Maktabus Suffah Ⓡ
2.81K subscribers
1.07K photos
473 videos
365 files
2.5K links
▬▭▭▭▭▭▭▭▭▭▬
  مَکْتَبُ الصُّفَّهْ : دینی تعلیمی ادارہ
مقصد : نئی نسل کے ایمان کا تحفظ
Maktabus Suffah Ⓡ
👇🔻👇🔻👇🔻👇
www.MSuffah.com
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
Download Telegram
خدارا اپنے بچوں پر توجہ دیجیے
انہیں وقت دیجیے
اور ان کی تنہائیوں کو موبائل کے حوالے مت ہونے دیجیے

کچھ دن قبل کسی ضروری کام سے اس جگہ پر جانا ہوا تو کیا دیکھتا ہوں کہ دو پہر کی خاموشی میں تنہا ایک طرف دو معصوم بچے اللہ جانے کیا دیکھ رہے تھے لیکن ان کی حرکت بھی شرما دینے والی تھی

میں خود ان کے پاس گیا اور ان سے معلوم کیا کہ آپ کیا دیکھ رہے تھے وہ کہنے لگے انسٹا گرام
ان کا موبائل ہاتھ میں لیا اور دیکھا تو ہسٹری میں بہت کچھ اور ہی کچھ چل رہا تھا ۔
بس اصلاح کی نیت سے ان کا موبائل دیکھا اور انہیں سمجھایا کہ بچوں آئندہ ایسے نظر آئے تو آپ کے والدین سے شکایت کروں گا ۔
اگر ایسے ہی چلتا رہا تو یہ موبائل کا فتنہ معاشرے میں بے حیائی کا سیلاب لا کھڑا کر دیگا اور اس کے فتنے سے نہ بڑا بچ سکے گا نہ چھوٹا ۔

اللہ تعالیٰ خیر کا معاملہ کرے۔
میں نے گھر کی تصویر کو بھی بلر کردیا تاکہ شناخت نہ ہو سکے

https://t.me/MSuffah
👍6
دل کی موت کی ایک علامت یہ ہے.
کہ برائیوں کے زخم اسے تکلیف نہیں دیتے!

[إغاثة اللهفان، ١١٣:١]
https://t.me/MSuffah
👍4
ڈوبتا جہاز اور تنہا مسافر

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👍3
Hifazat inp.pdf
1000.5 KB
الحمدلله میری آنے والی کتاب "حفاظت" پر استاذِ محترم مولانا جمال عارف صاحب ندوی حفظہ اللہ تعالیٰ کے دعائیہ کلمات ملاحظہ کیجیے ۔
https://t.me/MSuffah
❤3👍3🤩2
الحمدلله میری آنے والی کتاب "حفاظت" پر استاذِ محترم مولانا جمال عارف صاحب ندوی حفظہ اللہ تعالیٰ کے دعائیہ کلمات ملاحظہ کیجیے ۔

دعائیہ کلمات استاذِ محترم مولانا جمال عارف صاحب ندوی حفظہ اللہ تعالیٰ کی آواز میں
https://t.me/MSuffah
👍3
Maktabus Suffah Ⓡ
سلسلہ تربیتی نصائح نمبر 2 *بچوں کی تربیت میں واقعات و قصص کی اہمیت* شیخ محمد سعید مرسی  بچوں کو واقعات اور حکایات سنانے کی اہمیت پر روشنی ڈالتے ہوئے اپنی کتاب "فن تربیۃ الاولاد فی الاسلام" میں رقم طراز ہیں: "یہ (حکایات و قصص) بچوں کی تربیت کے وسائل میں سے…
سلسلہ تربیتی نصائح نمبر 3

*واقعات کی انواع اور قسمیں*

واقعات کئی قسم کے ہوتے ہیں۔ ان میں سے چند قسمیں مندرجہء ذیل ہیں:

1- قصص الانبیاء: یعنی نبیوں کے قصے۔ یہ واقعات کی سب سے اعلی قسم ہے، اس سلسلے میں علامہ ابوالحسن علی ندوی رحمہ اللہ کی "قصص النبیین للاطفال" مفید کتاب ہے۔
اور اس کا ترجمہ خود ان کی بہن امۃ اللہ تسنیم ؒ نے کیا ہے۔

2- قصص القرآن الکریم: یعنی وہ قصے جو اللہ تعالی نے اپنی کتاب میں بیان فرمائے ہیں، مثلًا:
اصحاب کہف کا قصہ۔
فرعون کے خاندان کے ایک مرد مومن کا قصہ۔
قارون کا قصہ۔
ذوالقرنین کا قصہ۔
اصحاب الخدود کا قصہ
اصحاب الفیل کا قصہ۔
موسی و خضر علیھما السلام کا قصہ۔
وغیرھا

3- القصص النبوی: یعنی وہ واقعات جو اللہ کے پیارے نبی صلی اللہ علیہ و سلم نے صحابہ کرام رضی اللہ عنھم اجمعین کے سامنے بیان فرمائے، مثلًا :
¹-بنی اسرائیل کے ایک شخص کا قصہ جس نے سو لوگوں کا قتل کیا تھا،  پھر اس کے دل میں توبہ کا داعیہ پیدا ہوا.
²- جریج کا قصہ۔
³_ ان تین لوگوں کا قصہ جن میں سے ایک کوڑھی، دوسرا اندھا اور تیسرا گنجا تھا۔
اس طرح کے اور بہت سے واقعات جو حدیث اور تاریخ کی کتابوں میں بکھرے پڑے ہیں۔

4- قصص السیرۃ النبویۃ: یعنی آپ صلی اللہ علیہ وسلم کی ذات کے ساتھ پیش آنے والے قصے، جو سیرت کی مختلف کتابوں میں جمع کیے گئے ہیں۔

5- قصص الحیوان فی القرآن الکریم: قرآن کریم میں جن جانوروں کے قصے مذکور ہیں، جیسے:

