‏كم ام انتي حملت بك وكم عام ..!
‏مثل البشر معقول جيتي بـ سهوله ؟!

‏أذكر شَهقت وقلت ؛ يا دين الإسلااااام
‏وشلون أجل يوسف جماله وزوله ؟

‏الله خلق من طِين ،
‏من طين الأجسام
‏وإنتي من زهُور الرّبيع ، وحقوله

‏جلدك حرير ، وجسمك رخام بـ رخام
‏وإحساسك أرهف من دلال الطفولة !

‏قولي أبعرف جسمك إنتي به عظام ؟!
‏ولا بجسمك لُغز ... يخفي حلوله !

‏لاااا تضحكين بـ ضحكتك أسمع أنغام
‏تجبر سحاب الصيف يرخي حموله 🎶

‏وأشوف نجد بـ ضحكتك . . تقهر الشّام
‏والشّام يرجي ضحكتك طووول حُوله !

‏وشّ عاد مصْر بـ تفتخر بَه بـ الاهرام ؟!
‏من بعد أهرااامك ونيلك خجُوله ..

‏انتي : لو إنّك جيتي بـ عهد الاصنام ؟!
‏بيتك ، قبايل يَعرب تطوف حُوله 🎶

‏- عمري محطه ، عبدالله الهذال *

‏ياغايبي .. خيط المساء كلّ ما فِلّ
‏يزورني طيفك ويسرق نعاسي

‏ما كلّ ساري تحت نجم السماء دلّ
‏والنفس مرساها الجبال الرواسي

‏يامِلّ قلبٍ من هوى الغيد ما مَلّ
‏لوّهم . . . يزيدون المآسي مآسي

‏قلب بدوي .. قبلك تشيّم عن الكلّ
‏" قاسي .. وعينك ليّنت كل قاسي "

‏ياعنك ، لوّ انّك تشوف الغلا غلّ
‏اشوفك انّك حاسةٍ من حَواسي

‏مشكلتي اللي من عُمر مالها حلّ
‏أعرف اعزي . . بس ما اعرف اواسي !

‏اثر المحبّه كلّبوها . . . خذ وخل
‏من قاوم الخَدرات "طاح امتواسي "

‏ارضى عليك وتاخذ شوي ، وتزلّ
‏لا تصغر بقلبي وتكبر براسي !

‏" أنتِ مساء الخميس اللي وراه إرتياح
‏ومقابل أحباب ما بين الفرح والطرب "

‏اللي رحل عن خاطري ليلة السبت
‏ما عاد خلّا لي مع الناس .. جَمعه !

‏" كل غيمه بالسما ولهى عليك
‏تجتمع .. ولا لها عنك صبر "

‏دايم الأمطار . . تشتاق ليديك ،
‏ودايم الحلوه يغذيها المطر ☔️

‏جانا مطر وإستفز الجو صدرّي ،
‏والله إنّي .... قدّ ما تمطر أحبك 💙

‏كثر ما احب الشعر مانيب احب الظهور
‏اشعر برغبه شديده للجفى السرمدي

‏ودي بـ درب الغياب الي يصور الشعور
‏ولا حضورٍ ، كسر نفسيتي وجسدي

‏مشكلتي اني مزاجي وانتقائي حضور
‏إذا انتهوا فوضوييّن الظهور ابتدي ☕️

‏" بيني وبين المقام السهل حالة نفور
‏ادوّر الحاجه اللّي تستحق اجهدي "

‏لو إن الطواري تنشرى ، بعت بأرخص سوم
‏« أنا منزعج . . من صوت ذاكرتي الهادي »

‏ماني رمادي وجه وأطباع وكفوف
‏لكن ليلي مختلط مع نهاري

‏قدامي ظروف ، و ورا وجهي ظروف
‏لذلك ليا بعت مانيب شاري

‏ما برد عزمي ولا غيّر لهيب الحب لوني
‏دام لي قلب ٍمن عروق الوفا يسقي وريده

‏والهوا "حظ ونصيب" ودمعتي عذرا جفوني
‏للجفون سلوم ، والدمعه تخاف من النقيده

‏ليه يا من تسرقين الود من نظرة عيوني ؟
‏ما حسبتي غيبة اللي لا نوى الغيبه . . فقيده

‏وليه لا عزمت بنسى من على الدنيا نسوني
‏ما ذكرت إلا أنتي وجرحٍ مساحاته عديده !

‏ليت عذرك عن وفاك وغلطتك يلغي شجوني
‏وليت لي قلبٍ بدون احساس ، وأحكامه شديده

‏كنت أظنّك ماا تعيشين العمر لحظة ، بدوني
‏واثر ما للظن غير اللوم .. ولحون القصيده

‏اذكريني . . كل ما فاضت عيونك وفقدوني
‏وكل ما دمعك نشد خدك ، وقال شصار بيده ؟

‏وإذكريني لا غزا البرد الضلوع ، وما لقوني
‏ولا جبرك الوقت في ممشاه واطباعك عنيده !

‏وإذكريني كل ما جاتك من العالم . . لحوني
‏عقب ما كنتي من لساني تعرفين الجديده !

‏وإذكريني كل ما احتجتي تخونيني.. وخوني
‏في غيابي كل ذكرى بيننا ، كانت سعيده !

ولّا أنا لا من ذكرتك ؟ ما ذكرت إلا طعوني
‏فالزمان اللي تجمعنا به الله لا يعيده !

‏ما ربحت إلا جفاك ، وما خسرت إلا جنوني
‏ولا بعد هذا سوى النسيان والفرقا الأكيده

‏سامح الله غلطة إحساسي قبل غلطة عيوني
‏وسامح الله هاجسي في ما هدا لك من رصيده

‏لو ظنوني . . . يوم واحد تشعر بخيبة ظنوني
‏ما يصير الحزن سيّد الصدر وأفراحي عبيده

‏سامح الله ذنب كل اللي على الضيقه حدوني
‏لين صرت أواجه الأيام .. في بسمه وحيده

‏- ناصر مناحي ، ٢٠١٠*

-

-

-

حطني في وجه حضنك من صدوف الليال
‏تايهٍ لا أخطيت من ضمتك . . وين أغدي ؟

‏عقب البطا .. ماني بـ قايل تأخرتي
‏ياما من الشوق كنت اصنع لك الحروه

‏يا مرحبا يا هلا بك .. عدّ ما غرتي ،
‏من غاويات القصيد وطاري النّسوه

‏وماني بـ بقايل فحق الوصْل قصّرتي !
‏بقول : عمري لـ مبسم هالوجه فدوه

‏" تتغيّر الناس .. وانتي ، ما تغيّرتي
‏للحين وجهك جميل وبسمتك حلوه "


☕️☕️

‏وربي لو تعرف اللي بقلبي قلت لي معذور
‏على قلّ التواصل واكبر بعينك واصير أسمى !

‏حياتي مثل ظلما حالكة . . والا انت مثل النور
‏يعاتبني ضميري ،
‏كيف احاصر نُورك بـ ظلما ؟!

‏أنيقه ،، تخفي حزنها فـ عيونها
‏وعيونها للناس ؟! ضحكات وفرح

‏من شاااف بسمتها وضحك سنونها
‏ما قال خافق هالبنيّه .. منجرح !

‏⁧ #متشائليات⁩

-

‏في الليلة الظلماء : ما للقُمر ضيّ ،
‏وحييييد وأدري عتمة الليل .. تفجع

‏كل الحروف البيض .. ترجع لها هيّ
‏يمكن مع ( الأيّام ) تقرأ .. و ترجع !