🇺🇿MAHORATLI PEDAGOGLAR 2026 | KELAJAK SOATI

манга шу варақ ташланган эди. Шу вараққа жавоб ёздим.

295 views07:10

Ҳамкорликдаги ишлар режасини бажариш юзасидан тавсиялар
Ҳамкорлик иш режангизни кўрдим. Ҳар битта банди бўйича нима қилишингизга тавсиялар бераман.
1. Маҳалла оқсоқоли олдига чиқасиз сиз тузган режа лойиҳаси билан таништирасиз, уларнинг таклифларини оласиз ва режангизга киритасиз. Режа МФЙ га ва сизнинг раҳбариятингизга маъқул келса ҳар иккала томон режани имзолайдилар, муҳр қўядилар.
2.МФЙ нинг худудини маҳалладан аниқ биласиз, кўчаларни номини, кўп қаватли уйлар бўлса уларни сонини харитасини тузасиз. МТТ ташкилоти ходимлари билан ушбу харитани ўрганасиз. Ҳар битта кўчага ташкилот ходимларидан вакил бириктирасиз. Вакилларни қўлига МФЙ худудида қамраб олинмаган болаларни аниқлаш бўйича хатлов ўтказаётганликлари юзасидан МТТнинг ички буйруғидан кўчирма бериб , уларнинг вақтларини инобатга олган ҳолда хатловни бошлайсиз. Хатлов сизга келаси йилларда ҳам асқотиши учун 0ёшдан 7 ёшгача бўлган болаларни барчасини рўйҳатга киритасиз. Рўйҳатда қамраб олинмаган болаларга алоҳида эътибор берасиз. Яъни туғилган йили, манзили, ота-онаси ҳақидаги маълумотларни тўлиқ киритасиз. Мана шу хатлов орқали МТТда ташкил этиладиган қисқа муддатли гурухларни ташкил этсангиз бўлади. Албатта ташкил этиш учун туман МТБсининг буйруғи бўлиши керак.
3.Ҳар бир маҳаллада кам таъминланган, касалманд фарзандлари бор бўлган оилалар мавжуд. Уларга маънавий ёрдам кўрсатиш йўллари : МТТ раҳбарияти, Кузатув кенгаши ва МФЙ фаоллари билан ҳамкорликда МТТ даги тадбирларга таклиф этиш; мактабга тайёрлов гурух болалари билан бориб оиладаги фарзандлар билан турли ўйинларни ташкил этиш; қўл ишларидан бўлган совғаларни тақдим этиш; Кутилмаган меҳмонларни таклиф этиш ушбу оилага; ҳомийлар излаш ва уларни шу оиладаги болажонларни МТТ қамраб олиш чораларини кўриш ва бошқа имкониятларни ишга солиш лозим.
4.МТТ да ташкил этилган Кузатув кенгаши аъзоларидан 1 нафари маҳалла фаолларидан бири бўлиши лозим. Кузатув кенгаши йиғилишларида албатта МФЙнинг раисини таклиф этиш орқали маҳалладаги МТТ да олиб борилаётган таълим-тарбиявий жараён ҳамда ташкилотнинг моддий -техника базасини бойитишга қаратилган масалаларни кўтариш. Кам таъминланган оилаларни , касалманд болаларни ижтимоий ҳимоялаш масалаларини кўтариш, хашар уюштириш ва бошқа сизнинг фаолиятингизга фойдаси тегадиган мавзуларни олиб чиқишингиз мумкин.
5.МТТ да ташкил этиладиган байрам эрталикларига ҳар доим ота-оналарни таклиф этамиз. Сизга маслаҳатим ота-оналар байрамга келиб томошабин бўлмасинлар , балки шу байрамларда костюмер, пардозчи, эртак қахрамони, турли ўйинларни ташкиллаштирувчи сифатида ва бошқа вазифаларда ҳамкорлик қилсинлар. МФЙ фаолларини байрамга таклиф этиш эса ходимлар ва ота-оналар ўртасидаги ҳамкорликни кўрсатишдан, болаларни эркинлиги, уларни билим даражаларини намойиш этишдан иборат бўлади. Ўз ўрнида МФЙ фаоллари МТТ нинг фаолиятини маҳаллада реклама қилувчилардир.
6.Бугунги кунда МФЙ идоралари янги қурилиб имкониятлари анча кенгайган. Маҳалладаги 3-7 ёшли болалар ўртасида турли мавзуларда (Наврўз, Ватан ҳимоячилари, болалар куни, мустақиллик,)болаларни ижодларини намойиш этишдан иборат. Маҳалла қамраб олинмаган болалар ижодидан намуналар кўрсатса, МТТ ўз иқтидорли тарбияланувчилари билан қатнашади. Болалар ижоди доскаларга, деворларга, ойналарга ёпиштирилади . Унга туман мутасадиларидан таклиф этилади. Энг иқтидорли болалар МТТ кузатув кенгаши ва МФЙ фондидан рағбатлантирилади.
7. 9- май Хотира ва қадрлаш куни муносабати билан албатта МТТ да тайёргарлик кўрилади. Катта ва мактабга тайёрлов гурух болалари билан маҳаллла худудида яшайдиган карияларнинг уйларига концерт номерлари билан ташриф буюриш, чизган расм, ясаган аппликация ишларидан совғалар ташкил этиш мумкин. Расмларга олинади . Сиз борадиган хонадондаги инсон қайси ишлари билан хурматга савзовор бўлган. Нима учун уларни халқ қадрлашини болаларга ҳикоя қили бериш жоиздир.

451 views07:10

🇺🇿MAHORATLI PEDAGOGLAR 2026 | KELAJAK SOATI

8.МФЙ да яшовчи ибратли оилалар ҳам саноқли бўлади. Бу оилани нимаси ибратли. Оила аъзолари ҳақидаги маълумотлар берилади. Оилага келганда оила тарихи, улардаги қизиқарли воқеалар, саргузаштлар, фото суратлар, видеолар кўриш мумкин. Бунинг учун оилага олдиндан келиб олиб бориладиган суҳбатларни келишиб олиш керак бўлади.
Ҳурматли ҳамкасблар сайёҳатларга асосан катта ва мактабга тайёрлов гуруҳларимиз олиб чиқилади. Унда ҳам МТТ га яқин бўлган худудларга тарбиячи ёрдамчиси ва ташкилотдаги вақти бўлган мутахассислар, ота-оналардан вакиллар жалб этилган ҳолда .
Ҳар бир олиб борган ишларингизни суратга олинг ва қисқача маълумотнома ёзинг ва фото суратларни илова қилинг.

442 views07:10

🇺🇿MAHORATLI PEDAGOGLAR 2026 | KELAJAK SOATI

Ustoz Xusniya Rizayevadan tavsiyalar👆👆

429 views07:10

🇺🇿MAHORATLI PEDAGOGLAR 2026 | KELAJAK SOATI

Forwarded from DUNYO TV - Тезкор хабарлар | Расмий Канал⚡️