15 عام طبيعي يصير اخطاء ومشاكل لانه مطارات أوروبا الها معايير معينة خاصة بالتشغيل

✅ بدنا نطول بالنا ومانتسرع بالحكم والإساءة وبنفس الوقت لازم ننتظر التوضيح الرسمي من المصدر المسؤول عن الطيران المدني

✅ نحنا مو دفاعاً عن إدارة السورية للطيران ولكن في شيء صاير بحاجة لتوضيح لأنه المسافرين ختمت وطلعت ع الطيارة وبعدين نزلوهم ورجعوهم ع المطار

✅ يعني كل شيء إجراءات كانت تمام بدليل المسافرين طلعوا ع الطيارة وبعدين فجأة وقف كل شيء ورجعوا نزلوا المسافرين

✅ طبعاً في حق على السورية التزام الصمت من امبارح دون توضيح ولكن مابدنا نجلدهم وننتقدهم كل مايعملوا خطوة إيجابية من لايعمل لايخطئ

✅ والله مقدرين تعب الناس يلي ناطرة بالمطار من امبارح ومعهم حق شو ماحكو وهاد حقهم انو يطلع مصدر مسؤول يوضحلهم شو رح يصير

ان شاء الله بالكتير كم ساعة بتنحل الامور

( توضيح حول بعض التعديلات والمستجدات على شروط الدخول من مندوب ترحال بيروت)

✅ رح نشرح موضوع الدخول بالنسبة للنقابات وياريت الكل يركز معي لأنه يلي انتشر ( غير دقيق)

✅ لحد الآن النقابات المقبولة عددها 5 اختصاصات فقط :

✔️ الأطباء
✔️ المهندسين
✔️ المحامين
✔️ الصيادلة
✔️ اطباء الاسنان

✅ لحد الآن بالحدود عم يطلبوا ( الوثيقة النقابية) وما التغت رغم انو بالتعميم الجديد لازم ما تنطلب بس بتعرفوا انو آلية التنفيذ فيها مزاجية دائماً

⭕ يلي التغى هو رسم 60$ تبع البرقية يعني صار حامل النقابة فقط ليدفع 12$

✅ غير هيك ماتغير شيء يعني صار الواحد مابيدفع 60$ إذا معه بطاقة نقابية

🌹 طبعاً كل الاحترام والتقدير لدولة الرئيس نواف سلام هاد الانسان الطيب والمحترم يلي عم يسعى بكل جهده لحتى يرجع يدخل السوريين على لبنان بدون أية شروط وله الفضل في إلغاء رسم البرقية ولكن الفريق المقابل له عم يعرقل كل جهوده ولكن الرجل ماضي وبإذن الله تعالى قريباً رح يكون في اخبار حلوة للسوريين

( مبروك الإعفاء من 60$ ) لجماعة النقابات

«وقل اعملوا فسيرى الله عملكم ورسوله والمؤمنون»

( صدق الله العظيم)

آية قرآنية دونها فخامة الرئيس احمد الشرع في سجل زوار الأمين العام للأمم المتحدة

صباح الخير

ربي يمسيكم بأنوار النبي وأخيراً وصلنا على بيروت

أما شو مشوار اليوم كله تعب وبهدلة وتعتير الله يصطفل فيهن قال عملوا تسهيلات قال ضحكوا على العالم شكيتهم لواحد احد

4 ساعات بالحدود انتظار لختمنا ومشينا عجقة عجقة عجقة فوق مابتتصوروا يعني تقولوا مكايدة القصة عملوا فوتة السيارات السورية من 8 الصبحيات إلى 4 العصريات!

والشوفير كان يعطوه ٧٢ ساعة صاروا بس ٢٤ ساعة وبيجي واحد رأسه مربع بيقلك تسهيلات حسبي الله ونعم الوكيل احسن شي

تحياتي للجميع ( القصة مجاكرة موضوع الحدود)

الله يمسيكم بأنوار النبي هلأ لحتى تركنت بعد مانشف دمي بسفرة اليوم بعد ما تبهدلنا بزحمة الحدود ولكن بدي احكي كلمتين ورزقي ورزق كل زملائي السائقين على رب العالمين

✅ نحنا يلي عم نشتغل على الخط والناس المسافرين مالنا علاقة بحركات المجاكرة والمكايدة

📌 باختصار اليوم بلبنان في 3 تيارات بتنظر لسورية بشكل مختلف

🌹 الفريق الأول بده يشيل كل القيود على السوريين ومستعد يمد ايده لسورية ويشتغلوا سوا منشان كمان يستفيدوا وسوريا توافق على التصدير من الموانئ اللبنانية

⚪ الفريق التاني غيران ومقهور وميت من غيظه شلون كل العالم انفتح على سوريا لأنه بيشوف حاله أعلى بمرتبه من السوري لذلك بيحاول يناور بشكل استفزازي ليثبت وجوده يعني كل ماطلع قرار لمصلحة السوريين بيحاول يناور ويلتف عليه بفرض عراقيل جديدة متل قرار ( منع السيارات) بعد العصر يعني بده يحارب الناس برزقها

🟢 الفريق التالت بده بس السوريين يتركوا لبنان ويرجعوا على بلدهم وماعنده مشكلة ترجع العلاقات مع سوريا وتلتغى شروط الدخول من الجهتين

🔴 الفكرة انو امبارح كان في ملتقى اقتصادي سوري لبناني للتقارب بين البلدين وفتح علاقات جديدة وكان حضران وزراء من سورية بتصور يلي صار اليوم على الحدود رد واضح على مؤتمر امبارح انو في طرف ماله رضيان مابتنفهم غير هيك بصراحة

⚫ يعني انت شو بدك فيني إذا سافرت بعد 4 العصر إذا بدي وصل مسافر طيارته بالليل ؟!

🔵 فتحوا الحدود 24 ساعة للكل وتركوا الناس تسافر والسائقين تشتغل وتسعى وراء شغلها وحلوا أموركم بين بعضكم

🟢 يعني بدكم سوريا تسمحلكم بالترانزيت وتبيعكم كهرباء وتعطيكم امتيازات خاصة وانتو عم تعاملوا السوريين بهي الطريقة على الحدود بتصور هاد الشيء مرفوض

دربكم أخضر توصلوا بخير وسلامه بأمان الله ورعايته

ابومحمد وأبو عائشة بطريق الرجعة على الشام تيسير رب العالمين

وزير الخارجية أسعد الشيباني ينشر صورته مع الرئيس أحمد الشرع بعد حضورهما اجتماعات الجمعية العامة للأمم المتحدة بدورتها الـ81، معلقا:

كانت رحلة متعبة، لكنها تهون في خدمة أهلنا وشعبنا ولأجل سوريا التي نطمح إليها