اصحاب کہف کا کتا۔
بنی اسرائیل کی گائے۔
سلیمان علیہ السلام کا ھدھد۔
سلیمان علیہ راستے میں آنے والی چیونٹی۔
اسمعیل علیہ السلام کا مینڈھا۔
وغیرھا۔

6- قصص الصحابۃ: صحابہ کرام رضی اللہ عنھم اجمعین کے واقعات۔ اس کے لیے بہترین کتابوں میں سے چند کے نام یہ ہیں:
"حیاۃ الصحابۃ"
"صور من حیاۃ الصحابۃ"
"سیر الصحابۃ"
"اسد، الغابۃ"
"الاصابۃ فی تمییز الصحابۃ"
"الاستیعاب فی معرفۃ الاصحاب"

7- قصص المعارک الاسلامیۃ و الفتوحات: یعنی صحابہ و تابعین اور امت کے دیگر قائدین و ابطال کے جنگی معرکوں اور فتوحات کے قصے۔
فتوح الشام، صحابہء کرام کے جنگی معرکے اور ابطال و قائدین (مثلًا صلاح الدین، نور الدین زنگی وغیرھما رحمھم اللہ) کی سوانح میں اس طرح کے واقعات دیکھے جاسکتے ہیں۔

8- قصص الاولیاء و الصالحین: یعنی اللہ والوں کے قصے۔ اس موضوع پر بہت سی کتابیں ہیں۔

9- تفریحی واقعات: اس قسم میں لطیفے اور چٹکلے بھی شامل ہیں،  البتہ اس بات کا خیال رکھنا ضروری ہے کہ ان واقعات، لطیفوں اور چٹکلوں میں کوئی ایسی بات شامل نہ ہو جو شریعت کے کسی حکم کے خلاف ہو یا حیا سوز  اور مخرب اخلاق (بچوں کے اخلاق خراب کرنے والی) ہو، اور ایسی بات بھی نہ ہو جس سنت و شریعت کا استھزاء لازم آتا ہو،
نیز یہ بھی ضروری ہے کہ اس واقعہ یا لطیفہ میں بچے کی عمر کا لحاظ رکھا گیا ہو۔
لہذا مربی حضرات کو چاہیے کہ وہ واقعات کی ہر نوع کا مطالعہ کریں اور اپنے نونہالوں کو انواع و اقسام کے واقعات سے محظوظ فرمائیں، تاکہ واقعات سے ان کی دلچسپی بڑھتی رہے، نیز قصے سننے کا جذبہ ان میں پروان چڑھتا رہے اور کبھی اکتاہٹ نہ پیدا ہو۔

(مستفاد از: فن تربیۃ الاولاد فی الاسلام واضافات قلیلۃ من العبد الضعیف)

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👍3❤1
Motu Patlu Cartoon dekhna kaisa hai | JTR Media House
Maktabus Suffah / Telegram
Motu Patlu Cartoon dekhna kaisa hai
موٹو پتلو اور اس جیسے کارٹون بچوں کو دیکھانے کا حکم

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
💯2👍1
This media is not supported in your browser
VIEW IN TELEGRAM
Maktabus Suffah Ⓡ
Sticker
خطاب جمعہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔12/ جنوری

ارتداد اور بے راہ روی سے ہم اپنی نسلوں کو بچائیں !

دوستو بزرگو اور دینی بھائیو !!!

