( ايمت رح يفتح معبر الدبوسية ياترحال بيروت ؟!)

😉 متل معبر العريضة تماماً متى ما قرأت عبر المواقع عبر ( قريباً) أو ( تمهيداً ) لعودته إلى الخدمة معناها لحد الآن ناطرين جيراننا بالطرف التاني ليتفذوا المطلوب منهم

🤣 يعني هلأ إذا شي صفحة كتبتلك لتعرف موعد افتتاح معبر العريضة أو الدبوسية ( علق بنقطة) مباشرةً عمل عليها إلغاء اعجاب لانه نفس هي الصفحة وعدتك بتاريخ 08/01 وبعدين رجعت وعدتك 09/01 وبعدين ....وبعدين

😎 خلينا نحكي بصراحة وانتو بتعرفونا نحنا بنحب نشرح ونحكي الأمور بتفاصيلها ماحدا بيعرف ايمت تاريخ افتتاح المعابر غير أصحاب القرار والقيادة من بكرا بيحسنوا يفتحوها لانه تقريباً من شهر كل شي جاهز بس بتصور الموضوع الو حسابات تانية

🌹 طبعاً السيد معاون رئيس الهيئة العامة للمنافذ والجمارك عمل زيارة لحتى يشيك على جاهزية منفذ الدبوسية الحدودي وقالوا بالخبر ( تمهيداً لافتتاحه )

❣️ بكل أمانة الهيئة العامة للمنافذ والجمارك عملت نفضة كاملة لمعابر العريضة والدبوسية بحيث الخدمات يلي تتقدم للمسافرين تضاهي خدمات المطارات والجماعة 99.99% جاهزين لافتتاح المعابر من حوالي اكتر من شهرين

❤️ بس الكل ناطر القرار من أصحاب القرار ممكن بكرا وممكن بعد اسبوع وممكن بعد فترة أطول والكل بيعرف في طلبات لازم يتم تنفيذها من عند الجيران لحتى ترجع الامور متل قبل

( جاء في المرتبة 22 عربياً)

جواز السفر السوري في المرتبة الأخيرة عربياً من حيث حرية التنقّل

بحسب منصة "Passport Reports"، حلّ جواز السفر السوري في المركز الـ22 عربياً

وذلك فقاً لمستوى تسهيلات السفر الدولي التي يتيحها لحامليه.

( قديش مرتبة جواز السفر التاني يلي حامله عالمياً ؟!)

أحد المسافرين من مطار دمشق قرر يجرب خدمات صالة رجال الأعمال ويخبرنا عن تقييمه للتجربة

( انتو شو رأيكم ؟!)

رجع لحتى يلف الكرة الأرضية ( في لبنان إخلاء سبيل د فود )

إخلاء سبيل صانع المحتوى #دكتور_فوود، وذلك بعد استفادته من قانون العفو العام الجديد في لبنان.

يُذكر أن #دكتور_فوود كان موقوفاً على ذمة قضية الممنو..عات، بعد أن صدر بحقه سابقاً حكم غيابي بالأشغال الشاقة المؤ.بدة، بينما أُغلق ملفه الآخر المتعلق بشكوى زوجته السابقة #شروق بعد دفع كفالة مالية في وقت سابق.

حديث قبل النوم ( رجعت العالم تسافر للاسف )

اليوم وصلت شخص على مطار بيروت صرله راجع من الغربة سنة على البلد المسكين اخد محل استثمار وفتح مشروع على قده ولكن للأسف ما زبطت معه الأمور ولقى حاله خسران صفى اموره وضب أغراضه ورجع سافر اليوم هلأ طبعاً هي الحالة مالها مقياس بس المفروض نحكي السلبيات والايجابيات

⚫ اول شغلة ذكرلي ياها الآجارات غالية ومبالغ فيها كتير كتير

⚫ مافي قوة شرائية وسيولة بين ايدين الناس لهيك الايراد مابيغطي النفقات

⚫ الأهم من كل هاد مافي مرونة بالمعاملات الإدارية بعده الروتين مسيطر على تسيير المعاملات

طبعاً منشان مصداقية النشر في ناس رجعت على البلد فتحت شغل وبلشت ترودج أمورها ولكن السؤال يلي بيطرح نفسه

🟢 ليش في ناس زبطت معها وناس ما زبطت معها ؟!

