Maktabus Suffah Ⓡ
2.81K subscribers
1.07K photos
473 videos
365 files
2.5K links
▬▭▭▭▭▭▭▭▭▭▬
  مَکْتَبُ الصُّفَّهْ : دینی تعلیمی ادارہ
مقصد : نئی نسل کے ایمان کا تحفظ
Maktabus Suffah Ⓡ
👇🔻👇🔻👇🔻👇
www.MSuffah.com
https://telegram.me/MSuffah
https://youtube.com/@msuffah
▬▭▭▭▭▭▭▭▭▭▬
  ♡ ㅤ    ❍ㅤ     ⎙ㅤ ⌲
ˡᶦᵏᵉ  ᶜᵒᵐᵐᵉⁿᵗ  ˢᵃᵛᵉ  ˢʰᵃʳᵉ
Download Telegram
جمعہ کے دن انتقال اور نماز روزہ

ملا نصرالدین صاحب کے پاس ایک لڑکا آیا اور ان سے پوچھا:
’’ملا صاحب! میرے والدکی آج جمعہ کے مبارک دن وفات ہوئی ہے۔ اگلے جہان میں اُن کے ساتھ کیا سلوک کیا جائے گا؟‘‘
ملا صاحب نے پوچھا: ’’کیا آپ کے والد صاحب نماز روزے کے پابند تھے؟‘‘
لڑکے نے کہا: ’’نہیں۔ وہ نمازپڑھتے تھے، نہ روزے رکھتے تھے، مگر خوش قسمتی سے جمعہ کے دن فوت ہوئے ہیں‘‘۔
ملا نے دریافت کیا: ’’عیاشی تو نہیں کرتے تھے؟‘‘
لڑکے نے بتایا: ’’عام طور پر تو نہیں۔ مگر جس روز رشوت کی رقم زیادہ مل جاتی، اُس روز جوا بھی کھیل لیتے، عیاشی بھی کرلیتے۔ اس کے باوجود انھیں جمعہ کے مقدس دن وفات پانے کا شرف حاصل ہوا ہے‘‘۔
ملا : ’’کچھ صدقہ خیرات بھی کرتے تھے؟‘‘
لڑکا: ’’جی نہیں، فقیروں کو بُری طرح پھٹکارکر بھگا دیتے تھے کہ شرم نہیں آتی مانگتے ہوئے؟ مگرفوت جمعہ کے دن ہوئے‘‘۔
ملا: ’’عزیزوں، رشتے داروں اور محلے والوں سے اُن کا سلوک کیسا تھا؟‘‘
یہ سوال سن کر لڑکا جھلا گیا۔ کہنے لگا: ’’جی، وہ تو پورے محلے میں لڑاکا اور جھگڑالو مشہور تھے۔ سب ان کو دیکھتے ہی اِدھر اُدھر ہوجاتے تھے۔ مگر ملا صاحب! میں صرف اتنا جاننا چاہتا ہوں کہ میرے والد صاحب جمعہ کے متبرک دن فوت ہوئے ہیں، ان کے ساتھ اگلی دُنیا میں کیسا سلوک کیا جائے گا؟‘‘
ملا صاحب نے اُسے پیار سے سمجھاتے ہوئے دلاسا دیا: ’’بیٹا! جمعے کے دن تو اُنھیں کچھ نہیں کہا جائے گا۔ مگر جیسے ہی ہفتے کا دن آئے گا سارا حساب کتاب بے باق کردیا جائے گا!‘‘
از: احمد حاطب صدیقی
انتخاب: راہی حجازی


▬▭▭▭▭▭▭▭▭▭▬
  مَکْتَبُ الصُّفَّهْ اچلپور
دینی و جدید عصری تعلیمی ادارہ
👇👇👇👇👇👇
https://t.me/MSuffah
▬▭▭▭▭▭▭▭▭▭▬
This media is not supported in your browser
VIEW IN TELEGRAM
تصوف کا خلاصہ
شیخ السلام حضرت مفتی محمد تقی عثمانی صاحب
▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
Apne Nabi Ki Sunnaton Ko Apnao | Hazrat Maulana Manzoor Yousuf Sahab…
اپنے نبی کی سنتوں کو اپناؤ!
حضرت مولانا منظور یوسف صاحب دامت برکاتہم العالیہ…

Apne Nabi Ki Sunnaton Ko Apnao | Hazrat Maulana Manzoor Yousuf Sahab

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
This media is not supported in your browser
VIEW IN TELEGRAM
نیکیوں کا فائدہ کیوں نہیں ہوتا؟
مولانا صلاح الدین سیفی نقشبندی
#Status
▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
حدیث، لیپ ٹاپ اور بچے