اس وقت مسلم معاشرہ پر چو طرفہ حملہ ہے ان کے ایمان و عقیدہ کو بگاڑنے کی منظم پلانگ اور کوششیں ہیں، ان کے وجود کو مٹانے ،ملی شناخت کو ختم اور سیاسی وجود اور حیثیت کو بے حیثیت کرنے میں پوری اسلام مخالف طاقت متحد ہے اور ہر جانب سے ہمارے اوپر حملہ آور ہے اور ہم مسلمان اب بھی اپنی ذلت ، مسکنت ، شکست، محرومی اور بے وزنی و بے وقعتی پر کچھ غور نہیں کر رہے ہیں ۔
معاشرہ میں خصوصاً نئی نسل میں بے راہ روی شباب پر ہے ، اسکول و کالج و یونیورسٹی میں مسلم لڑے اور لڑکیوں کے اختلاط سے ارتداد کے فتنہ نے جنم لے لیا ہے ، مسلم لڑکیاں غیر مسلم لڑکوں سے شادیاں رچا رہی ہیں اور مسلم لڑکے غیر مسلم لڑکیوں کو اپنے نکاح میں لا رہے ہیں ،رو زانہ اس طرح کی خبریں آرہی ہیں ، جب کہ یہ نکاح بالکل ہی ناجائز اور حرام ہے ، قرآن صاف کہتا و لا تنکحوا المشرکات حتیٰ یومن ،، مشرک عورتوں سے شادی مت کرو، جب تک وہ مسلمان نہ ہو جائیں ۔ دوسری طرف متعدد جگہوں پر مسلم عورتوں کو غیر مسلم کے نکاح میں جانے سے منع کیا گیا ہے ۔
پہلے صرف فلمی دنیا میں اور سیاسی گھرانوں میں یہ ناجائز عمل اکا دکا پیش آتے تھے ، لیکن ادھر آر ایس ایس اور دیگر باطل تنظیموں کی پری پلانگ کی بنا پر ان کی تعداد میں اضافہ ہوگیا ہے ۔
ماڈرن علمی گھرانوں میں جہاں دینی تربیت کا فقدان ہے، وہاں اور غریب مسلمانوں میں غربت کی وجہ سے یہ واقعات سب سے زیادہ پیش آرہے ہیں ۔۔
اس وقت ہمارے سامنے مسلم معاشرہ اور آنے والی نسلوں کے ایمان و عقیدہ کی حفاظت یہ سب سے بڑا مسئلہ اور چیلنج ہے ، اس پر توجہ وقت کی سب سے بڑی ضرورت ہے ۔ ہم سب کو اس کی فکر کرنی ہوگی ورنہ آگے ہماری نسلوں کا ایمان و عقیدہ محفوظ نہیں رہ سکے گا اور ہم ان کو بے راہ روی اور ارتداد سے نہیں بچا پائیں گے ۔
دوستو بزرگو اور دینی بھائیو!
آئیے ! ہم سب اس کے حل کے لیے سر جوڑ کر بیٹھتے ہیں اور کچھ کرنے کے لئے غور کرتے ہیں تاکہ مرض کی حقیقت اور اس کے علاج سے ہم واقف ہو سکیں ۔
میرے بھائیو !!!
اس وقت جن مسائل نے ملت کو پریشانی اور تشویش میں ڈال رکھا ہے، ان میں سر فہرست بعض مسلمان لڑکیوں کی غیر مسلم لڑکوں کے ساتھ نکاح کا مسئلہ ہے، یہ رشتہ اگرچہ شرعی اعتبار سے معتبر نہیں ہے؛ لیکن ملکی اور عالمی قانون کی نظر میں اس کا اعتبار ہے، یوں تو اس طرح کے واقعات ہمیشہ سے پیش آتے رہے ہیں: مسلمان مردوں کا غیر مسلم عورتوں سے اور مسلمان عورتوں کا غیر مسلم مردوں سے نکاح، فلمی دنیا اور سیاست کی دنیا میں اس طرح کے واقعات زیادہ پیش آیا کرتے رہے ہیں؛ لیکن اب اس میں دو ایسی باتیں شامل ہو گئی ہیں، جن کی وجہ سے بجا طور پر زیادہ تشویش پائی جاتی ہے، ایک یہ کہ پہلے اس طرح کے واقعات اتفاقی طور پر پیش آیا کرتے تھے اور زیادہ تر شخصی پیار ومحبت کا نتیجہ ہوتے تھے؛ لیکن اب فرقہ پرست عناصر کی طرف سے منصوبہ بندی کے ساتھ اس کی کوشش کی جا رہی ہے اور اس کا اعلان و اظہار بھی کیا جاتا ہے ؛ تاکہ مسلمانوں کو زیادہ سے زیادہ رسوا کیا جائے، دوسرا سبب یہ ہے کہ بہت سے مسلمان رہنما بھی اس کے عواقب پر غور کئے بغیر بہت بڑھا چڑھا کر مبالغہ کے ساتھ ایسے واقعات کے اعدا دوشمار اپنی تقریروں اور تحریروں میں نقل کر رہے ہیں؛ حالاں کہ اِس بڑی تعداد میں ایسے واقعات کا کوئی معتبر ثبوت موجود نہیں ہے، میرج رجسٹریشن آفس میں ضرور اس کا ریکارڈ ہوتا ہے؛ لیکن وہ اتنا نہیں ہے جو کہا جاتا ہے، اور اس میں دونوں طرح کے واقعات ہیں، جیسے مسلمان لڑکیوں کے غیر مسلم لڑکوں کے ساتھ رشتۂ ازدواج کے رجسٹریشن ہو رہے ہیں، اسی طرح بلکہ اس سے بڑھ کر غیر مسلم لڑکیوں کے بھی مسلمان لڑکوں کے ساتھ نکاح کے واقعات درج ہوتے ہیں۔
