🇺🇿MAHORATLI PEDAGOGLAR 2026 | KELAJAK SOATI

УЗБЕК ХАЛК УЙИНЛАРИ

Чиллак” ўйини
Мақсад: Болаларни жисмонан чиниқтириш, чўпларни узоқроқ отишга ўргатиш, уларни
кўз қири билан қанча чамалашга (масофа неча қадам чиқишини) ва уларни равон санашга
ўргатиш ҳамда нафас ростлаб югуришни ривожлантириш.
Керакли жихозлар: Болаларга бу ўйинни ўйнаш учун 2 дона ғишт ва тол дарахтидан
қилинган 2 дона чўп керак бўлади.
Ўйиннинг бориши: Биринчи болалар қуръа ташлаб ким биринчи бошлашини келишиб
оладилар. Кейин 2 дона ғиштнинг орасини 20 сантиметр узоқликда қўйиб ўйин бошланади.
Биринчи бола 1 та чўпни ғишт устига қўйиб иккинчи чўп билан пастдаги чўпни озгина юқори
кўтариб узоққа отади. Чўп тушган жой чизиб белгиланади. Ўйин бошлаган бола ғиштдан чўп
тушган жойгача неча таёқ чиқишини чамалаб айтиш лозим. Агар чўп тушган жой бола айтганидек
20 ёки 30 та таёқ чиқса, бола шунча очко тўплаган бўлади. Агар таёқ тушган жой 20 ёки 30 та
чиқмаса бола ютқазади ва ўйинни кейинги болага беради. Бу ўйинни уч киши ёки тўрт киши
ўйнаши мумкин. Энг кам очко тўплаган бола масалан 200, 300 ёки 1000, очко тўплаган бўлса
шунча жойни белгилаб, чиллик ғишти турган жойдан 1000 чўп чиқадиган жойгача “зув” сўзини
бир нафасда тўхтамасдан айтиб бориши керак ва чўпни ўша жойга қуйиши керак.

“Кесак қўйди” ўйини
Мақсад: Болаларнинг хотира, эслаб қолиш каби ҳислатларини шакллантиришга қаратилган.
Керакли жиҳозлар: Турли ҳажмдаги ўйинчоқлар, ўйинчи кўзини боғлаш учун рўмол.
Ўйиннинг бориши: Ўйинда барча болалар қатнашишлари мумкин. Ўртада ерга бир қанча
предметлар қўйилган бўлиб, болалар диққат билан предметларни кўриб оладилар ва 1, 2, 3, 4, 5, 6, 7
кетди деб санайдилар. “Кетди” сўзи кимга тақалса шу қатнашувчи кўзини юмиб туради.
Онабоши ўртадаги бирор предметдан ёнидаги болалар этагигами, стул орқасигами яшириб қўяди.
Кўзи юмилган бола ана шу яширилган предметнинг номини қайси болада эканлигини топиши
керак. Топа олмаса ўйновчиларнинг талабларига биноан шеър, топишмоқ айтиб беради. Ўйин
яна бошқа ўйновчининг кўзини юмиши билан бошланади. Ўйин шу тариқа давом этади.

“Қирқ тош” ўйини
Мақсад: болаларни масофани мўлжал олишга ва диққатни жамлаш ўргатиш.
Керакли жиҳозлар:спорт майдончаси, коптоклар, тошчалар.
Ўйиннинг бориши: Ўйинни майсазорда, спорт залида ёки майдончаларда ўтказиш
мумкин. Старт чизиғи бошлаб ҳар қайси бола учун бир хил оралиқда доиралар белгиланади. Ҳар
бир бола тош ёки биттадан латта коптокчани қўлида ўйнаб тайёрланиб туради. Тарбиячининг
буйруғи бўйича ҳар қайси бола белгиланган доирада югуриб бориб тошни ёки коптокни қўйиб ўз
жойига қайтиб келади. Охирги ўйинчи тошни бориб қўйиб қайтгандан кейин болалар тартиб
билан югуриб бориб ўз тошларини қайтариб олиб кетади. Қайси гуруҳ биринчи бўлиб ўз
тошларини териб олиб келса, ўша гуруҳ ғолиб ҳисобланади.

Bizning guruhga a'zo bo'lishni unutmang👇👇👇👇👇

https://t.me/Mahoratli_pedagoklar