‏أحفظ جنابه وأحشمه عن مدوّرة المناقيد
‏ومن القصيد الإعتيادي، والأبيات اليتيمه

‏_مشاري محمد

‏ورا حبك كلام و من ورا كل الكلام أشتقت
‏عليك الشوق ماخذ عن جميع الناس تفكيري

‏لو أضمن ياخذك من يستحقك بالبشر ما ضقت
‏ولكن ماشوف إن فيه أحد يستاهلك غيري !

‏«وش بقى غير الطيوف اللي لها قدر ومكانه»
‏— عبدالله السراهيد

‏" متى هذي الظنون اللي خذتكْ تخيب؟
‏تعال و عاتب بشدّه و حاسبني

‏تشوف ان الغياب يناسبك وتغيب
‏وانا مدري بعدها وش يناسبني ؟ "

‏لك عدة ايام ماتطري على بالي

‏- مصلح بن عياد

‏معه نفس لا عافت تفارق معاد تشين
‏فلا تختبر صبره .. معك طالبك طلبه

‏يحبك لكن ما ودّه إنك تعرفه زين
‏و لا وده .. تشوف الموازين منقلبه

‏ليا صد .. ماعاده مع الذكريات يلين
‏لو إن " الهوى غلاب " ماتقدر تغلبه

‏ولو حن له قلبه و رفت عليك العين
‏ يده سكرت عينه ورجله وطت قلبه

‏- سالم حمد

‏"وش اللي سرق من صوتك الحب يا مملوح ؟
‏لمحت الغلا مفقود من قسوة النبره
‏
‏اسولف معك ما كن لي فـ السبب مصلوح
‏وانا والله انها خانقه حلقي العبره
‏
‏دخيلك لا ترجع لهفتي رجعة المكسوح
‏ابي صوتك يعوّد علي مثل ما اخبره "

‏أستحيت من المشاريه ومعاتب جفاك
‏وأقتنعت إن الغلا ما يجي عرض وطلب

‏قلت أصدّ بـ كل حبي وتعظيمة غلاك
‏قبل أصدّ بـ قلب عايف وحالٍ منقلب

‏

وأيضاً لـ عفاش بن حرباش:

‏من حفظي لحبك تركتك على شان
‏ما تمشي الفرقا كذا بالتدرج

‏أحسن يموت الوصل وتعيش الأحزان
‏ولا يموت الحب .. وأنا أتفرج

‏شخصيتك اللي تحبها ماراح تعيشها إلا مع شخص واحد

‏يقول حمد/
‏« معاك اظهر بوجهي الحقيقي ، وباقي الناس ؟
‏أنا واحدٍ .. ما هقوتي إنهم يعرفونه »

‏لو نسيت أحلام عمري كلها و أهدافي
‏وش ينسيني ملامح وجهك المملوحة ؟

‏كل عبء في حياتك يتلاشى بوجود شخص حنون بجوارك، الحنان ضماد القلوب وبلسم الأجواف وهوادة الحياة

‏ثمان شهور وأنا أفضل العزله عن الجلاس
‏ماغير أمشي على طاريك وأسولف على ظلّي
‏- مطلق بن شويه

‏إللي قال " ياحسافة غلايّ إن كان هذا حصادي "
‏نفس شعور هذاك إللي قال " راحت مواصيل
‏المحبة حّلم ليل " .

‏" ذكرتك تحت قمرا في ديارٍ ما بها طرياك
‏و لمح بـ الذاكرة وجهك عسى الأيام تأتي به "

‏" عسى صبري .. يقلل من مخاوف قلبي الخواف
‏و اعيش الموقف اللي قد رسمه الشوق في بالي

‏ما ينفع للشتاء .. لا صار في عمق الحياة اللحاف
‏وأنا متلحف في حلم السنين اللي تبقى لي "

‏- فلاح بن فراج القرقاح

‏فمان جروحك اللي ما تْركت حلٍّ يحلّ بْقاي
‏فمان الله يا اعذب طعنةٍ مركوزة بصدري
‏-فيصل القاضي

‏على شان الغلا والحب جيتك تاركٍ مشهاي
‏عن الزلات وجروح المحبه صرت متغابي
‏-سعد بن لويبه