کل میں اپنے بیوی بچوں کے لیے کچھ سوٹ خرید کر لایا اور میں نے اپنی اہلیہ اور بچیوں سے کہا کہ یہ سوٹ آپ سب کے لیے ہیں بڑی بیٹی نے فورا دو سوٹ پسند کر لیے اور دو سوٹ اپنی ماں کے لیے بھی سلیکٹ کر لیے اور باقی کے دوسوٹ اپنی منجھلی بہن کو دے دئیے.
میں نے تسلی سے مسکراتے ہوئے کہا کیا آپ عالمہ بن رہی ہیں؟
بیٹی نے میری جانب دیکھا اور جھجھکتے ہوئے سر جھکا کر کہا کہ کیا غلطی ہو گئی ؟
میں نے کہا آپ نے وہ حدیث نہیں پڑھی جس میں ہمارے آقا صلی اللہ علیہ وآلہ وسلم نے یہ تعلیم دی ہے کہ جو اپنے لیے پسند کرو وہی اپنے مسلمان بھائی کے لیے پسند کرو.
بیٹی نے کہا بالکل پڑھی ہے تو میں نے کہا لیکن آپ نے اپنے لیے جو سوٹ پسند کیے وہ منجھلی بہن کے لیے پسند نہیں کیے بلکہ جو بچ گئے وہ اسے دے دئے.
بڑی بیٹی کو احساس ہوا تو اس نے وہ سوٹ منجھلی بہن کو دے دئیے اور منجھلی بہن نے بھی خوشی خوشی قبول کر لیے انہیں بھی سمجھایا کہ ایسی صورت حال میں ایثار کرنا چاہیے اور بہن کو کہنا چاہیے تمہیں یہ پسند ہے تو لے لو، یہ تعلیم تو آپ کے لیے بھی ہے نا !
پھر میں نے انہیں قرون اولیٰ کے مسلمانوں کا ایک قصہ سنایا کہ قرون اولیٰ میں مسلمانو ں کی ایک غریب بستی میں جہاں سب ہی فاقے سے تھے تو کسی ایک گھر میں بکری کی سری کسی نے تحفے میں بھیج دی گر چہ وہ پوری فیملی بھی فاقے سے تھی لیکن انہوں نے یہ سوچ کر کہ شاید ہمارا مسلمان بھائی ہم سے زیادہ ضرورت مند ہو پڑوس میں بھیج دی جس گھر میں گئی اس نے بھی یہ سوچ کر اگلے گھر میں بھیج دی یہاں تک کہ وہ بکری کی سری واپس گھوم کر اسی گھر میں آگئی. پھر گھروالوں نے اس کا سالن بنایا اور آس پڑوس میں تقسیم کر دیا۔
میرے بچو! دین دماغ میں بٹھا کر بڑی بڑی تقریریں اور تحریریں لکھنے کا نام نہیں ہے بلکہ یہ و جود پر نظر آنا چاہیے
ایک مثال سےسمجھو
آپ کے پاس لیپ ٹاپ ہے؟
بچوں نے کہا کہ ہاں بالکل ہے ۔
میں پوچھا اس میں ونڈو بھی ہے کیا؟
کہنے لگے بابا بغیر ونڈو انسٹال کیے وہ لیپ ٹاپ کسی کام کا ہی نہیں بلکہ محض کچرا ہے.
میں نے کہا بھئی ونڈو کاپی کرو اور صرف ہارڈ ڈرائیو میں پیسٹ کر دو
بچوں نے کہا پھر بھی کوئی فائدہ نہیں جب تک ونڈو کا سیٹ اپ نہ چلایا جائے.
بس بچوں یہ ہی بات تمہیں سمجھانی تھی کہ اگر دین اسلام صرف دماغ کی ہارڈ ڈرائیو میں رہے گا تو فائدے مند نہیں ہو گا جب تک ہمارے وجود میں انسٹال نہ ہو جائے اور دین کے سیٹ اپ کے بغیر ہمارا وجود محض کچرے سےزیادہ اہمیت نہیں رکھے گا.
اسمعیل بدایونی
۔
۔
۔
▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
https://play.google.com/store/apps/details?id=com.arshad.rahihijaziurducalender
چلتے رہنا اصل ہے

چلتے رہنا اصل ہے، عمل کرنا کام ہے، مانگتے رہنا لازم ہے
کمزوری بھی آئے گی، بہتری بھی آئیگی، غلط کام ہوگئے تو توبہ بھی کرنی ہے لیکن ہر حال میں چلتے رہنا ہے۔
ریاکاری کی سوچ بھی چھوڑ دی جائے، بس کام کرنا ہے، دن کے معمولات بنانے ہیں۔
دن کے معمولات پورے ہوں۔
پانچ وقت کی بروقت نمازیں، مسنون تسبیحات، قرآن پاک کی متعین تلاوت(ربع یا نصف یا جو بھی آسان ہو لیکن روزانہ، پھر رفتہ رفتہ بڑھاتے جائیں)
مسلمانوں کے چھ بنیادی حقوق پورے ہوں۔ سلام کا جواب، عیادت، تعزیت، دعوت قبول کرنا اگر شرعی عذر نہ ہو۔۔۔۔۔
مالی معاملات شفاف ہوں۔
معاشرت درست ہو۔ والدین، بہن بھائی، رشتہ دار یا جن سے بھی واسطہ پڑے۔ بڑوں کا ادب، چھوٹوں سے شفقت۔
غیبت، بدگمانی، چغلی اور دیگر کبیرہ گناہوں سے بچنا ہو اور آسان بھی ہے کہ گنے چُنے ہیں۔
اس کے ساتھ ساتھ اللہ پر نظر ہو۔
اللہ پاک اپنی طرف چلنے والے کو کبھی ضائع نہیں کرتے بلکہ اپنی رحمت سے ایسے بندے یا بندی کو اپنی طرف جذب کرتے رہتے ہیں۔ رحمت کا مطلب ہی قرب عطا کرتے جانا ہے۔ درود شریف سے بھی قرب بہت ملتا ہے۔
جب زیادہ منفی یا مایوسانہ یا یکسانیت یا اکتاہٹ والی سوچیں آئیں تو ہلکی پھلکی باتوں یا ہلکے پھلکے کاموں کی طرف لگنا چاہے جن سے دل خوش ہو۔ پسند کی چیز بنا لی، پسند کی چیز کھالی ، ہلکا پھلکا مذاق کرلیا، بچوں سے کھیل لیا۔
چلتے رہنا اصل ہے۔
اللہ پاک اپنی طرف چلنے والے کو ضائع نہیں کرتے، یہی قانونِ خداوندی ہے۔
۔۔۔۔۔۔ ۔۔۔۔۔۔۔ ۔۔۔۔۔۔۔۔
🖊️آفاق احمد
ـــــــــــــــــــــــــــــــــــ
انتخاب: ایمن ثناء

