‏يقتلك صمت المكان ويقتلك تفكيرك
‏وانت بين الحالتين القشر ميّت ميّت

‏ودك انك شخص ثاني، شخص ثاني غيرك
‏واحداً لاصافح كفوف الزمن ماعيّت

‏_ ناصر الحمادين

‏مستوحشة كل الأماكن
‏وعلى ماقال / شعرت بالغربة وأنا في بلادي

«الحزن يصنع من المألوف، وجهٍ غريب
‏واخاف لاشفتك أسأل وين شفتك قبل ؟»

«على كثر الشتات اللي يمر ويربك أفكاري
لقيتك ظلّي الثابت معي دايم على الهقوة

يا وجهٍ كل ما ضاقت علي وشانت أقداري
ذكرته وأنجلى ضيقي وصارت عبرتي غنوة

تخيّرتك ولو غيرك وجوده عندي إجباري
أعرف ان الحياة بدون وصلك ما هي بـ حلوة»

أحنّ العلاقات قائمة على
‏"ودّي انّك توزّع من همومك عليّ هموم / ما ودّي تشيل همومك الواجد .. لحالك"

‏"أحيان نفسي تنطوي مثل الحرير
‏وأحيان لا والله أشدّ من السيوف"
‏عناد الشيباني أفضل من وصف تقلّبات نفسك المزاجية.

‏في إلتماس العذر للغائبين، يقول راشد بن قطيما:
‏«شهور.. ما بادرتني في رسالة
‏عسى البلا من شركة الإتصالات»

‏صباح الخير " توكّل وراجع مامضى وحسّن التدقيق/ترا مايفوت اليوم .. تسترجعه بكره "

‏ماكنّك إلا بدايات الشتا في السّنين
‏مهما تتكرر .. لها التقدير والمَرحبا .

‏سادك الحزن يا وجهٍ من أوّل ضحوك
‏رحت محدٍ درى عن روحك المُنهكه

‏شاحبة بسمتك وش فيك ؟ لافض فوك
‏بسمتك بسمة المهزوم في معركة

‏المشاعر لها في كل موقف سلوك
‏غالباً كل لحظات القلق مُربكة

‏للهُدى درب ما حوله تدور الشكوك
‏أعْرف أنّه هُدى لكن عجزت أسلكه .

‏تمرني طاري و عنّه تصددت
‏آداري" شعورٍ "على ما مضى حيّ

‏حتى لو اني في عتابك ترددت
‏عمر " العتب "ما غيّر بوضعنا شيّ

‏مدري وش اللي صار لكن تأكدت
‏مافيه حاجه باقيّة مثل ما هيّ .