یہ سمجھنا بھی درست نہیں ہوگا کہ نعوذ باللہ مسلمان لڑکیوں کی بڑی تعداد مرتد ہو رہی ہے، اور مرتد ہونے کے بعد وہ اپنا جوڑا غیر مسلم سماج میں تلاش کر رہی ہے، جیسا کہ نو مسلم لڑکیاں مسلمان ہونے کے بعد مسلمان لڑکوں سے شادی کی خواہاں ہوتی ہیں؛ بلکہ زیادہ تر وہ صرف اپنی شادی کسی خاص سبب کے تحت غیر مسلم آشنا سے کرنا چاہتی ہیں، یا اس پر آمادہ ہو جاتی ہیں، عام طور پر وہ اپنا مذہب بدلنا نہیں چاہتیں، تعلیمی اداروں میں مغرب کا کلچر تیزی سے آ رہا ہے کہ وقتی پیار ومحبت کو نکاح کی شکل دے دی جائے اور دونوں اپنے اپنے مذہب پر قائم رہیں؛ اس لئے ایسے سارے واقعات ارتداد پر مبنی نہیں ہیں؛ بلکہ زیادہ تر بو الہوسی پر مبنی ہیں، دوسرے یاد رکھنا چاہئے کہ ایسے واقعات کا چرچا کرنے سے ملت میں شکست خوردگی کا احساس بڑھ جاتا ہے اور قوم اجتماعی سطح پر مرعوبیت کا شکار ہو جاتی ہے، یہ احساس کمتری اس میں بزدلی اور سپر اندازی کا مزاج پیدا کر دیتی ہے؛ اس لئے ایسی غیر مصدقہ باتوں کو زیادہ مشتہر کرنا بحیثیت مجموعی
👍2
Maktabus Suffah Ⓡ
Sticker
امت کے لئے نقصاندہ ہے، اور جب بد قماش لوگ سنتے ہیں کہ اتناے سارے لوگوں نے یہ راہ اپنا لی ہے تو پھر اس کی برائی کا احساس بھی ان کے دل میں کم ہو جاتا ہے؛ اس لئے اصلاحی کوششیں تو ضرور کرنی چاہئے؛ لیکن اس کو ایسا موضوع نہیں بنا دینا چاہئے کہ جو نوجوان اس قسم کی بات سوچ رہے ہوں، گناہ کے ارتکاب میں اُن کی ہمت بڑھ جائے کہ جب قوم کے اتنے سارے لوگ اس میں مبتلا ہیں تو اگر میں بھی اس حمام میں اتر جاؤں تو کیا برا ہے؟
اسلام کا تصور یہ ہے کہ رشتۂ نکاح میں دونوں فریق کے درمیان زیادہ سے زیادہ ہم آہنگی ہونی چاہئے ، یہ ہم آہنگی رشتوں کو پائیدار بناتی ہے ، جو لوگ وقتی طورپر کسی پر دل پھینک دیتے ہیں اور اس بنیاد پر ازدواجی رشتہ سے بندھتے ہیں ، عموماً ان کے درمیان تعلق میں استحکام باقی نہیں رہتا ، ہم آہنگی کے لئے ایک ضروری شرط فکر و عقیدہ کی موافقت بھی ہے ، سوچئے کہ اگر ایک شخص اللہ کو ایک مانتا ہو اور اللہ کے سوا کسی کے سامنے اپنی پیشانی رکھنے کو سب سے بڑا جرم تصور کرتا ہو ، اس کی اس شخص کے ساتھ ۲۴؍گھنٹے کی زندگی میں کیسے موافقت ہوسکتی ہے ، جو سینکڑوں مخلوقات کا پجاری ہو ، جب دونوں کے مذہبی تہوار آئیں گے تو اگر وہ اپنے نظریہ میں سنجیدہ اور سچا ہو تو کیا ان کے درمیان نزاع پیدا نہیں ہوگی ؟ جب اولاد کی تعلیم و تربیت اور ان کی مذہبی وابستگی کا مسئلہ آئے گا تو کیا آپس میں کھینچ تان کی نوبت نہیں آئے گی ؟ یقیناً آئے گی ؛ اسی لئے اسلام میں جو چیزیں نکاح میں رکاوٹ مانی گئی ہیں ، جن کو فقہ کی اصطلاح میں’’ موانع نکاح‘‘ کہا جاتا ہے ، ان میں ایک اختلاف دین بھی ہے ۔
اگر گہرائی کے ساتھ غور کیا جائے تو غیر مسلم لڑکوں کے ساتھ شادی کے واقعات کے بظاہر چار بنیادی اسباب ہیں ، اول : شادی کی فضول خرچیاں ، دوسرے : مسلمان لڑکوں کی تعلیمی پسماندگی ، تیسرے : مخلوط تعلیم، چوتھے : مخلوط ماحول کی ملازمت --- شادی میں فضول خرچی اس درجہ بڑھ گئی ہے کہ اب عام لوگوں کی شادیاں پرانے نوابوں اور راجاؤں کی شادیوں میں ہونے والے تزک و احتشام کو بھی مات کررہی ہیں ، دولت مند طبقوں نے اس کو اپنی مالی فراوانی کے مظاہرہ کا ذریعہ بنالیا ہے ، درمیانی طبقہ اس کی وجہ سے بعض اوقات در و دیوار تک بیچنے پر مجبور ہوجاتا ہے اور کمزور طبقہ اگر دین سے بے بہرہ ہو تو چاہتا ہے کہ کسی طرح اپنے جگر گوشہ کے بوجھ سے نجات پاجائے ، خواہ وہ کسی مسلمان کے گھر میں جائے یا غیر مسلم کے ، جب تک معاشرہ کے دولت مند لوگ سادگی کو اختیار نہ کریں گے ، اس صورت حال میں کسی تبدیلی کا امکان نہیں ، اس کے لئے ضروری ہے کہ جیسے قدرتی آفات کے مواقع پر مدد اور بچاؤ کی مہم شروع کی جاتی ہے ، اسی طرح نکاح میں سادگی پیدا کرنے کے لئے علماء و مشائخ ، سماجی وسیاسی رہنما ، صحافی اور اہل علم و دانش ، مذہبی تنظیموں اور جماعتوں کے کارکنان ایک مہم چلائیں اور گھر گھر دستک دے کر انھیں سادہ طریقہ پر تقریب نکاح انجام دینے کی دعوت دیں ۔