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
https://play.google.com/store/apps/details?id=com.arshad.rahihijaziurducalender
● عورتوں کے بارے میں وہ پانچ باتیں جو اکثر مردوں کو یاد ہوتی ہیں ۔

1- ""إن كيدهن عظيم"" عورتوں کی چال بہت خطرناک ہوتی ہے ۔

2- ""مثنی و ثلاث ورباع"" دو، تین، چار عورتوں سے نکاح کرو ۔

3- ""النساء ناقصات عقل و دين"" عورتیں عقل اور دین کے اعتبار سے ناقص ہوتی ہیں ۔

4- ""الرجال قوامون على النساء"" مرد عورتوں پر سربراہ ہیں ۔

5- ""للذكر مثل حظ الأنثيين"" (وراثت میں) مرد کے لیے دو عورتوں کے برابر حصہ ہے ۔

● عورتوں کے بارے میں وہ پانچ باتیں جو اکثر مردوں کو یاد نہیں رہتیں ۔

1- ""وعاشروهن بالمعروف"" عورتوں کے ساتھ بھلائی کے ساتھ زندگی گزارو ۔

2- ""استوصوا بالنساء خيرا"" عورتوں کے بارے میں میری وصیت کا خیال رکھنا ۔

3- ""رفقا بالقوارير"" (عورتیں شیشے کی طرح ہیں) ان شیشوں کے ساتھ نرمی سے پیش آؤ ۔

4- ""خيركم خيركم لأهله وأنا خيركم لأهلي"" تم میں بہترین وہ شخص ہے جو اپنے اہل خانہ کے لیے بہترین ہو اور میں تم میں اپنے گھر والوں کے لیے سب سے بہتر ہوں ۔

5- ""ما أكرمهن إلا كريم وما أهانهن إلا لئيم"" عورتوں کی عزت وہی کرے گا جو خود عزت دار ہوگا اور ان کی اہانت اور بے عزتی وہی کرے گا جو خود بے عزت ہوگا ۔

منقول
https://t.me/MSuffah
👍4
💐🌼🌼🌼💐

کسی غمگسار کی محنتوں کا یہ خوب میں نے صلہ دیا ،
کہ جو میرے غم میں گھلا کیا اسے میں نے دل سے بھلا دیا .

جو جمالِ روئے حیات تھا، جو دلیلِ راہِ نجات تھا ،
اسی رہبر کے نقوش پا کو مسافروں نے مٹا دیا .

میں ترے مزار کی جالیوں ہی کی مدحتوں میں مگن رہا ،
ترے دشمنوں نے ترے چمن میں خزاں کا جال بچھا دیا .

ترے حسن خلق کی اک رمق مری زندگی میں نہ مل سکی ،
میں اسی میں خوش ہوں کہ شہر کے در و بام کو تو سجا دیا .

ترے ثور و بدر کے باب کے میں ورق الٹ کے گزر گیا ،
مجھے صرف تیری حکایتوں کی روایتوں نے مزا دیا .

ترا نقشِ پا تھا جو رہ نُما ، تو غُبارِ راہ تھی کہکشاں ،
اسے کھو دیا تو زمانے بھر نے ہمیں نظر سے گِرا دیا .

مرے رہنما ترا شُکریہ کروں کس زباں سے بھلا ادا ،
مری زِندگی کی اندھیری شب میں چراغِ فِکر جلا دیا .

یہ مرى اِرادتِ بے بصر ، یہ مری عقیدتِ بے ثَمَر ،
مُجھے میرے دعوائے عِشق نے نہ صَنم دیا نہ خُدا دیا .

کبھی اے عنایتِ کم نظر ! ترے دل میں یہ بھی کسک ہوئی ،
جو تبسمِ رخِِ زیست تھا اسے تیرے غم نے رلا دیا .

✍ پروفیسر عِنايت علی خان
https://t.me/MSuffah
ارتداد کی طرف بڑھتے قدم!

