‏ما بين الشك واليقين :

‏"بالله . . . لا تضحك مع غيري
‏هالضحكه المفروض كانت لي"
‏*سعد هندي

‏"أنا ادري ان كل ضحكاتك علشاني
‏حتى هذيك الي لغيري ضحكتيها"
‏*مساعد المطلق

‏وش اللي سرق من صوتك الحب يا مملوح ؟
‏لمحت الغلا مفقود من قسوة النبره
‏
‏اسولف معك ما كن لي فـ السبب مصلوح
‏وانا والله انها خانقه حلقي العبره

‏– عويد النجود

‏⠀
‏مواعيد الولايف زلّت ووعد الشعر ما زلّ
‏يجيني كل ماحسّتني الضيقة ويدريبي

‏غريب وفاقدٍ في سكة الايام قلب وخلّ
‏وصرت احدّث العالم وسولف عن تجاريبي

‏احن لذكرياتٍ لو تمر ف بال غيري ملّ
‏وهو مايدري انها سر تشتيتي وتعذيبي

‏- عبدالله الصلاخي

‏تعلمك الجروح إنها تشابه نعمة النسيان
‏وإنك مثل ما تعرف تحب .. إنك بعد تكره

‏مبارك عليكم الشهر الفضيل ، و جعلنا الله و اياكم مِن مَن احسن صيامه و قيامه 🌙♥️

‏" عساك بأعمارنا مانت رمضان الأخير
‏و يقبل بك الله دعاي . . و طاعتي و جهدي "

‏عليك شهر الله يتبارك هلاله
‏من ليلة صيامه إلى ليلة العيد

‏مْازال الخيال يحفظ في ذاكرته ألبَوم
‏صور، والصور مايقدر العقل يحذفها
‏— محسن بن مترك

‏"بعض المشاعر نطلّعها نبيها تموت
‏ونموت منها ميّة مرّه .. وهي عايشه"
‏محاولة خالد مبارك الفاشلة مع الفضفضة.

يجوز إن الهوى بيني وبينك فص ملح وذاب
وأكيد اللي لقيته منك غير اللي تخيّلته

‏صباح الخير،
‏أمّا بعد :

‏لا باس يا شكّاية الوقت لا باس
‏عند المدبّر .. دبرةٍ نحتريها"

‏" جعل شمس الحظ لها مع الشرُوق إشراق
‏تنفض غبَار الأُمنيات . . و تنُور عتمة أحلاميّ ".

‏﴿ رَبِّ اجعَل هَذَا البَلد آمِناً ﴾ 🇰🇼

‏اللهم إنا نستودعك الكويت أمنها وأمانها واهلها ، ارضها وبحرها وسماها ، اللهم استرنا واحفظنا بحفظك.

‏عشرٍ تحرّاها العيون وتجتهد فيها القلوب
‏وتعدها نفسٍ ، ماهي عن ذكر ربي غافله

‏يارب منك العفو والرحمه وتكفير الذنوب
‏ليا أجتهدنا فالفريضه .. واحتسبنا النافله

‏"اللهم إنك عفوٌ تحبّ العفو فاعفُ عنَّا"

‏اللهم اجعلها امطار خير ورحمه يارب💕

‏معاناة الإنسان مرتبطة بكل شخص أخذ فوق حجمه
‏وهنا أستذكر بيت سعد علوش يوم قال :

‏" لا عطيت أيَّ شخص قيمته ما يلحقك لوم
‏ أي قيمه زايدة .. تنخصم من قيمتك "

‏اللهم إنها آخر جمعة في رمضان فلا تجعله آخر عهدنا برمضان ، اللهم أعده علينا وعلى من نحب أزمنه مديدة ، وسنين عديدة ، بالخير والبركات ، اللهم لا تحرمنا فيه من عفوك وغفرانك ، والعتق من نيرانك ، يارب وإن قصّرنا أنت الغفور الغني عن عبادك ، فاغفر لنا تقصيرنا وردنا إليك ردًّا جميلاً ياربّ

‏«من غلاك، إن هبَّ من صوبك ذعاذيعٍ نديه
‏قمت أفتّح في ضلوعي طاقةٍ في جنب، طاقه»

‏———خالد بن مدعث

‏تجيك حزه تضيق بك الدنيا و ما فيها و هي سعه

‏و وصف شاعر هذا الشعور و قال :

‏ضايق و أحس الضيقة أكبر من بكاي
‏ و الضيق يستاهل .. و عيني كريمه

‏و يا ليتها من ضيقة الخاطر و جاي
‏حتى الهوى الليله .. خنقني نسيمه