‏سقى اللّٰه يوم كنت اقول بإنش حلمي المنشود
‏و خلّيتش بدون أسباب — لأجل أحلام وردية

‏أحس إني كبرت وبيّن بـ طبعي مدى التغيير
‏فلا هذا هو إحساسي ولا هذي هي أطباعي

‏بديت أتعمق بـ نفسي ، ولا أهتم لكلام الغير
‏يقولون الهوى غفله وأقول إن المدى واعي

‏غديت أودع المقفي ولا أحب أسمع التبرير
‏أشوف إن التفاصيل الكثيره مالها داعي ..

‏☕️☕️

‏صارت معاك أيام عمري ريف
‏ومن قبلك . . أيام العمر ساده

‏"أخالف" اللي ما تجي بالكيف
‏واعيش لك واخالف زياده !

‏كأن راسك عند كتفي ضيف
‏وذراعي . . سلومه من أجداده

‏مع انه بوقت اللوازم سيف
‏يصير لك في حضني وساده

يا سيد الظبا من كل لمحه وشكل ولون
ياليت المشاعر معكْ ماهيب جيّاشه

يا طول العمر للي على بالك .. يعيشون
و ياقصر العمر للي معك ما بعد عاشه

احبك على وضح النقا والعرب يدرون
يوم ان اكثر العالم محبتهم " خْشاشه "

لو اني موّطي النور في شاشة الايفون
انا لا فتحت صوّرك " تنوّر الشاشه "

‏عادي لو تصير مكالمتها ..... كِلها تجريح
‏انا اتليِّن بريح البّن لو ما اشرب فناجيلّه !

‏« أنا تعبت أعاملك نصف إنسان
‏تعال لي — لاصرت إنسان كامل »

تدرين أحبك ولا ظنّي .. بتدرين ،
‏حظي .. عجز لا يخيب لي ظنوني !

‏ارجف من الشوق ؟ عاادي لا تخافين
‏ولاني بمجنون .. لكني ... جنوني !

‏متمسكٍ فيك حييل .. ولا تلومين ،
‏يا كثر ما كنت ابي ناس .. وجفوني !

‏ضمّي .. شحوبي .. بقوه لاترخين ،
‏على الله اقدر ارجّع فيك .. لوني !!

‏ تايه ، وادور على نفسي من سنين ،
‏لاتحرجيني ليا قلتي .. شلوني !!

‏حبيني بكل مافي وسعك الحين ،
‏وان قلت لك صوني الإحساس صوني

‏مابغى ولا شي !! لكن ( لا تروحين )
‏كل اللي حبيتهم .. قبلك .. نسوني !!

‏الحزن متجلّي بـ كل المقاييس
‏واللي مثل حالي واعزي لحاله

‏تعبت من صوت الأسى والهواجيس
‏طمنّي إنك حي ، لو بـ رسالة ..

‏اجامل الاعراف ، واقدّس الدين
‏واصدق معك فـ الماضيه والجديده

‏قلتي لي : انت تراوغ يسار ويمين ؟
‏طيب حلو ! خلّيني اروح سيده 🚶

‏( الحاجبين اللي تشكّل هلالين )
‏احلى من احلام الحياة السعيده

‏والخصلتين . . اللي تغطي على العين
‏احلى من خصال الرجال الحميده !

‏لو تعدّيتك يرجعني لدربك الحنين
‏ولو تناسيتك ترى ذكرياتك ماسهَت

‏أصعب أنواع العلاقة نكون معلّقين
‏لارجعنا مثل أول … ولا حتى انتهت

‏يلعب بنّا سر الجمال المحلي
‏الحلوه اكثر مشكله مالها حل !

‏"بطريقة أو بأُخرى الأشياء اللي تشاهدها من أفلام، مسلسلات، أنمي، أو قراءاتك في الكتب، والأخبار والموسيقى اللي تسمعها، والأشخاص اللي تتحدث معهم بشكل يومي، تتأثر فيهم وهالشيء يخزّن في ذاكرتك بصورة طبيعية من غير إدراك منك، وتأثر على مشاعرك ونظرتك للحياة."

‏كن صدري ديرةٍ من جملة الناس مهجوره
‏الدهر جفّف مواردها و عشّى في طرفها

‏من كثر ما أقفى ونسْها و الشجر ماتت جذوره
‏لو وطاها واحدٍ قد حلّ فيها ما عرفها

‏- جابر النشيرا

تجرّعت منك المر . . حتى عشقت المر !
‏من الشاهي السادة / إلى القهوة السودة

‏و تقعدت لك في كل سكة / عساك تمر
‏و لا مريتني / لكن الآمال موجودة

‏و لهالحين / و أنت أشهى و ألذ الأمور السمر
‏و لو كنت أظن أن دونك الطرق مسدودة

‏و لكني أدمنتك . . مثل مدمنين الخمر
‏أملك ، و أذمك ، و أتركك - بس لي عودة

‏و أنا والله أني ذا عزايم ، ولاني غمر
‏لكن الهوى غلاب / ما تقدر قيودة

‏تضعضعت منه و كنت من قبل اذوقه نمر
‏ما أهاب الزمان / و لا نموره و لا أسوده !

‏و هالحين ، والله أني أتعب من أكل "التمر"
‏عقب كنت ادق الصخر / و يلين جلموده

‏يوريني الله فيك / بأني قصيّر عمر
‏عسى خاتمة نفسي على الخير / مردودة

‏يحس بعذابي . . من يصالي لهيب الجمر
‏و يضحك بي اللي / هب له بالسعد نوده

‏يكفيك من حالي "عروق العيون الحمر"
‏بقى العفو ، ولّا العافية معك مفقودة

‏أبي منك • لامنّك تذكرت صاحبّك / أمر
‏تزوره / و لو جثّته بالأرض ملحودة.


سلطان الحوالي *

‏كانت تكبر بعد كل أزمة تتخطّاها ، ويصغر العالم في عينيها الجميلتين أكثر .

‏يا راعي العنق الطويل وراعي الحمر الرقاق
‏اللي ما يبرد كبدي إلا مبسمه ومعنّقه

‏تعال يا راع القوام الغض والخصر الدقاق
‏تعال والباقي من أوصافك ما نقدر نطرقه🚶

‏" قَبل إختراع الخناجر كانوا يَستعملون ضِحكات النِساء "

‏. Vs

‏زاد سلّم ملامحك المُوسيقى لحن
‏ضحكتك ، باقي شويّ وتصير أُغنيه 🎶

‏انا حزين وحزني اشكال وانواع
‏فقير ووجيه الفقارى عبوسه ،

‏يآرب انا عبدك / ولآني بـ طمّاع
‏ابي رضاك ومية الف وعروسه 🚶🏻‍♂️