شمع_فروزاں

مولانا خالد سیف اللہ رحمانی
_____

ایمان کچھ حقیقتوں کو ماننے کا نام ہے ، جن میں سب سے اہم اللہ پر ، رسول پر ، اللہ کی کتاب پر اور آخرت پر ایمان لانا ہے ؛ لیکن رسول اللہ ﷺنے صرف ایمانیات ہی پر زور نہیں دیا ؛ بلکہ عبادات ، معاملات اور زندگی کے تمام شعبوں میں اپنی ہدایات سے سر فراز فرمایا اور پوری قوت اور تاکید کے ساتھ اُمت ِمسلمہ کو ان تعلیمات پر کار بند رہنے کی تلقین فرمائی ؛ کیوں کہ کسی قوم کے لئے اپنے تشخص کو بر قرار رکھنا صرف عقیدہ کے ذریعہ ممکن نہیں ؛ بلکہ تہذیب و معاشرت کو بھی اس میں بڑا دخل ہے ، ہندوستان میں کتنی ہی قومیں ہیں جو آج ہندوستان کا حصہ بن چکی ہیں ، وہ اعتقادی اور نظریاتی اعتبار سے اپنا الگ وجود رکھتی ہیں ؛ لیکن انھوں نے دوسری قوموں سے سماجی اور تہذیبی فاصلہ قائم نہیں رکھا ، رہن سہن ، لباس و پوشاک ، خور د و نوش ، شادی بیاہ ، خوشی اور غم کی تقریبات وغیرہ میں انھوں نے اپنا رنگ برقرار نہیں رکھا ، اس کا نتیجہ یہ ہوا کہ آہستہ آہستہ انھوںنے اپنا تشخص کو کھو دیا اور آج ہندوستان ان کو اپنا ایک حصہ تصور کرتا ہے۔
اس وقت پوری دنیا میں اس بات کی کوشش کی جارہی ہے کہ مسلمانوں کو ان کے مذہبی تشخص سے محروم کر دیا جائے ؛ کیوں کہ جب کوئی قوم اپنی سماجی انفرادیت سے محروم ہو جاتی ہے ، تو وہ آہستہ آہستہ دین و مذہب ہی سے اپنا رشتہ توڑ لیتی ہے اور اگر وہ کسی دوسرے مذہب کے دائرہ میں داخل نہ ہو ، جب بھی الحاد و انکار کا راستہ اختیار کر لیتی ہے ، یا کم سے کم وہ مذہب کے بارے میں غیر سنجیدہ رویہ اختیار کر لیتی ہے ، غیر سنجیدہ رویہ سے مراد یہ ہے کہ مذہب سے اس کی کوئی ذہنی اور فکری وابستگی نہیں ہوتی ؛ البتہ وہ اسے ایک خاندانی روایت سمجھ کر ڈھوتی رہتی ہے ، مذہبی اقدار پر اس کا کوئی یقین نہیں ہوتا ؛ البتہ خاندانی روایت کے تحت خاص خاص مذہبی تقریبات اور تہواروں میں اس کی شرکت ہو جاتی ہے اور گاہے گاہے کچھ عبادت کی توفیق میسر آجاتی ہے ؛ لیکن حلال و حرام ، معاملات ، کسب ِمعاش اور سماجی زندگی میں مذہب کے لئے کوئی خانہ نہیں ہوتا ، اسی کیفیت کو میں نے ’’ تہذیبی ارتداد‘‘ سے تعبیر کیا ہے ۔
یہ ارتداد دبے پاؤں آتا ہے ، غیر محسوس طریقہ پر داخل ہوتا ہے اور ایسا میٹھا زہر بن کر حلق سے اتر تا ہے کہ زہر کھا کر بھی انسان تحسین و آفریں کے کلمات کہہ اُٹھتا ہے ، یہ ارتداد نہ سوئے ہوؤں کو جگاتا ہے ، نہ غافلوں کو متوجہ کرتا ہے ، نہ فکر مند دِلوں میں تلاطم پیدا کرتا ہے ، نہ قلب و ذہن کو جھنجھوڑتا ہے اور نہ اس کی وجہ سے سماج میں کوئی ہلچل پیدا ہوتی ہے ، یہ اس بیماری کی طرح ہے ، جو بظاہر ہلکی ہو؛ لیکن بتدریج انسان کو موت کی طرف لے جائے اور یہ ایسا نشہ ہے کہ مقتول خود قتل کی طرف بڑھتا چلا جاتا ہے ، اس لئے اس ارتداد کو خوب سمجھنے ، اس کے اسباب پر نظر رکھنے اور اس کے نتائج و عواقب پر غور کرنے کی ضرورت ہے ۔
اس وقت پوری دنیا جو بنیادی طور پر یہودی دماغ اور یہودی منصوبہ بندی کی آلۂ کار بنی ہوئی ہے اور اس کے اشارۂ چشم و ابرو پر رقصاں ہے ، اس بات کے لئے کوشاں ہے کہ اگر مسلمانوں کو کھلے عام مرتد نہیں کیا جاسکتا ، تو ان پر ایسی زبر دست تمدنی یلغار کردی جائے کہ وہ خوشی خوشی تہذیبی ارتداد کو قبول کر لیں اور اس مقصد کے لئے اتنے طاقتور حربے استعمال کئے جار ہے ہیں ، بظاہر اس سے زیادہ دُور رس اور قوی و مؤثر کوئی اور ذریعہ نہیں ، ٹی وی نے اس رفتار کو بہت تیز کر دیا ہے اور ڈش انٹینا کی وجہ سے مسلمان اور مشرقی ملکوں میں ایسے فحش پروگرام کا ایک طوفان سا آگیا ہے کہ جن کا اسلام اور مسلم سماج میں تصور بھی نہیں کیا جاسکتا تھا ، اب انٹرنیٹ نے اس تہذیبی یلغار کو مزید طاقتور بنا دیا ہے اور ایک ایسی چیز جو بہترین تعمیری اور تعلیمی مقاصد کے لئے استعمال ہو سکتی تھی ، وہی چیزیں انتہائی تخریبی اور غیر اخلاقی مہم جوئی کا آلۂ کار بنی ہوئی ہیں ، اب جو نئی معاشی اصلاحات کا عمل پوری دنیا میںجاری ہے اور ’’عالمیانے ‘‘ کی نئی اصطلاح شروع ہوئی ہے ، اس کے نتیجہ میں مغربی صحافت ، مغربی لٹریچر اور مغربی کمپنیوں کے وساطت سے مخرب اخلاق غذائی اور غیر غذائی اشیاء کی آمد کا ایک سیل بلا جاری و ساری ہے ۔
اس وقت اس منصوبہ کے نقوش مشرقی علاقوں میں اور مسلم ملکوں میں نہایت واضح طور پر دیکھے جاسکتے ہیں ، ادھر چند سالوں میں عرب اور اسلامی ممالک میں خواتین کے لباس اس قدر تبدیل ہو گئے ہیں کہ امریکی و یورپی ملبوسات اور عرب خواتین کے ملبوسات میں کوئی فرق باقی نہیں رہا ، بہت سے عرب اور مسلم ممالک وہ ہیں جہاں عوام تو کجا ، علماء بھی داڑھی نہیں رکھتے ، ڈاڑھی جسے کسی زمانہ میں صلاح و تقویٰ اور شرافت و اعتماد کی علامت سمجھا جاتا تھا ، اب دہشت گردی اور شدت پسندی کی پہچان سمجھی جاتی ہے ، مجھے ایک بار حج کے موقع سے مکہ مکرمہ میں ایک ہوٹل میں ٹھہرنے کا
