ពិធីប្រកាសទទួលស្គាល់ជាផ្លូវការ «ទីក្រុងទេសចរណ៍គ្មានផ្សែងបារី» សម្រាប់រដ្ឋបាលក្រុងដូនកែវនៃខេត្តតាកែវ និងប្រគល់វិញ្ញាបនបត្រទទួលស្គាល់ និងពានជ័យលាភី។
——

ខេត្តតាកែវ៖ ព្រឹកថ្ងៃពុធ ទី១៤ ខែតុលា ឆ្នាំ២០២៦ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល បានអញ្ជើញចូលរួមជាអធិបតី ក្នុងពិធីប្រកាសទទួលស្គាល់ជាផ្លូវការ «ទីក្រុងទេសចរណ៍គ្មានផ្សែងបារី» សម្រាប់រដ្ឋបាលក្រុងដូនកែវនៃខេត្តតាកែវ និងប្រគល់ពាន និងវិញ្ញាបនបត្រទទួលស្គាល់ជ័យលាភី ដែលជាទីក្រុង ស្រុក ខណ្ឌទី១១ ដែលបានទទួលស្គាល់ដោយក្រសួងទេសចរណ៍។

ពិធីនេះ រៀបចំក្រោមអធិបតីភាពឯកឧត្តម ហោ សារុន រដ្ឋលេខាធិការក្រសួងទេសចរណ៍ ដោយមានការអញ្ជើញចូលរួមពីឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ លោកវេជ្ជបណ្ឌិត យ៉ិល ដារ៉ាវុធ តំណាងអង្គការសុខភាពពិភពលោក និងឯកឧត្តម លោកជំទាវ ថ្នាក់ដឹកនាំមន្ទីរទេសចរណ៍ ថ្នាក់ដឹកនាំមន្ទីរនានា នៃខេត្តតាកែវ ក្រុមប្រឹក្សាក្រុងដូនកែវ និងឃុំ-សង្កាត់ ថ្នាក់ដឹកនាំមន្ទីរសុខាភិបាលខេត្ត លោក លោកស្រីអភិបាល អភិបាលរងក្រុង-ស្រុក មន្ត្រីនគរបាល មន្ត្រី-បុគ្គលិកមណ្ឌលសុខភាព មេឃុំ លោកគ្រូ អ្នកគ្រូ និងសិស្សានុសិស្ស សរុបចំនួន ២១៦រូប។

🌐Website
📱Facebook
📱Telegram
📱X (twitter)
📱Tiktok
📱YouTube