( ياصباح الخير منشان المواد الغذائية بمطار دمشق ياجماعة نحنا مالنا الشيف رمزي لحتى نحلل نوعية الأكل والشرب!)

📌 أول شيء يسعد صباحكم بكل خير في مشكلة بسيطة حابين نحكي عنها بنعاني منها كل ماننشر عن المسموح والممنوع فيما يخص المواد الغذائية للسفر عند المغادرة من مطار دمشق

📌 المطبخ السوري غني بتنوعه بالأكلات المختلفة والمشكلة التسمية لنفس الأكلة بين مدينة والتانية ممكن تختلف بقى الله يوفقكم خفوا علينا بالاسئلة نحنا نوهنا بشكل عام ولكن موضوع الاختصاص والله بدنا نعتذر منكم حقكم علينا

📌 يعني نحنا بنفهم بزيت الزيتون السمنة دبس الرمان عصير الحصرم مطربانات المربيات أو قطرميزات ( المعقود ) هدول الممنوعين وتوابعها

📌 أما أسماء الأكلات الغريبة يلي بتتصلوا لتسألونا عنها بخدمة ترحال مطار دمشق اذا مسموحة ولا ممنوعة مافينا نحكم عليها لانه مابنعرف مكوناتها وفي شغلات أول مرة بنسمع فيها بقى بدكم تعذرونا

📌 طبعاً كامل الاحترام والتقدير لكل مدينة سورية ومطبخها بالنهاية منشان مايتحور كلامنا غلط بالعكس هي تنوع ثقافات بيفتخر فيها كل انسان سوري

يعني امبارح اتصلت علينا مهندس مغترب بأفريقيا قلي انا بحط وقت اجازتي كل سنة بهاد الوقت منشان يصدف مع وقت مونة المكدوس الرجل ماعم يستوعب انو ممنوع المزيت خبرناه انو ياخده معه مجمد وبس يوصل هنيك بيضيف عليه زيت زيتون أول ينقل حجزه من مطار دمشق إلى مطار بيروت أو عمان منشان يحسن ياخد معه مكدوس مزيت

بقى شفتوا لوين وصلت معنا القصة انتقلنا من عملنا وراء الدركسيون إلى مجال الشيف رمزي لحتى نعطي حلول بديلة بطريقة تحضير المونة لتصير مطابقة للمعايير الخاصة بمطار دمشق ومطار حلب حتى تنقبل

حديث قبل النوم ( ذكرياتنا رغم وجعها بتضلها حلوة)