اتفاق ہوا ، جس کے استقبالیہ پر ایک دین دار ، خوش شکل ، مصری نوجوان لڑکا بیٹھا کرتا تھا اور اس کے چہرے پر داڑھی بہت بھلی محسوس ہوتی تھی ، میں اکثر عشاء کے بعد مسجد سے واپس ہوتے ہوئے دو چار منٹ اس کے پاس بیٹھ جاتا ، کبھی مذہب پر ، کبھی عربی زبان کے بارے میں اور کبھی مصر میں مسلمانوں کے حالات کے متعلق اس سے گفتگو ہوتی ، وہ بہت برجستہ اور بہت ہی بلیغ اور سہل عربی زبان میں گفتگو کرتا اور بہت ہی اخلاق و مروت سے پیش آتا ، اس لئے اس نوجوان سے گفتگو کرتے ہوئے لطف سا آتا تھا ، میں نے ایک دن کہا کہ مصر کے لوگ اکثر داڑھی نہیں رکھتے ؛ لیکن تم نے جو یہ داڑھی رکھی ہے ، یہ بہت اچھی بات ہے ، اس سے تمہارے چہرے پر ایک نورانیت اور معصومیت سی معلوم ہوتی ہے ، میری یہ بات سن کر وہ افسردہ سا ہو گیا اور اس نے سنجیدہ ہو کر کہا کہ شیخ آپ سچ کہتے ہیں ، میں داڑھی رکھنا چاہتا ہوں ؛ لیکن مصر میں داڑھی رکھنے میں بڑی مشکلات ہیں ، ہمارے یہاں داڑھی رکھنے والوں کو باضابطہ اپنا رجسٹریشن کرانا پڑتا ہے ، میں جب پہلی بار داڑھی رکھ کر اپنے وطن گیا تو مجھے سات آٹھ گھنٹہ ایر پورٹ پر تفتیش کے لئے روک لیا گیا اور میرے پورے اہل خاندان کو طلب کیا گیا ، جن میں میری ماں اور بہنیں بھی تھیں اور ان سے بھی کافی دیر تک تفتیش کی گئی ، اس کے بعد سے مجبوراً میں مصر جاتے ہوئے اپنی داڑھی صاف کرا لیتا ہوں اور واپسی کے بعد پھر داڑھی رکھ لیتا ہوں ۔
غور کیجئے ! کیسا غضب ہے کہ ایک مسلمان ملک میں مسلمانوں کو داڑھی رکھنے کی اجازت نہ ہو ، کاش یہ اسرائیل ہی سے سبق حاصل کرتے جہاں یہودی مذہبی طبقے کے داڑھی رکھنے کی حوصلہ افزائی کی جاتی ہے ، جب مسلمان ملکوں میں بسنے والے مسلمانوں کا یہ حال ہے تو ان مسلمانوں کے بارے میں کیا کہا جائے ، جو مغربی ثقافت کی آغوش میں محو غفلت ہیں اوراسے دنیا ہی میں جنت تصور کرتے ہیں ۔
اس وقت صورتِ حال یہ ہے کہ مغربی ممالک نے عرب اور اسلامی ممالک اور مختلف علاقوں میں بسنے والے تارکین وطن مسلمانوں کے لئے نہایت فراخ دلی کے ساتھ اپنا دامن دل کھول رکھا ہے ، انھیں شہریت دی جاتی ہے ، انھیں ملازمت اور مزدوری کے مواقع ملتے ہیں ، اور انھیں اپنے ملکوں سے بڑھ کر شہری حقوق دے دیئے جاتے ہیں ، تارکین وطن خوش ہیں کہ انھیں پھلنے ، پھولنے اور آگے بڑھنے کے بھر پور مواقع ہاتھ آ رہے ہیں ؛ لیکن انھیں نہیں معلوم کہ وہ ان ممالک کے ہاتھوں اپنی اگلی نسلوں کا سودا کر رہے ہیں ؛ چنانچہ لاکھوں عرب اور فلسطینی جو پچاس سال پہلے امریکہ گئے ، اب ان میں اپنے مسلمان ہونے کی پہچان بھی باقی نہیں رہی، مذہبی شعور رُخصت ہوا ، رہن سہن بدل گیا ، زندگی کے طور و طریق تبدیل ہو گئے ، یہاں تک کہ ان کے نام میں بھی مسلمانیت کی کوئی بو باقی نہیں رہ گئی ہے ؛ حالاں کہ ان کے آباء و اجداد راسخ العقیدہ مسلمان اور عرب تہذیب کے علمبردار بن کر یہاں آئے تھے ، اگر آج ان گذری ہوئی روحوں کو دوسری زندگی دے دی جائے تو شاید ہی وہ خود اپنی نسل اور اپنی اولاد کو پہچان سکیں ، یہ ہے اس تہذیبی ارتداد کا اثر ، جو بتدریج افراد و اقوام کو فطری اور اعتقادی ارتداد کی طرف لے جاتا ہے !
اسی پس منظر میں رسول اللہ ﷺنے ارشاد فرمایا کہ جس نے کسی قوم کی مشابہت اورمماثلت اختیار کی ، وہ ان ہی میں سے ہو گیا ، اس روایت کو امام ابو داؤد نے حضرت عبداللہ بن عمرؓ اور امام طبرانی ؒنے حضرت حذیفہ بن الیمان ؓ سے روایت کیا ہے اور علامہ سیوطیؒ نے اس حدیث کو ’’ حسن ‘‘ یعنی مقبول قرار دیا ہے ، (الجامع الصغیر، حدیث نمبر: ۸۵۹۳) رسول اللہ ﷺ کے اس ارشاد میں عقیدۂ و ایمان میں غیر مسلموں سے مماثلت مراد نہیں ہے ؛ کیو ںکہ جو شخص عقیدہ کے اعتبار سے غیر اسلامی فکر اختیار کرلے ، وہ تو پہلے ہی سے مسلمان نہیں ہے ، اس کے غیرمسلموں سے مشابہت اختیار کرنے کے کیا معنی ؟ لہٰذا اس حدیث میں عملی اور سماجی زندگی میں غیر مسلموں کے تشبہ سے منع فرمایا گیا ہے اور مختلف مسائل میں حضورﷺکی تشریح و توضیح نے اس نکتہ کو مزید واضح کیا ہے ، مثلاً آپ ﷺنے سورج نکلنے ، سورج ڈوبنے اور سورج کے نصف آسمان پر ہونے کے وقت نماز پڑھنے سے منع فرمایا ہے ، (مسند بزار:۳؍۸۶، حدیث نمبر: ۸۵۸) اس کی وجہ کیا ہے ؟ یہ کہ یہی اوقات عام طور پر مشرک اورآفتاب پرست قوموں کی عبادت کے رہے ہیں ، جو قومیں سورج کی پرستار ہیں ، وہ ان ہی اوقات میں سورج کی پوجا کرتی ہیں ، اس لئے ان اوقات میں مسلمانوں کو نماز پڑھنے سے منع فرمایا گیا ۔
