ការចុះអភិបាល ការងារគ្រប់គ្រងឱសថនៅមន្ទីរពេទ្យបង្អែកស្រុកកម្រិត (CPA1) មន្ទីរពេទ្យបង្អែកស្រុកកម្រិត (CPA2) មន្ទីរពេទ្យខេត្តកម្រិត( CPA3) ក្នុងខេត្តបន្ទាយមានជ័យ។
——

ខេត្តបន្ទាយមានជ័យ៖ ចាប់ពីថ្ងៃទី០៦ ដល់ថ្ងៃទី១០ ខែតុលា ឆ្នាំ២០២៦ ឯកឧត្តមសាស្រ្តាចារ្យរង ហេង ប៊ុនគៀត រដ្ឋលេខាធិការក្រសួងសុខាភិបាល និងសហការី បានចុះអភិបាលការងារគ្រប់គ្រងឱសថនៅមន្ទីរពេទ្យបង្អែកស្រុកកម្រិត(CPA1) មន្ទីរពេទ្យបង្អែកស្រុកកម្រិត(CPA2) មន្ទីរពេទ្យខេត្តកម្រិត(CPA3) ក្នុងខេត្តបន្ទាយមានជ័យ។

ការចុះត្រួតពិនិត្យនេះ ផ្តោតទៅលើចំណុចសំខាន់ៗមួយចំនួនរួមមាន៖
១)អនាម័យក្នុង និងក្រៅឃ្លាំងឱសថ
២)ការងាររៀបចំទុកដាក់ឱសថតាមគោលការណ៍ណែនាំរបស់ក្រសួងសុខាភិបាល
៣)ស្វែងរកបញ្ហាឱ្យឃើញ និងដោះស្រាយឱ្យចំគោលដៅ
៤)ការងារគ្រប់គ្រងឱសថញៀននៅក្នុងមន្ទីរពេទ្យបង្អែកស្រុកកម្រិត(CPA2) និងមន្ទីរពេទ្យខេត្ត(CPA3)
៥)ការងារគ្រប់គ្រងឱសថនៅមន្ទីរពេទ្យបង្អែកស្រុកកម្រិត(CPA1) មន្ទីរពេទ្យបង្អែកស្រុកកម្រិត(CPA2) និងមន្ទីរពេទ្យខេត្តកម្រិត(CPA3)។

ឆ្លៀតក្នុងឱកាសនោះដែរ ឯកឧត្ដមរដ្ឋលេខាធិការ ក៏បានពាំនាំនូវការផ្តាំផ្ញើសួរសុខទុក្ខពី ឯកឧត្តមសាស្ត្រាចារ្យរដ្ឋមន្ត្រី ជូនដល់មន្រ្តីសុខាភិបាលគ្រប់លំដាប់ថ្នាក់ និងបានសម្តែងនូវការកោតសរសើរ ព្រមទាំងវាយតម្លៃខ្ពស់ជូនដល់មន្ត្រី មន្ទីរពេទ្យបង្អែកស្រុកកម្រិត(CPA1) មន្ទីរពេទ្យបង្អែកស្រុកកម្រិត(CPA2) និងមន្ទីរពេទ្យខេត្តកម្រិត(CPA3) នៅក្នុងខេត្តបន្ទាយមានជ័យ ដែលបានខិតខំបម្រើសេវាជូនប្រជាពលរដ្ឋបានល្អប្រសើរ ព្រមជាមួយការណែនាំឱ្យមន្រ្តីសុខាភិបាលទាំងអស់ត្រូវបន្តស្មារតីរួបរួមសាមគ្គីគ្នា ចេះជួយគ្នា ចេះសម្របសម្រួលការងារឱ្យបានល្អប្រសើរគោរពវិន័យការងារក្នុងការព្យាបាលជំងឺ និងត្រូវបម្រើសេវាឱ្យបាន ២៤ម៉ោងក្នុងមួយថ្ងៃ ៧ថ្ងៃក្នុងមួយសប្តាហ៍ គោរពក្រមសីលធម៌វិជ្ជាជីវៈ ដែលជាផលប្រយោជន៍រួម ដើម្បីបម្រើសេវាសុខាភិបាលប្រកបដោយគុណភាព សុវត្ថិភាព ប្រសិទ្ធភាព ស័ក្តិសិទ្ធិភាព និងសមធម៌។