اليوم الصبحيات وصلت مدام مع اطفالها على مطار بيروت حملنا الشناتي بباكاج السيارة وحزمناهم وحشاكيل الأطفال مع التابات طلعناهم معنا بالسيارة لفت انتباهي مصنف اوراق سميك جايبته معها المدام مشينا بهل السيارة ولادها الله يسلمهن التهو بالتابات وانا ركبت اول وتوكلت على الله وصلت على جسر الزبداني والمدام ساكتة طول الطريق مافي الا تفتح هل المصنف وتتصفح يلي بقلبه أنا سمعان صوت خشخشة الأوراق بس ملتهي بالسواقة قبل مانوصل على السورية اتصلت اختها فيها وبلشت تدردش معها مالقيتها غير صارت تبكي المدام قلتلها صلي على النبي يا مدام الخير صاير شي والله انشغل بالي والله كنا رايقين اول ما طلعنا ماحكت شي نزلنا ختمنا بالسورية واللبنانية وكملنا درب طريقنا وصلت على الاستراحة نزلت جيب ضيافة للأطفيل ماشاء الله أوادم ومربايين وبيسمعوا الكلمة والمدام عابسة وصافنة كملنا طريقنا فكرت المشكلة مني أو مقصر بحقها قلتلها مدام عفواً في شي زاعجك مني بتصرفاتي أنا قصرت معك أو ارتكبت غلط منشان اعتذر منك أنا مابحب حدا يطلع معي ويكون زعلان مني الله يكرمك سامحيني على اي تقصير هوون ابتسمت المدام قال لا والله ما قصرت بس نزلت زيارة اسبوعين على الشام أنا وولادي وامبارح اخي اخدني على بيت أهلي يلي تهجرنا منه قبل 14 سنة منشان شوفه كيف صار دخلت عليه موصفيان فيه لاحيطان ولا سقوف كله مكسر بس دخلت على غرفتي ولقيت غراضي تحت الردم جلاءات المدرسة والمرحى والقصص يلي شاريتها كلها لما كنت بالمدرسة لاممتهم كلهم وحاطتهم بظرف مجلد قال اخدتهم معها منشان تراجعهم وهي بالطيارة قام فتحتهن بقلب السيارة المسكينة محروق قلبها على ذكرياتها وبيتها تبع الاهل يلي راح قلتلها لك بنتي الدايم الله هلأ صرتي أم وعندك اولاد الله يسلملك ياهن يلي فات مات صحيح الأسى مابينتسى بس الحياة بدها تمشي والحمد لله تحررنا انت معك حق تزعلي بس مابيصير ولادك يشوفوكي حزينة الله يرضى عليكي ضبي هل المصنف ولاتفتحيه هلأ انت على طريق سفر مو وقتها الله يكرمك انتبهي على ولادك وهلأ ابو العيال بيكون ناطركم بالمطار لحتى يستقبلكم ومشتقلكم لازم توصلوا لعنده مبسوطين عم تضحكوا وفرحانين ضحكت قال والله معك حق بس الواحد بيتأثر وبيزعل على ذكرياته ضحكت قلتلها يابنتي الحياة رحلة شايفة كرسي السيارة يلي قاعدة عليه كل يوم مع طلعة ضوء بيجلس نفس مكانك مسافر جديد عنده قصة وحكاية بتشبه حكايتك بالنهاية يلي مرق عليكي مرق على خيرك وفي غيرك مرق عليه قصة أقسى من حكايتك بقى حمدي الله على قدره ونصيبه والله يحميلك هل الشمعات ويسلمك لبيتك وزوجك ودعناهم والحمد لله وصلوا بخير وسلامه

قديش ذكرياتنا نحنا السوريين قاسية يلي مرق علينا 15 سنة شيء مابيتحمله العقل الله يحسن ختامنا يارب

( في سوريا مسؤول يعتذر من الناس بفيديو مصور بعد أن أخطأ في حقه !)

"أنا بعتذر مرة ثانية، ومن شيم الرجال الاعتذار"

مدير الشركة السورية للبترول يوسف قبلاوي يقدّم اعتذاره عن استخدام كلمة "قطيع" خلال مؤتمر صحفي أمس

موضحاً أنها صدرت منه دون قصد ولا تعبّر عن موقفه تجاه السوريين

وقال: "أهلي وناسي، والكبير والصغير ببلدنا الحبيب، للأسف بشكل غير مقصود طلعت مني كلمة، ما بقصدها نهائياً وما بتعبّر عني، وأنا بعتذر منكم جميعاً عن الشي اللي بدر مني"

وأوضح قبلاوي أن ضغط العمل والتحديات التي يواجهها الفريق كانت من بين الظروف المحيطة به، مضيفاً: "نحنا عايشين تحت ضغوطات شديدة وتحديات كبيرة ومنهمكين جدًا بالعمل"

كما أكد مسامحته لكل من أساء إليه، وقال: "أنا مسامح أي حدا غلط بحقي، ومسامح إله بشكل شخصي مين ما كان يكون"

وعن سبب استخدام المصطلح، أوضح: "أنا بترجم الكلمة باللغة الإنكليزية للعربية مشان أحكيها، وأحياناً بخربط بالمصطلحات نوعاً ما"

مضيفاً: "أنا منكم وفيكم وابن البلد، بس عايش كنت كل حياتي خارج البلد، لهيك ممكن تخوني بعض الكلمات".

( ماعاد فيك تجلس على كرسي الحديقة وتفصفص بزر المخالفة 500 ألف ليرة سورية)

100 إلى 500 ألف ليرة سورية، غرامة تنتظر من يرمي قشور البذور والفستق في الشوارع والأماكن العامة بمدينة حلب

وجاء ذلك بالتزامن مع جولة مفاجئة نفذها مجلس مدينة حلب في عدد من المواقع العامة، لمتابعة الالتزام بقواعد النظافة.