روزہ میں حکم دیا گیا کہ افطار جلدی کیا جائے ، افطار میں تاخیر نہ کی جائے ؛ کیوںکہ افطار میں تاخیر اہل کتاب کا طریقہ ہے ، یومِ عاشوراء کے ساتھ مزید ایک روزہ رکھنے کا حکم ہوا ؛ کیوں کہ اس دن یہود بھی روزہ رکھا کرتے تھے ؛ تاکہ مسلمان اپنی عبادت میں ان سے ممتاز رہیں ، حج میں بہت سے ایسے افعال جن کو مشرکین بہت اہمیت دیتے تھے ، اسلام نے ان کو ختم کیا ، یا ان میں تبدیلی پیدا کی، پھر یہی
ہدایات آپ نے وضع قطع اور لباس و پوشاک کے بارے میں بھی دی ، مجوسی داڑھی منڈایا کرتے تھے ، بعض قومیں داڑھی بڑھایا کرتی تھیں ، آپ ﷺنے ان دونوں باتوں سے منع فرمایا ، اہل ایران اظہار فخر کے لئے ٹخنوں سے نیچے کپڑے پہنتے تھے ، آپ ﷺنے اس پر سخت نا پسندیدگی کا اظہار فرمایا ، اہل مکہ سر میں مانگ بھی نکالا کرتے تھے ؛ چنانچہ مکی زندگی میں آپ نے سیدھے بال رکھنے کو پسند فرمایا ؛ تاکہ مسلمان ان سے ممتاز رہیں ، مدینہ میں یہود سیدھے بال رکھتے تھے ، تو وہاں آپ نے مانگ نکالنے کو پسند فرمایا ، پھر جب تمام عرب نے اسلام قبول کر لیا ، تو آپ ﷺنے دونوں طرح بال رکھنے کی اجازت مرحمت فرمادی، اسی طرح عرب یا تو صرف ٹوپی پہنتے تھے ، یا صرف عمامہ باندھتے تھے ، رسول اللہ ﷺنے صحابہ کو ابتداء ً ہدایت دی تھی کہ وہ ٹوپی اور عمامہ دونوں کا استعمال کریں ؛ تاکہ ان کے اور مشرکین کے درمیان امتیاز باقی رہے ، بعد کو جب اہل عرب ایمان لے آئے ، تو آپ نے صرف ٹوپی یاصرف عمامہ کے استعمال کی بھی اجازت مرحمت فرمائی ۔
دین کا یہ مزاج کہ مسلمانوں کو قومی اعتبار سے دوسری اقوام سے ممتاز اور مشخص رہنا چاہئے ، فقہاء نے بھی اپنے اجتہاد و استنباط اور قانون شرع کی تشریح و توضیح میں ہمیشہ اس کو ملحوظ رکھا ہے اور لباس و پوشاک ، خور د و نوش ، عبادات ، یہاں تک کہ عبادت گاہوں کے طرزِ تعمیر وغیرہ ہر مرحلہ پر ایک بنیادی اُصول کی حیثیت سے اس بات کو پیش نظر رکھا ہے کہ مسلمان ایک امتیازی شان کے حامل ہیں اور وہ اپنے دین و مذہب اور تہذیب و تمدن میں دوسری قوموں سے ممتاز اور مشخص رہیں ؛ کیوں کہ جب کوئی قوم اپنی تہذیب سے محروم ہوجاتی ہے اور تمدن وثقافت کے میدان میں در یوزہ گری پر اُتر آتی ہے تو پھر آہستہ آہستہ وہ اپنے فکر و عقیدہ سے ہی ہاتھ دھو بیٹھتی ہے ۔
ہندوستان میں اس وقت اس بات کی بھر پور کوشش کی جارہی ہے کہ مسلمان نماز پڑھیں ، مسجدوں کو جائیں ، عید بقرعید وغیرہ کر لیا کریں ؛ لیکن اسلامی تہذیب کو خیر باد کہہ دیں ، اس کے لئے بظاہر معمولی ؛ لیکن نتائج کے اعتبار سے دُور رس اقدامات کئے جارہے ہیں، نصابِ تعلیم میں تبدیلی لائی جا رہی ہے ، ہندو ازم کو ایک نظریۂ وعقیدہ کے بجائے قومی ثقافت کے روپ میں پیش کیا جارہا ہے ، اسکولوں میں دیویوں ، دیوتاؤں کی مورتیاں رکھی جاتی ہیں ، ہندو مذہبی تقریبات میں مسلمانوں کو دعوت دی جاتی ہے اور انھیں شریک کیا جاتا ہے اور ہمارے مسلمان نوجوان دیوالی اور ہولی میں ذوق و شوق کے ساتھ شریک ہو رہے ہیں ، مردوں اور عورتوں کے لئے دھوتی نما پائجامہ بنائے جارہے ہیں ، بہت سے علاقوں میں مسلمان عورتیں ہندوانہ رسم و رواج کے مطابق سیندور لگاتی ، یا کالی پوت کے ہار پہنتی ہیں ، بین مذہبی شادی بیاہ کا رواج بھی بڑھ رہا ہے ، بعض جگہ مسلمان بچوں کے ہندی نام بھی رکھے جارہے ہیں، ٹی وی پروگراموں کا ہندو کرن کیا جارہا ہے اور ہندو دیوتاؤں اور فرمانرواؤں کو قومی ہیروز کے روپ میں پیش کیا جارہا ہے اور اس طرح کی بہت سی چیزیں ہیں ، جو ہمارے سماج میں دبے پاؤں آگے بڑھ رہی ہیں ، آج ہم ان کے قدموں کی آہٹ سننے سے قاصر ہیں؛ لیکن اگر ہم نے حالات کو محسوس نہیں کیا تو مستقبل میں اس سے ناقابل تلافی نقصان کا اندیشہ ہے ، اس لئے اس وقت اس تہذیبی ارتداد کی طرف بڑھتے ہوئے قدم کو پوری قوت کے ساتھ روکنے کی ضرورت ہے کہ یہ محض سیاسی و ثقافتی مسئلہ نہیں ؛ بلکہ اپنے دُور رس اثرات کے اعتبار سے ہمارے ملی بقا اور دینی تحفظ کا مسئلہ ہے !
▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
https://play.google.com/store/apps/details?id=com.arshad.rahihijaziurducalender&hl=en
(SC#1501342) ''Nazar Ki Hifazat Ka Aik Sabaq Amooz Waqia" - Molana…
Darsequran.com
انٹرنیٹ اور حیا کا خاتمہ :
مولانا طارق جمیل صاحب
ـــــــــــــــــــــــــــــــــــ
جس کی نظر نیچی ہوتی ہے پوری دنیا کے شیطان مل کر بھی اسے گمراہ نہیں کرسکتے! جس کی نظر اٹھ جاتی ہے یعنی کہ بے حیا ہوجاتی ہے پوری دنیا کے جنید بغدادی رح اس کے دل کو پانی نہیں لگاسکتے اور اس کے دل کو نرم نہیں کرسکتے ـ آج میڈیا انٹرنیٹ نے آنکھوں سے حیا کو بلکل ہی ختم کردیا ہے اس بیان کو سنیں اور پختہ اراده کریں کہ اب ہم اس موبائل کے زریعے کوئی ایسا کام نہیں کریں کہ جو بے حیائی کا کام ہو!