تعلیمی صورت حال یہ ہے کہ لڑکیاں تعلیم میں آگے بڑھتی جاتی ہیں اور لگتا ہے کہ لڑکوں نے پیچھے کی طرف اپنا سفر شروع کر رکھا ہے ، اس کا نتیجہ یہ ہے کہ تعلیم یافتہ لڑکیوں کو ان کے جوڑ کے لڑکے میسر نہیں ہوتے ، موجودہ حالات میں لڑکیوں کو اس پر مجبور نہیں کیا جاسکتا کہ وہ تعلیم کو ترک کردیں ، بالخصوص ان حالات میں کہ زندگی کے تمام شعبوں میں خواتین کے لئے ۵۰ فیصد حصہ داری کی کوشش کی جارہی ہے ، ان حالات میں اگر مسلمان لڑکیاں تعلیم ترک کردیں تو ۵۰ سیٹیں بغیر کسی جد وجہد کے دوسروں کے ہاتھ میں چلی جائیںگی ، اور پھر حصول تعلیم میں جو مسابقت جاری ہے ، خاص کر لڑکیوں کو جو سہولت دی جارہی ہے، اس کے بعد اس سلسلہ میں آپ کی نصیحت نتیجہ خیز بھی نہیں ہوسکتی ؛ اس لئے لڑکوں میں یہ مزاج پیدا کرنا ہوگا کہ وہ تعلیمی جدو جہد میں اپنے قدم آگے بڑھائیں ، اگر ہر مسلمان گھر میں یہ فکر جاگ جائے تو اس کی نوبت نہیں آئے گی کہ تعلیم یافتہ نوجوان لڑکیوں کو ان کے جوڑ کا رشتہ نہیں مل پائے ، دوسری طرف تعلیم یافتہ لڑکیوں کی ذہنی اور فکری تربیت کرنے کی ضرورت ہے کہ ایک مسلمان کے لئے اصل وجہ افتخار اس کا صاحب ایمان ہونا ہے ، نہ کہ اس کا زیادہ تعلیم یافتہ اور اونچے ذریعہ معاش کا حامل ہونا ؛ کیوںکہ تعلیم اور دولت کی کوئی نہایت نہیں ، ایمان اس سے بھی قیمتی جوہر ہے ، کسی مسلمان لڑکی کے لئے اس سے بڑھ کر کوئی عار کی بات نہیں ہوسکتی کہ اس نے ایمان سے محروم شخص کو اپنا رفیق زندگی بنا رکھا ہو ۔
ان واقعات کا تیسرا سبب ’’مخلوط تعلیم‘‘ ہے ، لڑکوں اور لڑکیوں کا اختلاط نہ صرف اخلاقی اعتبار سے نقصاندہ ہے ؛ بلکہ تدریسی نفسیات کے اعتبار سے بھی مضر ہے ، مگر افسوس کہ مسلمانوں کے زیر انتظام جو درسگاہیں قائم ہیں ، ان میں بھی بڑے فخر کے ساتھ کہا جاتا ہے کہ یہاں ’’کو ایجوکیشن‘‘ (مخلوط تعلیم) ہے ، مخلوط تعلیم کا یہ نظام نہ صرف مسلمانوں کو بلکہ پورے ہندوستانی سماج
👍2
Maktabus Suffah Ⓡ
Sticker
کو غیر معمولی اخلاقی نقصان پہنچا رہا ہے ؛ اس لئے مسلمانوں کی ذمہ داری ہے کہ وہ لڑکوں اور لڑکیوں کے لئے کم سے کم جونیئر کالج کی سطح تک زیادہ سے زیادہ الگ الگ درسگاہیں قائم کریں اور پیشہ وارانہ تعلیم کے کالجوں میں اگر جدا گانہ درسگاہوں کا قیام دشوار ہو تو کم سے کم کلاس روم میں ایسی عارضی دیواریں رکھی جائیں ، جو لڑکوں اور لڑکیوں کی نشست گاہوں کو الگ رکھتی ہوں ، نیز مسلم علاقوں میں گورنمنٹ سے گرلس اسکول اور گرلس کالج قائم کرانے کی کوششیں کی جائیں ، اللہ کا شکر ہے کہ اس وقت ملک کے اکثر چھوٹے بڑے شہروں میں مسلمان تعلیمی ادارے قائم کررہے ہیں ، اگر تمام مسلمان طے کرلیں کہ وہ پرائمری اسکول کی سطح سے اوپر لڑکوں اور لڑکیوں کے لئے الگ الگ درسگاہوں کا نظم کریںگے تو اندازہ ہے کہ ۵۰ فیصد مسلمان طلبہ و طالبات انشاء اللہ مخلوط تعلیم کی برائیوں سے بچ جائیں گے ۔
ایسے ناخوشگوار واقعہ کا چوتھا سبب مسلمان لڑکیوں کا مخلوط ماحول میں بالخصوص کال سینٹروں میں ملازمت کرنا ہے ، جو لڑکے اور لڑکیاں کال سینٹروں میں ملازمت کرتے ہیں ، اکثر وہ رات کے وقت ایک ہی ٹیکسی میں سفر کر کے اپنے دفتر پہنچتے ہیں، ان کی رات ایک دوسرے کے ساتھ تنہائی میں گزرتی ہے ، آپس میں مستقل طور پر گفتگو کی اور ساتھ کھانے پینے کی نوبت آتی ہے ، اس طرح جو ان لڑکوں اور لڑکیوں کا ایک ساتھ مل کر کام کرنا آگ اور پٹرول کو ایک جگہ جمع کرنا ہے ؛ اس لئے ماں باپ اور گارجین کی ذمہ داری ہے کہ وہ اس معاملہ میں پوری احتیاط سے کام لیں ، لڑکیوں کو ایسی ملازمت کی اجازت نہیں دیں اور اپنے بچوں کی تربیت کریں ۔
گو ایسے ناخوشگوار حالات کے لئے اور بھی اسباب ہیں ؛ لیکن وہ اِکا دُکا واقعات کا سبب بنتے ہیں ، یہ چار اسباب زیادہ اہم ہیں ، اور ضروری ہے کہ مسلمان اس پر توجہ دیں اور اُمت کے ارباب حل و عقد پوری سنجیدگی کے ساتھ اس ناگفتہ صورت حال پر غور کریں کہ کہیں ایسا نہ ہو کہ آج کی غفلت کل کے سیلاب کا پیش خیمہ بن جائے اور پھر اس پر بند باندھنا ممکن نہ رہے !!
دوستو !
ضرورت ہے کہ حالات کی نزاکت اور وقت کی خطرناک صورت حال کو ہم سب سمجھیں اور متحدہ طور پر ہم سب اس ارتداد اور بے راہ روی کے سد باب کے لئے کوشش کریں، اپنے نونہالوں کی تعلیم کی فکر کریں اور اس سے زیادہ ان کی تربیت کی فکر کریں ، کیونکہ تعلیم سے بھی زیادہ اہم نسلوں کی تربیت اور ان کے ایمان و عقیدہ کی حفاظت ہے ۔ اللہ تعالیٰ ہم سب کو اس کی ہدایت دے اور ہم سو فیصد مسلمان بن کر خود زندگی گزاریں اور اپنی نسلوں کو بھی اس کی طرف مائل کریں اللہ تعالیٰ اس کی توفیق بخشے۔ آمین یارب العالمین

