..

‏توحّشتك وأحس الأرض بعدك ما عليها ناس
‏وأحس الأرض ما دارت بعد عيـنك ولا دوره ..

البُعد ماهو موت . . البعد همّ ويِزول ،
وانتي ابتعدتي وانا قلبي ( نسى من نساه ) !

قِلت الحياة إنتهت .. لكنّ ( سِلفر ) يقول :
[ وتستمر الحياة ، وتستمر الحيـاة ]

‏أمان الله على عمري وعليّ من الليالي السُود
‏عسـى الله يملي سنيني .. رضا وأحلام ورديّه

‏عاد إشتياقي ،
‏ما طفى لك .. وعاده
‏غلاك .. لو ماني على نفس دربك !

‏يردّني : هذا الصباح
‏وبراده ،
‏على الصباحات القديمة بـ قُربك 🚶

—

ليت..

..

- ما شبعنا منك يالمطر 🚶

-

‏سريتك والسما ليلة وداع ، وقلبها مرتاب
‏وخذيتك وجهةٍ عن غربة الأرواح مجهوله

‏"ماهو من طبعي أملّ المدينه واتبع الغيّاب
‏أنا يوم إني أتبع ضحكتك لي عام وشهوله ؟ ".

‏عاد إشتياقي ،
‏ما طفى لك .. وعاده
‏غلاك .. لو ماني على نفس دربك !

‏يردّني : هذا المساء
‏وبراده ،
‏على المسائات القديمة بـ قُربك 🚶

‏بيتين قديمات بس أحبّهم :
‏-

‏لو هو دمّك .. يُستصاغ ،
‏ولو لون قلبك ، مُخملي !

‏ماني . . لْـ وقت الفراغ ،
‏انا الفراغ . . يكون لي !

‏" يا الله لا تاه الكلام وضاقت رحابي
‏سخَّر لي إنسان يدعي لي مع الجمعة "

‏يا كثر ما قلت لك ( يا بعدي ) جعلك نصيب
‏واستجاب الله لـ لأولى ، وعيّشْك ( بعَديّ )

‏" لا قنع بك عقلي انك طواري . . ما تغيب
‏ويش يقنع قلبي ان غيرك تحضن ولديّ ؟ ".

‏التمادي كسر خاطر و الوقوف إجباري
‏"والرجوع أرخص ثمن من عمري اللي سقته"

‏يا جديد الشعر والا يا قديم أخباري
‏لا يموت الحب خل الحب ياخذ وقته

‏بري حالي منك ، مدري وش يجيب الطاري
‏و أنت حلمٍ لا عتق روحي ولا حققته !

- وشهوله ؟
يا حمار .

‏" والله يا مظلوم ما ندري من الظالم "
‏الناس بين الخطأ والصح مقسومه

‏ ما عاد ندري من نضدّ ومن نسالم
‏الروية أصلاً ضباب ! وشبه معدومه

‏صدّقني إن الخيال الهادي ، الحالم
‏أفضل من الواقع الغرقان بـ همومه

‏في هذِه البقعة الضخمة من العالم
‏هُنالِك ! أشياء واجد .. غير مفهومه 🚶

‏«ادور سبب للسالفه معك ، مدري كيف
‏لو تقول مدري قلت ابنشدك عن مدري»

‏🚶🏻‍♂️🚶🏻‍♂️

‏- بهذه اللحظه ( لما تسرح بالنار )
‏الهواجيس اللي تجيك ألعن من هواجيس الظهر والحر والبرد والبرّ وما قبل النوم بعد مجتمعين !