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
نیک لوگ چلے جائیں گے

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
سوال نمبر 17:- حضوراکرم صلى الله عليه وسلم کی ولادت ربیع الاول کی کس تاریخ کو ہوئی؟
Telegram.me/MSuffah
Anonymous Quiz
54%
۱۲ ربیع الاول
42%
۹ ربیع الاول
1%
۱۰ ربیع الاول
2%
۱۳ ربیع الاول
اے اللہ پاک بس وہی کام آسان ہیں جسے تو آسان کر دے اور جب تو چاہتا ہے تو ہر مشکل کام کو آسان کر دیتا ہے۔ یقینًا اے الله پاک آپ نے ہماری ہدایت کے لئے قران پاک نازل فرمایا، اے غفور ورحیم رب ہمیں ہدایت یافتہ لوگوں میں شمار فرما لیجیئے، اے اللہ پاک ہمیں غم دکھ درد اور پریشانی والی زندگی سے بچا لیجیئے، ہمیں عقل و شعور عطا فرما کہ ہم تیرے راستے پہ درست اور صحیح طریقے سے عمل کریں اور زندگی گزاریں، ہماری خطاوں کو اپنی رحمت سے معاف فرما، ہمیں صحت و تندرستی کامل ایمان و عاجزی والی زندگی عطا فرما اور ہماری تمام نیک خواہشات پوری فرما۔
یارب العزت ہم سب کے لیے آسانیاں پیدا فرما اور ہمیں آسانیاں تقسیم کرنے کی توفیق عطا فرما۔آمیـن یارب العالمین
👍3
اللہ کا رنگ سب رنگوں سے بہتر ہے
▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
👍2
This media is not supported in your browser
VIEW IN TELEGRAM
اذان کہاں سے دی جائے؟

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
👍2
کیا یہ حقیقت نہیں ہے........؟؟؟