دوريات عم تفتل على الحدائق مباشرةً مخالفة

( من نـ.ص مطـ.ار دبي صـ.ار فيك تشـ.تري على بـ.طاقة البـ.نك السـ.ورية)

حاكـ.م مصـ.رف سورية المركزي عبر حسـ.ابه الشـ.خصي قبل قليل:

أجريت الآن أول عمـ.لية شـ.راء خـ.ارج سورية ببـ.طاقة M.a.ster.ca.rd صادرة عن بـ.نك سـ.وري في مطار دبي الدولي.

قد تبدو للكثيرين عمـ.لية دفع عادية لكنها بالنسبة للسوريين تعني الكثير: بطـ.اقة سورية تعـ.مل اليوم في العـ.الم.

كل الشكر والتقدير لفـ.ريق مصـ.رف سورية المركزي - Cent.ral Ba.nk. of. Sy.ria وفرق المصـ.ارف السـ.ورية وشركائنا الذين عملوا بصمت وإصرار للوصول إلى هذه اللحظة.

خطوة جديدة في طريق عودة سورية إلى العالم المالي.

والقادم أجمل بإذن الله.

حديث قبل النوم ( السمنة والزيت والعسل بمطار دمشق ممنوعين ولامسموحين ؟!)

يامساء الخيرات لما كتبنا عن المسموح والممنوع بالنسبة لمطار دمشق بالنسبة لزيت الزيتون والسمنة ودبس الرمان وعصير الحصرم والمربيات ودبس الفليفلة والبندورة اجانا كتير إنتقادات!

📌 في شغلات نحنا كتبنا عليها ممنوع في مسافرين تانيات طالعوها معهن ومرقت وقالوا انو كلامنا غير صحيح

📌 كمان في مسافرين تانيات قالوا انو حتى قنينة المي ممنوعة وماخلوهن يدخلوها

🔳 كرمال هيك كل واحد يكتبلنا تجربته من مطار دمشق أو مطار حلب

🔷 لما سافرت طالعت معك مونة وسمحولك تمرقها ؟!

🔶 كان معك اغراض مونة سائلة ومارضيوا يمرقولك ياها ؟!

لوسمحتوا الكل يكتب تجربته لحتى غيره يستفيد

( منشان هيك غلي البنزين والمازوت!)

"والدولة ليش رفعت أسعار المحروقات؟ لأن ببساطة ما في مصاري"

الإعلامي موسى العمر يتحدث خلال لقاءٍ تلفزيوني عن الأسباب المالية المرتبطة بقرار رفع أسعار المحروقات والكهرباء

موضحاً أن الأزمة ترتبط أيضاً بحجم الديون وضعف تحصيل الفواتير

وأشار العمر إلى أن الشركة السورية للبترول لها مستحقات على شركة الكهرباء، التي تتبع لوزارة الطاقة، بقيمة تصل إلى مليار و700 مليون دولار

وقال: "ولو كان هاد المبلغ في الوزارة، لما احتاجت أن ترفع الأسعار"

وتابع موضحاً واقع التحصيل: "بالتزامن مع 25% فقط نسبة التحصيل لفواتير الكهرباء، و25% سرقات"

كما انتقد آلية رفع أسعار الكهرباء، معتبراً أنها لم تكن مدروسة بالشكل الكافي، وقال: "والدولة رفعت أسعار الكهرباء بطريقة غير مدروسة، وكان بإمكانهم اتخاذ القرار بعد تركيب عدادات مسبقة الدفع".

( نزلت اسعار شهر 10 وصار فيك تسافر بأقل من 150$ !! )

رغم غلاء المحروقات عالمياً والارتفاع الفلكي بأسعار الحجوزات يلي تجاوزت 60% الحمد لله توفقنا بعد عملية بحث طويلة لحتى حصلنا أسعار حرفياً ( أرخص من البلاااااش ) على 6 وجهات !

✅ دمشق - الكويت 106$
✅ دمشق - جده 132$
✅ دمشق - الدمام 162$
✅ دمشق - الرياض 132$
✅ دمشق - دبي 159$
✅ دمشق - أبوظبي 144$

فيك تثبت حجزك من أي مكان بالعالم عبر الواتساب:

00962788200771

وفيك تحجز عن طريقنا فروعنا بالعاصمة دمشق في دوار المحافظة:

0956777350/0956777351