نوٹ / یہ خطاب جمعہ در اصل فقیہ عصر حضرت مولانا خالد سیف اللہ صاحب رحمانی کی تحریر ہے، جو لاحقہ اور سابقہ کے ساتھ پیش کیا جا رہا ہے ۔۔
شائع کردہ : مکتب الصفہ اچلپور
12/ جنوری 2024 ءبروز جمعہ

منجانب: مکتب الصفقه اچلپور کے مختلف شعبوں میں سے ایک شعبہ (خطیب حضرات کا معاون: خطاب جمعہ ) اللہ تعالیٰ کے فضل وکرم سےتشکیل دیا گیا ہے۔ ہر ہفتے سلسلہ وار خطاب جمعہ حاصل کرنے کے لیے مذکورہ گروپ سے جڑیں اور علماء کرام و خطیب حضرات کو بھی اس گروپ سے جڑنے کی دعوت دیں ۔
▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👍3
الہی دل سے دنیا کی محبت کو فنا کردے
Maktabus Suffah | Telegram
Ilahi dil se dunya ki muhabbat ko fana karde
الہی دل سے دنیا کی محبت کو فنا کردے

آواز ۔ امان اللہ قاضی

کلام۔ ہدہد

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👍2
بچوں کی کہانیاں ❷

وہ ایک مونگ پھلی


سیٹھ ارشاد اپنے بنگلے کی اندرونی حالت دیکھ کر پریشان ہو گئے۔ انھیں اپنی آنکھوں پر یقین نہیں آ رہا تھا۔ انھوں نے دوبارہ اپنی آنکھیں ملیں، لیکن منظر پھر بھی وہی رہا۔ پانچ روز پہلے ہی وہ اپنے گھر والوں کے ساتھ ایک قریبی عزیز کی شادی میں شرکت کے لیے یہاں سے روانہ ہوئے تھے۔ شادی ایک دوسرے شہر احمد نگر میں تھی۔ تقریب میں سب کی شرکت ضروری تھی، اس لیے وہ اپنے گھریلو چوکیدار اور خانساماں کو گھر کا امین بنا کر چلے گئے۔


سیٹھ ارشاد کے عزیز انھیں آج بھی جانے کی اجازت نہیں دے رہے تھے، لیکن انھوں نے دفتری مصروفیات کا بہانہ کر کے ان سے اجازت لے لی، البتہ انھوں نے اپنی بیگم اور بچوں کو مزید دو دن رہنے کی اجازت دے دی تھی۔ ان کا خیال تھا کہ اتوار کے روز وہ گھر والوں کو واپس لے جائیں گے۔ اکیلے سفر کرنا اور گھر میں رہنا ان کے بس کی بات نہیں تھی، اس لیے وہ اپنے بڑے بیٹے غفران کو اپنے ساتھ گاڑی میں لے کر روانہ ہو گئے، گھر پہنچے تو وہاں کا نقشہ ہی بدلا ہوا دیکھا۔


وہ ڈرائنگ روم سے کچن اور کچن سے ٹی وی لاؤنج اور دوسرے کمروں کی طرف دوڑے۔ جوں جوں وہ آگے بڑھتے رہے، ان کی حیرانی اور پریشانی بڑھتی گئی۔ سردی کے موسم میں ان کے ماتھے پر پسینے کے قطرے چمکنے لگے۔ ان کی سمجھ میں نہیں آ رہا تھا کہ یہ سب کچھ کیسے ہو گیا۔


خانساماں تو انھوں نے ایک سال پہلے ہی رکھا تھا، لیکن چوکیدار تو گزشتہ آٹھ برسوں سے ان کے ہاں ملازمت کر رہا تھا۔ اگر کوئی اس کے بارے میں رائے لیتا تو وہ اس کی ایمانداری کی قسم کھانے کے لیے تیار ہو جاتے تھے۔ آج وہ دونوں غائب تھے اور ان کے بنگلے کا سامان بھی۔ ان کی حیرانی اس بات پر تھی کہ چوروں نے گھر کا بڑا سامان تک نہیں چھوڑا تھا۔

اچانک سیٹھ ارشاد کو گھر میں رکھی ہوئی دس لاکھ کی نقدی، بیگم کے زیورات اور ہیرے کے قیمتی سیٹ یاد آئے۔ انھیں یقین تھا کہ وہ محفوظ ہوں گے۔ وہ اپنے بیڈروم کی طرف دوڑے۔ دیوار پر تصویر ٹنگی دیکھ کر انھیں کچھ اطمینان ہوا کہ خفیہ لاکر کھولنے کی کوشش نہیں کی گئی۔ تصویر ہٹا کر انھوں نے لاکر کا ہینڈل گھمایا تو انھیں اپنے پاؤ ں تلے سے زمین نکلتی ہوئی محسوس ہوئی۔ اس لیے کہ ہینڈل آسانی سے گھوم گیا اور لاکر کھل گیا تھا۔ اندر نظر پڑتے ہی ان کا سر چکرانے لگا۔ وہ اپنے حواس پر قابو نہ رکھ سکے اور دھڑام سے گر پڑے۔ غفران نے اندر نظر ڈالی تو دیکھا کہ لاکر بالکل خالی تھا۔ ایسا لگتا تھا کہ سامان نکالنے کے بعد اسے کپڑے سے رگڑ کر صاف بھی کر دیا گیا ہو۔


اپنے والد کی اچانک طبیعت خراب ہونے پر غفران پریشان تو ہوا، لیکن اس نے اپنے حواس قابو میں رکھے اور اپنے والد کو ہوش میں لانے کی کوشش کی، لیکن اسے کامیابی نہ ہو سکی۔ کسی نہ کسی طرح وہ انھیں گاڑی تک لے جانے میں کامیاب ہو گیا۔ وقت پر اسپتال پہنچ جانے سے ارشاد صاحب کی جان بچا لی گئی۔


ڈاکٹروں کا کہنا تھا کہ انھیں شدید صدمے کی وجہ سے "برین ہیمرج" ہوا ہے اور دماغ کی رگ پھٹنے سے ان پر فالج ہو چکا تھا۔ اب ان کا جسم حرکت کرنے کے قابل نہ رہا تھا۔ سیٹھ ارشاد بیڈ پر پڑے کمرے کی چھت کو گھور رہے تھے۔ غفران اپنے والد کی یہ حالت دیکھ کر رو دیا۔ اسے یقین نہیں آ رہا تھا کہ کچھ دیر پہلے ہنستے بولتے اس کے والد اس طرح بے جان لاش بن جائیں گے۔ غفران کمرے کے کونے میں کھڑا اپنے والد کی صحت یابی کے لیے دعا کر رہا تھا۔