🌴 تکبیر_مسلسل🌴

کیا یہ حقیقت نہیں ہے کہ ہم اپنے ذاتی کردار کے حوالے سے انتہائی پست اور ناقابل بیان حالت میں مبتلا ہیں۔ ہم میں کتنے لوگ ہیں جو اپنے اوپر اللہ کی شریعت پورے طور پر نافذ کرنے کے لیے بخوشی تیار ہوں، جو دوسروں کے حقوق کی ادائیگی پوری ذمہ داری سے کرنا چاہتے ہوں اور کرتے ہوں، جو عبادات کا حق نہیں، فرض ہی ادا کرنے کے لیے تیار ہوں، جو صداقت وشجاعت اور دیانت وامانت کے اوصاف سے متصف ہوں، جن کے اخلاق، اسلامی اور نبوی اخلاق کا نمونہ ہوں، جو اپنی زبان یا ہاتھ سے دوسروں کو تکلیف نہ پہنچاتے ہوں، جو اپنے ذاتی فائدے کے لیے ملت کو یا کسی دوسرے انسان کو نقصان پہنچانے سے پرہیز کرتے ہوں، جو اپنے منصبی فرائض پوری ذمہ داری سے ادا کرتے ہوں، جو اپنے حصے کی ذمہ داری پوری کرکے اللہ سے مدد مانگتے ہوں جن کو تنہائی میں یہ یاد رہتا ہو کہ ہمارا رب ہمیں دیکھ رہا ہے، جو اپنے رب سے استغفار کااہتمام کرتے ہوں جو رسولِ اکرم صلی اللہ علیہ وسلم کی سنت کے مطابق زندگی گذارنے کو باعثِ عزت سمجھتے ہوں، جو اپنے کلمہ گو بھائیوں سے حسد نہ رکھتے ہوں، جو اللہ کے کلام مقدس کی تلاوت کا اہتمام کرتے ہوں اور اسے سمجھنے اور اس پر عمل کرنے کی سنجیدہ فکر رکھتے ہوں۔ اگر ایسے لوگوں کی تعداد ہم میں کم ہے اور یقینا کم؛ بلکہ بہت کم ہے تو پھر ہم کس منہ سے اپنے آپ کو اللہ کی مدد کا مستحق گردانتے ہیں۔ ضرورت ہے کہ انتہائی سنجیدگی کے ساتھ ہر فرد اپنی اصلاح کی فکر کرے اور اپنے رب سے اپنا تعلق استوار کرے۔

حضرت مولانا محمد سلمان بجنوری صاحب دامت برکاتہم

پیشکش: سوشل میڈیا ڈیسک آل انڈیا مسلم پرسنل لا بورڈ

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬ https://play.google.com/store/apps/details?id=com.arshad.rahihijaziurducalender
کمرہ صاف کیجیے

اگر آپ کو ایک کمرے کی صفائی پر مامور کیا جائے جو دھول اور جالوں سے اٹا ہوا ہو۔ جس کے دیوار و در کا رنگ اڑا ہوا ہو اور جس میں سجے فانوس و گلدان کی چمک پوری طرح ماند پڑچکی ہو۔
۔
کیا کریں گے آپ؟ کیسے کریں گے اسے صاف؟
۔
میرے حساب سے درست اقدام کی ترتیب کچھ یوں ہوگی۔
۔
1۔ سب سے پہلے وہ کھڑکیاں وہ دریچے بند کیجیئے، جہاں سے مزید دھول و گندگی اندر نہ آسکے۔
۔
2۔ اس کے بعد اب جھاڑو پونچھا کپڑا لگا کر دھول و جالوں کو صاف کیجیئے۔
۔
3۔ جب صفائی ہوجائے تو پھر در و دیوار پر رنگ و روغن کیجیئے۔
۔
4۔ آخر میں پورے کمرے میں جہاں جہاں بھی درکار ہو خوب پالش کر کے چمکا ڈالیئے۔
۔
لیجیئے ہوگیا کمرہ صاف ! بلکہ نیا نویلا ۔۔ شائد پہلے سے بھی زیادہ جاذب و شاندار !
۔
کیا سوچ رہے ہیں کہ یہ مجھے کیا سوجھی جو کمرے کی صفائی کا طریقہ بتا رہا ہوں ؟ اور طریقہ بھی وہ جو شائد آپ کو پہلے سے ہی معلوم تھا ؟ 😊
۔
اچھا اب ایسا کیجیئے کہ کمرے کی صفائی کے بجائے قلب کی صفائی کا اہتمام کیجیئے۔
۔
یعنی پہلے نظر و فکر کی کھڑکیاں دریچوں پر کنڈی لگا کر پہرہ بٹھا کر قلب کے کمرے میں مزید گناہ ومنفیت کا داخلہ بند کردیجیئے۔
۔
پھر توبہ و استغفار کا کپڑا مار کر گناہوں کی دھول و سیاہی رگڑ رگڑ کر صاف کردیجیئے۔
۔
اب ذکر الٰہی، عبادات وغیرہ سے قلب کی بے رنگی کو نیا رنگ دیجیئے۔
۔
آخر میں اسے تدبر و تفکر اپنا کر وہ چمک دیجیئے کہ عکس نظر آنے لگے۔
۔
لیجیئے ہوگئی صفائی قلب، تذکیر قلب، تطہیر قلب ۔۔ شائد پہلے سے بھی زیادہ صاف و شفاف !
۔
طریق سادہ و آسان ہے۔ مگر عمل صبر و مستقل مزاجی کا متقاضی ہے۔ جو آسان نہیں۔
۔
====عظیم نامہ====

▬▭▭▭▭▭▭▭▭▭▬
  مَکْتَبُ الصُّفَّهْ اچلپور
Maktabus Suffah Achalpur
👇🔻👇🔻👇🔻👇
https://t.me/MSuffah
▬▭▭▭▭▭▭▭▭▭▬
https://play.google.com/store/apps/details?id=com.arshad.rahihijaziurducalender