🟢 برأيك وين السلبيات ووين الإيجابيات ؟!

🟢 انت كمغترب عم تفكر ترجع بهيك وقت ولا مأجل الفكرة ؟!

كان كلامك بلسم للناس الله يرحمه في مرة سألوا الشيخ فتحي صافي انو ليش بتمزح كتير في مشايخ بتنتقدك على هل الاسلوب ؟!

ضحك وجاوبهم مين خبركم انو الشيخ لازم يكون عابس ومعصب...... وليش لحتى ما أضحك وابتسم بوجه الناس...... ؟!

أرفع الناس قدرا من لا يرى قدره
و أكثر الناس تواضعا من لا يرى فضله
و أحب الناس إلى الله أنفعهم لخلقه
قال ﷺ :
(رأيت أقواما من أمتي على منابر من نور ، يمرون على الصراط كالبرق الخاطف ، نورهم تشخص منه الأبصار
لا هم بالأنبياء و لا الصديقين و لا الشهداء إنهم أقوام تقضى على أيديهم حوائج الناس)

الله يجعلني أنا وياكم منهم لحتى نبقى نضحك ونبتسم في سبيل قضاء حوائج الناس لوجه الله تعالى

العبرة بالأفعال والنتائج في أحلى من الضحكة والإبتسامة بوجه أخوك لما بتكون لوجه الله تعالى ؟!

أي نعم

صباح الخير

جمعة مباركة ياحلوين الله يسعدلي اوقاتكم بكل خير

تقبل الله طاعتكم جميعاً سامحوني تأخرت عليكم اليوم وصلت على بيروت أنا وصلاة الجمعة سوا فاضطريت روح على الجامع فوراً أنا والأخ يلي طالع معي هو وعياله صلينا بمعيته وبعدين طلعنا من الجامع وصلناه على الأوتيل بالرملة البيضا

اليوم الجماعة يلي طالعين معي دخلوا على البطاقة النقابية نطرنا شي نص ساعة بالحدود وبعدين مشونا دخل هو ومدامته وبناته أعمارهم تحت ١٨ جايين على بيروت ابنهم الله يسلمه نازل لبيروت من أوروبا بدهم يجتمعوا فيه وعطوهم اسبوعين

الحمد لله سفرتنا اليوم كانت ميسرة طلعنا من الشام ٩ وربع من فضل رب العالمين دربنا أخضر بفضل الله حتى بالحدود في شوية عجقة بس ماطولنا عم تمشي الامور

بقى هاد يلي صار معنا وهلأ عامل استراحة محارب بالرملة بدي اشربلي فنجان قهوة ماصحلي وقف على الطريق طلعنا سحبة وحدة وبعدين عندي استقبال مطار على ٤ العصريات دعولي بالتيسير تحياتي للجميع و100 وردة للجميع

حالة الحدود اللبنانية اليوم الجمعة 10/16

مساء الخير رجعة قريبة لحتى نحكيلكم عن حالة الحدود السورية اللبنانية اليوم

✅ اليوم متل ماخبرتكم في عجقة بالحدود من الجهتين يعني في سوريين منيح نازلين على بيروت وفي كمان لبنانية طالعين على الشام

✅ شي بطاقات نقابية وشي سجلات تجارية وفي مواعيد مقابلات سفارة وفي كمان ركاب مطار

✅ اجتمعت تقريباً بحوالي 6 مسافرين لبنانية قاطعين من مطار دمشق رايحين على السعودية محصلين تكت ارخص من مطار الشام

✅ كمان في كروب مهندسين وأطباء لبنانية نازلين على الشام مرقوهن على البطاقة النقابية أمورهم ماشية

✅ مواعيد مقابلات السفارة واصلة اسماء الألمانية والتركية فقط والبقية كانوا ناطرين البرقيات

✅ كمان لفت انتباهي في لبنانية عاملين مواعيد علاج طبي وعمليات كمان طالعين على الشام والدخول على سمة العلاج

✅ الطريق جيد كان ميسر الحمد لله والأمور ماشية حتى الضابط يلي مناوب بالحدود اللبنانية كتير أكابر ومحترم للأمانة عم يهون أمور العالم والناس

يعني حبيت أعطيكم لمحة عامة عن حركة السفر لبيروت اليوم من الشام تحياتي للجميع ويسعدلي اوقاتكم بكل خير

خدمة ترحال بيروت 00963999213539