اسپتال میں آنے والے ان کے پڑوسیوں نے بتایا کہ ان کے ملازمین دو دنوں میں سارا سامان گاڑیوں میں ڈال کر لے گئے۔ ان کا کہنا تھا کہ ارشاد صاحب نے دوسرے شہر میں بنگلا لے لیا ہے۔ چوکیدار امام بخش اس پورے کام کی نگرانی کر رہا تھا۔


ارشاد صاحب جو اسپتال میں لیٹے لیٹے وہ تمام مناظر یاد آ رہے تھے، جن میں ان کا معتبر چوکیدار پیش پیش تھا۔ انھیں خیال آیا کہ لاکر کھولتے وقت بھی دو تین بار انھوں نے اسے اپنے کمرے سے باہر نہیں نکالا تھا، اس لیے کہ انھیں اس سے کوئی خطرہ نہیں تھا۔ اس کی موجودگی میں گھر کی معمولی سے معمولی اور قیمتی سے قیمتی چیز ادھر سے ادھر نہیں ہوتی تھی۔ دو چار بار تو چوکیدار سے انھیں گری ہوئی قیمتی چیزیں بھی لا کر پیش کر دی تھیں۔ پھر وہ کیسے اس پر شک کر سکتے تھے۔ اپنے قابل اعتماد نوکر کی ایک بڑی کاروائی کی وجہ سے وہ اسپتال میں پڑے ہوئے تھے۔ انھیں اپنا ماضی یاد آ رہا تھا، جب وہ بہت کم عمر تھے۔


دلشاد صاحب (سیٹھ ارشاد کے والد) نے اپنے کم عمر بیٹے عاشی کی تلاش میں مڑ کر دیکھا تو وہ ان سے چند قدم کی دوری پر تھا۔ ایک دکاندار ان کے بیٹے کو ڈانٹ رہا تھا۔ ان کی سمجھ میں کچھ نہ آیا، لیکن عاشی کے قریب آنے پر انھوں نے سوال کیا: "کیا ہوا عاشی! وہ دکاندار کیا کہہ رہا تھا؟"
👍2
"کک۔۔۔۔۔ کچھ۔۔۔۔ کچھ بھی تو نہیں۔" عاشی نے اپنے حواس بحال کرنے کی کوشش کرتے ہوئے کہا۔ کچھ دیر بعد عاشی نے ایک ٹافی خریدنے کے لیے اپنی جیب خرچی نکالی تو دلشاد صاحب چونک گئے۔ اس کے سکوں کے درمیان ایک مونگ پھلی بھی تھی۔ اچانک انھیں وہ دکاندار یاد آ گیا، جو عاشی پر غصہ ہو رہا تھا۔


انھوں نے پوچھا: "عاشی! تم نے مونگ پھلی چرائی تھی؟"


"نن۔۔۔۔ نہیں۔۔۔ ابو۔۔۔ "وہ گڑبڑا گیا۔




عاشی بولا: "ایک مونگ پھلی اٹھانے سے بھلا کیسے ایمان خراب ہو گیا؟" عاشی کا انداز ایسا تھا جیسے اس کے ابو اسے خوامخواہ ڈانٹ رہے ہوں۔


"بیٹا! چوری ایک روپے کی ہو یا ایک لاکھ کی۔ چوری، چوری ہوتی ہے۔ ہمارا مذہب اسلام سختی کے ساتھ اس عمل سے منع کرتا ہے۔" دلشاد صاحب اسے مختلف انداز سے سمجھا رہے تھے، لیکن عاشی کو یہ سب کچھ عجیب لگ رہا تھا۔ ایسا سب کچھ تو وہ اکثر کیا کرتا تھا۔ کہیں سے چنے، کہیں سے انار، کہیں سے کچھ اور کہیں سے کچھ۔ بھلا یہ چوری کیسے ہوئی؟


"اب تم یہ مونگ پھلی دکان دار کو واپس کرو گے اور اس سے معذرت بھی کرو گے۔" اس کے ابو نے گویا فیصلہ سناتے ہوئے کہا۔ یہ فیصلہ عاشی کے لیے ناپسندیدہ تھا۔ بھلا ایک مونگ پھلی کی کیا اوقات تھی کہ اس کے لیے وہ ایک معمولی دکاندار کی بوری میں وہ مونگ پھلی واپس ڈال دی۔


اس کے والد اسے سمجھا رہے تھے: "بیٹا! چھوٹی چھوٹی چوریاں انسان کا حوصلہ بلند کر دیتی ہیں۔ اس کے دل کا خوف ختم ہو جائے تو وہ پھر بڑی بڑی چوریاں کرتا ہے۔"

اس نے اپنے والد کے "دقیانوسی" خیالات سن کر اپنا سر جھٹکا۔ وہ ہر وقت، ہر بات میں اللہ اور رسول صلی اللہ علیہ و سلم کی باتیں لے آتے تھے۔ بھلا چھوٹی چھوٹی باتوں میں مذہب کا کیا کام۔ وقت گزرتا گیا۔ عاشی جسے معمولی بات سمجھتا تھا وہی بات بڑی ثابت ہوئی۔ چھوٹی چیزوں کے بعد عاشی نے بڑی چیزوں پر بھی ہاتھ ڈالنا شروع کر دیا۔ کبھی کسی کا قلم، کبھی کتاب اور پھر گھر سے بھی اپنی ضرورت کے مطابق چیزیں اڑانے لگا۔


