لن يُخيّب الله هذا الصدق الكامن فيك، أنت الذي تنشد النقاء في كل أمر، وتنجذب طواعية للبياض والطُهر، وتسوءك الدروب الملتوية، أنت الذي ما فتأت تتعاهد روحك خشية التلوّث بأدناس الحياة، وتحرص على العناية بدوافعك قبل أفعالك، إذ تؤمن أن النوايا الطيّبة تصنع أجمل الأقدار.

شروق القويعي

(٢)
‏في كل رحلاتي كانت تغمرني رغبة التجربة بالسكن في هوستل ، لكن دائمًا ما أحصل خيارات مناسبة ،
‏لكن هالمرة كنت محظوظة اني حصلت خيار غرفة فيها ٤ اسرة للبنات ، ونادر احصل هالخيار من ناحية عدد الاسرة والاغلب تكون مكس رجال وبنات في نفس الغرفة ، في خيالاتي ان في التجربة راح أتعرف على بنات من جنسيات مختلفة وفعلًا صادف معي مسافرة من كندا واخرى من الارجنتين والسرير الثالث شاغر ،

‏كانت تجربة ولا اظن اكررها لسبب راح اذكره بعدين ، الكندية علاقتي معها رائعة حتى اليوم وبيننا تواصل مستمر ، خصوصًا وان بيننا قواسم مشتركة ،، وشجعتني نطلع مع بعض غلاسكو يوم رايح جاي ، وكانت خير الرفيقة ، لكن سبب عدولي عن موضوع السكن في الهوستل ، اخر يوم لي حزمت حقائب السفر وقفلت عليها في اللوكر ، وحطيت الباك باق فوق اللوكر بحكم ان مافيها شي غالي ، لما صحيت ماحصلت الشنطة ولما طلعت لقيتها عند الباب برا ،
‏السيناريو الي ببالي ان الباب انفتح لما طلعت وحدة من البنات و سحبها وفتشها ومالقى فيها شي يستحق السرقة وتركها ،، الحرامي كان مركز على الهدف واشكره بصراحة لان لو هو اقشر كان تخلص من الشنطة 😅..
‏الهوستل مجمع ناس اغرب ومختلفين تمامًا ، و وصلت لقناعة يومها ، ان الناس برا تسرق لغرض الحاجة وليس التخريب ، ما ابرر لهم لكن في السفر احنا المفروض نكون حريصين مانجيب معنا ممتلكات غالية ولا ملابس مبالغ فيها ، ومن الاشياء الي تعلمتها في السفر اني ما اوضح انا من وين او مرجعي الديني واندمج مع المجتمع كاني وحدة منهم ،،

‏و بيوم العودة قفل علي اللوكر وانا لازم الحق على المطار فسبب لي ربكة مامريت فيها ، ولان مافيه ريسبشن انتظرت موظف يجيني من اخر الدنيا حتى يفتحه لي 🥳 وش حادني عالمرمطة؟ عشان اجرب وهذيني جربت وتعلمت 😆