حديث قبل النوم ( شو سبب انـ.خفاض أسعار موافـ.قات الدخول الى مـ.صر ؟!)

تقريباً إذا بتتذكروا قبل حوالي شهرين حكينا عن انخفاض قريب رح يكون لمـ.وافقات دخـ.ول مصر بوقتها كانت الأرقام فوق الألف عم تنطلب واليوم صارت تحت 400 وكمان فترة بسيطة تانية رح تنزل لأرقام رح تكون مفاجأة للجميع لحد ماتزول بشكل شبه نهائي وتصير برسوم رمزية

طبعاً في أنواع لموافقات مصر وبتصدر من كذا جهة وكل وحدة بسعر ولكن على مايبدوا هي الاجراءات إلى زوال قريباً

موضوع عودة الطيران بتصور قطع شوط كبير وفي تقارب بأشواط كبيرة والتأخير سببه فني هندسي متعلق بترتيبات الطيران المدني

رجعت الناس تطلع على مصر سياحة وزيارة وقريباً بس يفتح الطيران رح تبلش كروبات السياحة تتفعل بأسعار شبه رمزية

الحمد لله الأمور لقدام افضل باذن الله تعالى والله يقدم يلي فيه الخير

الله يمسيكم بأنوار النبي حبيبات قلبي نهاركم مبارك بالصلاة على النبي

هلأ تنية وصلنا بيروت بخير وسلامه علقانين بالزحمة وعجقة نواحي شارع الحمرا صرلي طالع من الساعة ٨ من الشام ياجماعة عينكم وماتشوفوا الزحمة على الحدود بس مو هون النهفة العجقة عكسية يعني اللبنانية نازلين على الشام بالطيف ماصدقوا على الله سورية تعمل شوية تخفيف بالشروط الا وكفتوا بس وين النكتة بالموضوع في كتير نازلين على البطاقة النقابية بس مو جايبين وثيقة نقابية معهن اجتمعت بصيدلاني لبناني قلي رحت على النقابة لطالع وثيقة خبروني انو شو هي الوثيقة نحنا ماعنا هيك إجراء ضحكت وخبرته قلتلته شايف هاد الإجراء يلي بتعرفه النقابات عندكم تخيل انو فارضينه على السوريين لما بدهن يدخلوا لبنان صار يضحك قلي بدك الصراحة نحنا ياعمي شو ذنبنا بهيك حركات نازل على الشام عندي موعد مع ٣ شركات أدوية معقول ينضرب نهاري لانه مامعي وثيقة ؟!

قلتله متل ماعم يصير مع زميلك السوري بالظبط لما عم ينزل على بيروت خليها لربك انت نهار واحد ماتحملت هل التعجيز شو بدنا نحكي نحنا صرلنا ١٥ سنة مرمطين بهي القصص على الحدود سحب سيكارة من الباكيت وضحك قلي والله معك حق الله يفرجها علينا وعليكم والله معك حق جماعتنا زودوها حبتين قلي والله نص شغلي بالشام ماصدقت ايمت تفتح

الله يفرجها على الجميع شهيد الله في ناس محترمة واكابر مالها علاقة ولاذنب وبتنحط على الجرح بيطيب بس المعاملة بالمثل خط أحمر وانا بتشكر الحكومة السورية هلأ الواحد صار بيشعر انو في حدا شاعر بهمومه ومعاناته

( هي وحدة من الشركات الأجنبية 3 يلي حكينا عنهم الشهر الماضي)

😉 طبعاً نحنا بنعتبر هيك بايت وتقريباً معروف من الشهر الماضي وإذا بدكم اكتر هي الشركة تحديداً طمعانه تفتح كل يوم رحلة ثابتة من مطار اللاذقية بس يفتح

✅ رسمياً شركة "إيجين" اليونانية نزلت وجهة دمشق لوجهاتها برحلات مباشرة من أثينا اعتبارا من تاني يوم لشهر 11

