‏كبّرت عقلي ، وتكبير العقل نعمه
‏وهذّبت نفسي وتهذيب النفوس إكرام

‏تحدّني عن مجاراة البعض ذمّه
‏وتردّني عن تفاهات الأغبياء ، أحلام

‏أحلامي كبار .. وغيري صغّره حلمه
‏فـ الصحوة أحلم وهو يحلم إذا نام.

‏تباشير نفحات النسايم على المخنوق
‏ كريمة مساعي مثل تفريجة الكربه

‏– ناصر مناحي

‏أقسى مرحلة من مراحل الشوق :
‏"اليوم شوقي عليك أقوى من الحاجة
‏اللي تحد الفقير .. لراعي المنّة"
‏انشهد

عيش التفاؤل ، وخل السِلم يتّجهك ..
ولو بار فيك الحلم ؟ دوّر على غيره

وان شان وجه الزمان .. وقفّل بوجهك !
مع كل يوم " ابتسم " واستحضر الخيره

‏«بتاخذك الدنيا لأماكن ما أخترتها، لوداعات ما إستعديت لها راح تخليك تركض مع تيارها حتى و أنت ما عندك القدرة توقف على حيلك
‏تقبل و تعايش و تذكر إنها دنيا و ما فيها من الكمال شيء»

أيقنت أن القلوب تحّن
رغم الزعل والحزن والمشاكل
القلب صعب يقسى على محبوبه
- يحّن والله -

ياخيبة ظنوني.. ويا كبر القهر

‏"والذكريات اللي تمررها الطواري وأنت مار/
‏أبشرك مَـرت مرور النُّور بعيون الضرير......."
‏– بن ذنبوح

‏في وصف مشاهد الفراق الإجبارية، يقول الرافعي :
‏"ومضى كل منهما في طريق والقلب يلتفت"

‏ويقول راكان بن ملهي :
‏"والله إن أقسى من البعد وأوقات الوداع
‏لحظةٍ يمشي بها الشخص وعيونه وراه "

‏" انا ممتن لسنيني و أحب دروسها فيني
‏اذا هي ضربة ما تقتل ؟ أكيد أنها تقويني"

‏أنا أشهد أن المفارق من عظيم البلاوي
‏مير هذا نصيبك يالعيون الشقية

‏أتجلد وأقول اني على البعد قاوي
‏والله أعلم بقلب فيه الاشواق حية

«يا ليت ربي ما كتب في الهوى وداع
وليت الهوى ما فيه عقب الوصل تيه

كان العمر في قربك أحلامه إقناع
وكان السهر ما يتعب النفس طاريه»

‏بخيل بـ معاناته على الناس و مضرّىَ
‏يعَذْر الكلام ان صار فايض ومتداخل

‏آعَرف الشحيح اللي على جوده مورّىَ
‏وآعَرف الكريم اللي على كلمته باخل

‏وآعَرف العزيز اللي لو يموت ما طرّىَ
‏مثل ما تعَرف الاندلس قيمة الداخل

‏يوزّع على الناس - ابتسامات من برىَ
‏على شان يدفن جرة الحزن من داخل

‏— عبدالله السراهيد

‏"الايام والناس .. يبي لها وجهين
‏وانا مالي الا واحد ويبي السلامه"
‏- سعد علوش

‏وين أودّي غيمة الاحلام من شمس الحقيقة
‏و أنت موجٍ لا تلاطم شفت به جزري و مدّي

‏ ضحكةٍ لاحت على وجهك نسايمها رقيقة
‏تعترض لي في صباحات الهوى و أقول ودّي

‏كل دربٍ ما خطت رجلك على مفرق طريقه
‏ما يعّد من الدروب ولا يجيب ولا يودّي

‏— ليلة بـ عنوان :

‏" وعادك اللي كل ما هبّ الهوا والليل ساري :
‏أذكرك ، وإذا ذكرتك سال غيم و ورد ندّى "

‏محمد المقحم جسدّ الغيرة ،
‏وقيل أيضاً :

‏لا تضحكّ لغيري ترى القلب يرتّاع
‏اغار حتى ان رد غيريّ .. سلامك

‏اي والله اني فيك بالحييل طماع
‏ابيّك كلك لي .. حتى كلامك !

‏صباح الخير
‏" الوقت يقطع والسنوات تُربّي
‏والأشياء التي نعي ضررها متأخرًا، خيرًا من أن نبقى نستظِلّ بوهمها إلى الأبد "

عسى فالغياب علاج خاطر وطب جروح
عن اللي دروبه ماتماشى مع دروبي

على الرغم من كبر الملامه وضيق البوح
انا واثق إن الطيب ماهوب عذروبي

لـ هالحين والروح النقيّه بذات الروح
تهبّ الهبوب .. وتطرق أنسامها ثوبي

ياكثر الوجيه اللي فـ بالي تجي وتروح
ولا عاد تلحقها المشاريه من صوبي

‏كاد صدري عليك مْن الحنين يْتفجّر
‏لو ما سِتر ربّي كان صارت مصيبة

‏— فهد العيبان.*