بڑا ہو کر جب عاشی ایک سرکاری محکمے میں اعلیٰ افسر بن گیا تو وہاں بھی اس کی چوری کی عادت کسی نہ کسی طرح برقرار رہی۔ کبھی وہ بلوں میں چوری کرتا اور کبھی آدھا سامان ادارے میں منگواتا اور آدھا گھر بھجواتا۔ مختلف انداز سے کمیشن کے ذریعے سے رقم کی چوری اس کی عادت میں شامل ہو گئی تھی۔ اسے کسی بھی انداز کی چوری، چوری نہیں لگتی تھی۔ اس کام میں اسے ایک طرح کا سکون میسر آتا تھا۔ اس کے دن رات اسی طرح گزر رہے تھے۔


وہ چوریاں اور بے ایمانی کرتے کرتے عاشی سے سیٹھ ارشاد بن چکا تھا۔ اس منزل تک پہنچنے کے لیے اسے ہزاروں بار چور بننا پرا تھا۔ وہ ہزاروں بار اللہ تعالی کا مجرم بنا تھا اور آج صرف ایک چوری نے اسے اتنا غریب کر دیا تھا کہ شاید وہ سیٹھ ارشاد سے مونگ پھلی چرانے والا عاشی بن چکا تھا۔ آج تک وہ دوسروں کی محنت کی کمائی میں سے چوریاں کرتا رہا تھا اور اس بات کی پرواہ نہیں کرتا تھا کہ اس طرح ان لوگوں کے دلوں پر کیا گزرتی ہو گی، لیکن آج اسے اس بات کا علم ہو گیا تھا۔

پیارے بچوں دیکھا ! ........جب صدمہ خود کو ہوتا ہے تب احساس ہوتا ہے... جب خود کے ساتھ برا ہوتا ہے تب اس کا احساس ہوتا ہے کہ واقعی میں دوسروں کو کتنی تکلیف ہوتی ہے اس لیے کسی کا سامان چوری کرنا اسے صدمہ یا تکلیف دینا ہے ہو سکتا جو سامان آپ نے چوری کیا ہو وہ اس شخص کو بہت عزیز ہو اور اس کے گم ہوجانے سے اسے بھی صدمہ ہوا ہو
اس لیے پیارے بچوں کسی کو تکلیف مت دینا کسی کا سامان بلکل بھی اس کی اجازت کے بغیر نہیں لینا. ۔۔ امید ہے کہ آپ پیارے پیارے بچے اس بات پر عمل کرینگے ۔۔۔۔
٭٭٭

▬▭▭▭▭▭▭▭▭▭▬
ناشر :   مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👍2
Ek taraf nafs hai ek taraf hai khuda
Maktabus Suffah | Telegram Me
اک طرف نفس ہے اک طرف ہے خدا
اک طرف خواہشیں اک طرف مصطفی

آواز ۔ حافظ فہد شاہ صاحب

کلام۔ ہدہد الہ آبادی صاحب

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👆. 👆. 👆. 👆
🥰1
Channel name was changed to «Maktabus Suffah Ⓡ 🇵🇸»
دوسرا سیٹ خرید لیا ہوں
ان شاءالله
برقی نشریات اور خطاب جمعہ پی ڈی ایف کی شکل میں اپلوڈ کی جائے گی
👍9❤4🤩1
ہر عامی و خواص پر لازم ہے کہ اس کتاب کا مطالعہ کرے۔انتہائی غیر معمولی کتاب ہے۔جو بھی شخص سنجیدگی و حساسیت سے اس کتاب کا مطالعہ کرے گا۔وہ اپنی شخصیت میں تبدیلی اور مزاج و عقل میں ترقی محسوس کرے گا۔بہت سی اہم باتوں سے روشناس ہوگا۔بغیر کسی پیچیدگی کے بڑی باتیں لکھی ہیں۔
مولانا محمد عثمان فارقلیط پر اللہ تعالیٰ رحمت کرے!

ریختہ پر کتاب موجود ہے،پی ڈی ایف کا علم نہیں۔ ریختہ پر پڑھنے کیلیے ٹچ کیجیے ـ↶
https://www.rekhta.org/ebooks/detail/rahnuma-e-aql-mohammad-usman-farqaleet-ebooks?lang=ur

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
KHITABE JUMA 25.pdf
8.8 MB
#سلسلہ_خطاب_جمعہ نمبر ۲۵

📖 عنوان :  آئینہ دل صاف و شفاف رکھیے
حضرت مولانا مفتی محمد جمال الدین صاحب قاسمی دامت برکاتہم
نائب شیخ الحدیث و صدر مفتی دار العلوم حیدرآباد

🎁 سلسلہ وار خطاب جمعہ : خطیب حضرات کے لئے تحفہ

🗓 تاریخ: 19 جنوری 2024  بروز جمعہ

✍ منجانب: مکتب الصفقه اچلپور کے مختلف شعبوں میں سے ایک شعبہ (خطیب حضرات کا معاون: خطاب جمعہ ) اللہ تعالیٰ کے فضل وکرم سےتشکیل دیا گیا ہے۔  ہر ہفتے سلسلہ وار خطاب جمعہ حاصل کرنے کے لیے مذکورہ گروپ سے جڑیں اور علماء کرام و خطیب حضرات کو بھی اس گروپ سے جڑنے کی دعوت دیں ۔

📌 نوٹ :  (اس خطاب جمعہ کو زیادہ سے زیادہ ائمہ حضرات تک پہنچانے کی کوشش کریں، یہ نیکی اور خیر کے کاموں میں تعاون ہوگا۔ )

📥 ڈاؤن لوڈ کرنے کے لئے اس لنک پر جائیں
ویپ براؤزر سائٹ  👇

ٹیلی گرام 👇
https://t.me/MSuffah/1557
#ادارہ

▬▭▭▭▭▭▭▭▭▭▬
🕌   مَکْتَبُ الصُّفَّهْ اچلپور
مقصد : آنے والی نسل کے ایمان کا تحفظ اور ارتداد کا خاتمہ
Maktabus Suffah Achalpur Ⓡ
👇🔻👇🔻👇🔻👇
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
👍5