Азаматтық жауапкершілік пен ортақ құндылықтар: ҚР Энергетика министрлігі Мемлекеттік рәміздер күнін атап өтті🇰🇿

▪️Астана, 2026 жылғы 4 маусым — Бүгін Қазақстан мемлекеттік күнтізбедегі маңызды мерекелердің бірі – Мемлекеттік рәміздер күнін атап өтуде. Осыған орай Қазақстан Республикасы Энергетика министрлігінде министрліктің басшылығы, қызметкерлері мен ведомстволық бағынысты ұйымдардың өкілдері қатысқан салтанатты жиын өтті.

▪️Ресми шара Қазақстан Республикасының Мемлекеттік гимнін бірлесіп орындаумен басталды. Қатысушылар Ту, Елтаңба және Әнұран еліміздің тәуелсіздігі мен егемендігінің, тарихи сабақтастығының басты нышандары болып табылатынын, сондай-ақ барлық қазақстандықтарды біріктіретін ортақ құндылықтар екенін атап өтті.

▪️Мемлекеттік басқару жүйесінде еңбек ететін мамандар үшін мемлекеттік рәміздерге деген құрмет күнделікті кәсіби міндетті адал атқарумен тығыз байланысты. Бұл туралы Қазақстан Республикасы Энергетика министрлігінің Аппарат басшысы Айдын Ашуев өз сөзінде ерекше атап өтті.

▪️«Мемлекеттік рәміздерді құрметтеу – азаматтық жауапкершілік пен отансүйгіштіктің берік негізі. Ту, Елтаңба және Әнұран бізге мемлекеттік қызметтің басты мақсатын – қоғам игілігі үшін еңбек етуді үнемі еске салып отырады. Әрбір мемлекеттік қызметші күнделікті нақты шешімдері мен адал еңбегі арқылы Отанға деген адалдығын дәлелдеп, елдің экономикалық тұрақтылығын нығайтуға және мемлекеттік егемендігін күшейтуге өз үлесін қосуы тиіс», – деді Айдын Ашуев.

▪️Қазақстан Республикасы Энергетика министрлігі барлық қазақстандықтарды Мемлекеттік рәміздер күнімен құттықтап, елімізге бейбітшілік, әр отбасыға амандық пен бақ-береке, Отанымызға одан әрі өркендеу тілейді.

🔹Өскемендегі жаңа ЖЭО қаланың жылу энергиясы тапшылығын жабуға мүмкіндік береді

▪️Қазақстан Республикасы Энергетика вице-министрі Сұңғат Есімханов Шығыс Қазақстан облысының тұрғындарымен есептік кездесу өткізіп, өңірдің энергетика саласының қазіргі жағдайы, инфрақұрылымдық жобалардың іске асырылуы туралы баяндап, тұрғындардың сұрақтарына жауап берді.

▪️Кездесуді ашқан вице-министр электрмен жабдықтаудың сенімділігін қамтамасыз ету және энергетикалық инфрақұрылымды жаңғырту Энергетика министрлігі жұмысының негізгі бағыттарының бірі болып қала беретінін атап өтті.

▪️Кездесу барысында Риддер жылу электр орталығының жұмысына ерекше назар аударылды. Сұңғат Есімхановтың айтуынша, 2023–2025 жылдары станцияны жаңғыртуға 20,2 млрд теңге бағытталды. Нәтижесінде жабдықтардың тозу деңгейі 75%-дан 43%-ға дейін төмендеп, қаланы жылумен қамту жағдайы тұрақтандырылды. 2026 жылы станцияны одан әрі жаңғыртуға 2,6 млрд теңге қарастырылған. Оның аясында екі қазандық пен 3,3 шақырым жылу желісіне жөндеу жұмыстары жүргізіледі.

▪️Сондай-ақ кездесуде Өскемен қаласында жаңа жылу электр орталығын салу жобасы туралы ақпарат берілді. Жобаны «Самұрық-Энерго» АҚ іске асыруда. Болашақ станцияның электр қуаты 360 МВт, ал жылу қуаты 1000 Гкал/сағатты құрайды. Бұл қаланың қазіргі жылу энергиясы тапшылығын толық өтеуге мүмкіндік береді.

▪️Құрылыс үшін Өскемен қаласының сол жағалауынан жер учаскесі белгіленді. Жоба заманауи таза көмір технологияларын қолдануды көздейді. Қазіргі уақытта құрылыс алаңын дайындау жұмыстары жүргізілуде. Құрылысты 2029 жылдың соңына дейін аяқтау жоспарланған.

▪️Вице-министр Сұңғат Есімханов өңір тұрғындарының электрмен және жылумен жабдықтау, инфрақұрылымдық жобаларды іске асыру және облыстың энергетикалық жүйесін одан әрі дамыту мәселелері бойынша қойған сұрақтарына жауап берді.

▪️Вице-министр барлық келіп түсетін өтініштер мен ұсыныстар Энергетика министрлігінің тұрақты бақылауында екенін атап өтті.

▪️Шығыс Қазақстан облысына жұмыс сапары барысында Сұңғат Есімханов Риддер жылу электр орталығындағы жөндеу науқанының барысымен және алдағы жылыту маусымына дайындық жұмыстарымен танысты.

🔸Новая ТЭЦ в Усть-Каменогорске позволит покрыть дефицит тепловой энергии города

▪️Вице-министр энергетики Сунгат Есимханов провел отчетную встречу с жителями Восточно-Казахстанской области, в ходе которой рассказал о текущем состоянии энергетической отрасли региона, реализации инфраструктурных проектов и ответил на вопросы населения.

▪️Открывая встречу, вице-министр отметил, что обеспечение надежного электроснабжения и модернизация энергетической инфраструктуры остаются одними из ключевых направлений работы Министерства энергетики.

▪️Отдельное внимание было уделено работе Риддерской ТЭЦ. По словам Сунгата Есимханова, в период с 2023 по 2025 годы на модернизацию станции было направлено 20,2 млрд тенге. В результате износ оборудования снижен с 75% до 43%, а ситуация с теплоснабжением города стабилизирована. В 2026 году на дальнейшее обновление станции предусмотрено 2,6 млрд тенге, включая ремонт двух котлов и 3,3 километра тепловых сетей.

▪️Также на встрече была представлена информация о строительстве новой ТЭЦ в Усть-Каменогорске. Проект реализуется АО «Самрук-Энерго». Электрическая мощность будущей станции составит 360 МВт, тепловая — 1000 Гкал/ч, что позволит покрыть существующий дефицит тепловой энергии города.

▪️Для строительства определен земельный участок на левом берегу Усть-Каменогорска. Проект предусматривает применение современных технологий на базе чистого угля. На сегодня ведутся работы по подготовке площадки для строительных работ. Завершение строительства планируется к концу 2029 года.

▪️Вице-министр Сунгат Есимханов ответил на вопросы жителей региона, касающиеся электроснабжения, теплоснабжения, реализации инфраструктурных проектов и дальнейшего развития энергетической системы области.

▪️Вице-министр подчеркнул, что все поступающие обращения находятся на постоянном контроле Министерства энергетики.

▪️В ходе рабочей поездки в ВКО Сунгат Есимханов проинспектировал ход ремонтной кампании и подготовку к предстоящему отопительному сезону на Риддерской ТЭЦ.