❣️ رح يمشوا 4 رحلات كل اسبوع على مطار الشام التنين والأربعاء والخميس والسبت

🔵 طبعاً الشركة أولوياتها انو ناطرة يفتح مطار اللاذقية اكتر من تشغيل رحلاتها على الشام بتعرفوا كيف جماعة اليونان بيفكروا اللاذقية وطرطوس الها خاصية تجارية واستثمارية بالنسبة الهم وبيعتبروها امتداد تاريخي

على كل حال الله يوفقهم بنتمنالهم التوفيق والنجاح بس اسعارهم شوي رح تكون غالية

والنعم من أهل الكويت حياكم الله

"سوريا يا ربي دايماً بلد أمن وأمان وعمار"

إعلامية كويتية تعبّر عن محبتها لسوريا، وتوجّه رسالة إلى السوريين في الداخل والاغتراب، داعيةً إلى الاستثمار في بلدهم والمساهمة في إعمارها

وقالت في مقطع مصوّر نشرته عبر حسابها الرسمي: "الله عالشام واللاذقية والزبداني وبلودان ودرعا"

مضيفةً: "أهل سوريا دائماً يا رب تضلوا بخير، وين ما كنتوا بسوريا أو خارج سوريا"

وتابعت: "ما شاء الله خير السوري موجود بكل مكان، معمرين كل مكان، وإن شاء الله ترجعوا وتعمروا بلدكم"

وأضافت: "الناس اللي طلعوا لخارج سوريا وتاجروا، اليوم سوريا أولى إن تستثمر فيها وترجع بلادك وتعمرها".

الله يمسيكم بأنوار النبي الخميس 10/08 من سويسرا الشرق بونجوووور يا حلوين

زحمة زحمة زحمة كتير اليوم بالحدود ساعتين ونص لحتى ختمنا ومشينا ويلي مناوب كتير مزاجي رجعله حوالي 20 بطاقة نقابية على هاد لوين رايح وهاد وثيقتك تبع النقابة قديمة جنونا جنان لبين مادخلونا ماصدقت على الله يلي طالعين معي ختمولهن دخول وركبت اول وضليت داحل معي عيلة موعدها بالالمانية الساعة 1 الضهريات وصلت أنا والموعد سوا على التكة كنت هكلان هم يروح علينا الموعد الحمد لله لحقناه لحوق بفضل الله ومنشان تكمل معي اليوم عجقة سير كتير ببيروت بس رب العالمين يسرها

تحياتي للجميع وبعتذر على الإطالة

والنعم من أهلنا بدير الزور ( الله حيهم )

"والله وبالله وتالله إن مثل هذه الكلمات ما تزيدني إلا فرحاً وسعادةً وشموخاً"

الإعلامي والمؤثر الكويتي حمدان الجعيلان يرد على حملة يتعرض لها من بعض الأشخاص، مؤكداً أن وصفه بأنه سوري ومن دير الزور لا يمكن أن يكون مصدر إساءة بالنسبة له

وقال عبر مقطع مصوّر نشره عبر حسابه الرسمي: "إخواننا السوريين، أخوكم حمدان يتعرض لحملة من البعض، وعلى أي مقطع أنزله يقولوا لي: أنت سوري وأنت من دير الزور"

وتابع: "وهم على بالهم إن مثل هذه الكلمات قاعدين يدايقوني ويجرحوني، والله وبالله وتالله إن مثل هذه الكلمات ما تزيدني إلا فرحاً وسعادةً وشموخاً"

مضيفاً: "لأن ما في إنسان على مثل هذه الأرض البسيطة إلا أن يتشرف بأن يكون أحد أبناء هذا الشعب المبارك، الشعب السوري"

مؤكداً: "شعب يسطر أروع الأمثلة في الثبات والكرامة والشجاعة التي لا يتحلى بها الكثير من الناس"

وأوضح الجعيلان أن ما يراه البعض محاولة للإساءة إليه، ينظر إليه هو باعتباره مدعاة للفخر، مشيداً بالشعب السوري وما يراه فيه من ثبات وكرامة وشجاعة.