គួរបញ្ជាក់ផងដែរថា មន្ទីរពេទ្យដែលចុះអភិបាលមានដូចជា
១.ផ្នែកគ្រប់គ្រងឱសថមន្ទីរពេទ្យបង្អែកសិរីសោភ័ណ(CPA1)
២.ផ្នែកគ្រប់គ្រងឱសថមន្ទីរពេទ្យបង្អែកភ្នំស្រុក(CPA1)
៣.ផ្នែកគ្រប់គ្រងឱសថមន្ទីរពេទ្យបង្អែកស្វាយចេក(CPA1)
៤.ផ្នែកគ្រប់គ្រងឱសថមន្ទីរពេទ្យបង្អែកម៉ាឡៃសន្តិភាព(CPA1)
៥.ផ្នែកគ្រប់គ្រងឱសថមន្ទីរពេទ្យបង្អែកអូរជ្រៅ(CPA1)
៦.ផ្នែកគ្រប់គ្រងឱសថមន្ទីរពេទ្យបង្អែកព្រះនេត្រព្រះ(CPA2)
៧.ផ្នែកគ្រប់គ្រងឱសថមន្ទីរពេទ្យបង្អែកថ្មពួក(CPA2)
៨.ផ្នែកគ្រប់គ្រងឱសថមន្ទីរពេទ្យបង្អែកប៉ោយប៉ែត(CPA2)
៩.ផ្នែកគ្រប់គ្រងឱសថមន្ទីរពេទ្យខេត្តមិត្តភាពកម្ពុជា-ជប៉ុនមង្គលបូរី(CPA3)។

🌐Website
📱Facebook
📱Telegram
📱X (twitter)
📱Tiktok
📱YouTube

វគ្គបណ្តុះបណ្តាលស្តីពី សមភាពយេនឌ័រ និងបរិយាបន្នសង្គម សម្រាប់នាយកដ្ឋាន ការពារសុខភាព នាយកដ្ឋានសេវាសុខភាព/ការិ.ធានាគុណភាពសេវា និងមជ្ឈមណ្ឌលជាតិគាំពារមាតា និងទារក។
——

ខេត្តកំពត៖ ថ្ងៃអង្គារ ទី១៣ ខែតុលាឆ្នាំ២០២៦ លោកជំទាវវេជ្ជបណ្ឌិត ប៉ែន រិកស៊ី រដ្ឋលេខាធិការ និងជាប្រធានក្រុមការងារបញ្ជ្រាបយេនឌ័រ (GMAG) នៃក្រសួងសុខាភិបាល បានអញ្ជើញចូលរួមជាអធិបតីក្នុងវគ្គបណ្តុះបណ្តាលស្តីពី សមភាពយេនឌ័រ និងបរិយាបន្នសង្គម សម្រាប់នាយកដ្ឋាន ការពារសុខភាព នាយកដ្ឋានសេវាសុខភាព/ការិ.ធានាគុណភាពសេវា និងមជ្ឈមណ្ឌល ជាតិគាំពារមាតា និងទារក នៅសណ្ឋាគារខេមរា កំពត។

គោលបំណងនៃវគ្គបណ្តុះបណ្តាលរួមមាន៖
-បង្កើនការយល់ដឹងពីទស្សនៈគន្លឹះ នៃសមភាពយេនឌ័រ និងបរិយាបន្នសង្គម (GESI)
-ផ្តល់ឱ្យអ្នកចូលរួមនូវចំណេះដឹង និងឧបករណ៍នៃការបញ្រ្ជាបសមភាពយេនឌ័រ និងបរិយាបន្នសង្គម
-បង្កើនជំនាញដល់ក្រុមការងារបញ្ជ្រាបយេនឌ័រនៃក្រសួងសុខាភិបាល ថ្នាក់ជាតិ និងថ្នាក់ក្រោមជាតិ ក្នុងការបញ្រ្ជាបសមភាពយេនឌ័រ និងបរិយាបន្នសង្គម (GESI)។

លទ្ធផលរំពឹងទុក៖
-អ្នកចូលរួមនឹងយល់ពីគោលគំនិត GESI និងការអនុវត្តការបញ្ចូល GESI ក្នុងវិស័យសុខាភិបាល
-អ្នកចូលរួមនឹងធ្វើសមាហរណកម្ម GESI នៅក្នុងការងារបស់ខ្លួនក្នុងវិស័យសុខាភិបាល។

🌐Website
📱Facebook
📱Telegram
📱X (twitter)
📱Tiktok
📱YouTube