‏"أنتي مثل بيتٍ كتبته و انا طَرب
‏طروّه لي و انا حزين .. و نفيته"
‏- صالح النشيرا

‏الإنسان اللي يعرف قيمة نفسه
‏إذا ما لقى له مكان رحب وصدر يقدّر غلاه يختار البعد بصمت شامخ..
‏بدل لايطارد سراب المشاعر ويذل نفسه في سبيل الوصل
‏وقيل في سياق ذلك:
‏من لا يعدّك ربح ، لا تعدّه خساره
‏وأرفع مقامك عن هوى كل منان
‏الطيب فينا ما نبي له تجارة
‏واللي يبي الفرقى له الدرب عنوان

‏ودّي أرمي
‏من على متون الصبر آخر متاعي
‏مثل ما يرمي المصلي ما على متونه بسجدة

‏صباح الخير، قرأت أقتباس إلى الآن أفكر بعمقه: " كلنا نعرف كيف نمارس الحنيَّة في الأوقات العادية، لكنَّ ثوب الحنان الحقيقي يظهر في من يرتديه وقت الخصام " حقيقي بكل ما تعنيه الكلمة.

‏الله يعين الكبير اللي طموحه كبير
‏وظروفه تحاول تهزه .. ولا هزته
‏لو الليالي خذت من ما بغاه الكثير
‏والله ما ترهي وتاخذ شيء من عزته

‏لا تلومه لو تشوف الصمت ذنب من ذنوبه
‏وش يقول اللي يشوف إحساسه أكبر من كلامه

‏"من أوغل فالحقايق وأنصدم فالواقع المشؤوم
‏ما عاد يفكّر يسولف لأحد .. بأصغر تفاصيله"
‏- عبدالعزيز العبلان

‏رعى الله صدور محد يدري بخافيها

‏خلك بحر ما يزعجه نقص أو زود
‏وش حاجتك بالناس والرب موجود
‏من لا يعدك ربح لا تحسبه فود
‏ومن صد عنك عده اليوم مفقود

‏كن ورا صدري من الضيق جمهور غفير
‏لو سكت شوي يمكن تبين أصواتها

‏اما عن الاماني :

‏تمنيت شي وقدّر الله شي وصار ولا لي
‏سوى وجه الرضا لو تصنعته

‏وأما عن الخيره :

‏انا هقيت ان راحة العبد فيما اختار
‏واثر خيرة المولى لعبده مسنعته

‏واما عن الواقع:

‏تبون الصراحه والله اني منها ا ا اره
‏ظروف الحياة اقسى من اللي توقعته

‏معك الدروب الموحشة ما عليها خوف،
‏ومعك السنين المجدبة..روضةٍ خضرا.🤍

‏أشوفك سحابٍ في مجيّه حيا وأمطار
‏وأشوفك مجي القوم والحرب والسلّة

‏-وأشوفك نهارٍ.. ما توارى عن الأنظار
‏ياعنك إنّي أفضّل شموسه على ظلّه

‏تعال إن بدا لك في دروبي ضحى وديار
‏"هذا الصّدِر مرتع، وأنت خابرهْ وتْدلّه"

‏وخذ أول شبابي عمر لا شحت الأعمار
‏وإذا كان ما يكفي؟ فداك العمر كلّه.🤍

‏حاصل أني كل ليله :
‏" أهرب من ضجيج الناس ويلاحقنيّ ضجيج أفكاري "
‏— هذي والله البلشه يا إنسان

‏أتركوني كل ماغبت ولا تنشدون
‏ماني ببرقٍ عيون العباد تخايله

‏ودي أدفن جرتي وأتقي عن العيون
‏الله الباقي — ونفس البنادم زايله

‏والله لاصدري شمالي ولاهم يحزنون
‏حتى لو ماشفتوا دموع عيني سايله

‏كل يوم أظن لي ظن وتخيب الظنون
‏وأنا كتفي تعب من جور حملٍ شايله

‏—— ناصر الحمادين *

‏أحبّك
‏كنّ ما قبلك
‏عزيز ولا سواك شعور
‏لو إن الناس مرّتني
‏ أحبك من حناجرها

‏كأنك أرض تأويني
‏وكنّ العالمين بحور
‏وكنّي شعب ما يقدر يسافر .. أو يهاجرها

‏كل شمسٍ ماتجيبك في ضحاها فدوةٍ لك
‏ وكل صدرٍ ماتنفس صبح وجهك عزتي له

‏فدا وجهك مشاريه المدى والحزن ، والأعذار
‏و غصنٍ ميَّله صفق الهبوب ، وفزّ له طيري

‏أحبَّك . . وأختلي في جفن عينك والحقوق كثار
‏معاك أعذب مسافات الهوَى وأحلى مشاوِيري

‏اللهم إني استودعتك عام مضى من عُمري
‏فأغفرلي وبارك لي في عامي الجديد 🤍

‏«تسجّ القلوب و كل ذكرى تجي و تروح
‏و ذكراك في قلبي .. مثل يوم ميلادي»